ചെന്ത്രാപ്പിന്നി മേഖലയിൽ കുടിവെള്ള വിതരണം മുടങ്ങിയിട്ട് ഒരുമാസം; പരിഹരിക്കാനാകാതെ വാട്ടർ അതോറിറ്റി

ചെ​ന്ത്രാ​പ്പി​ന്നി: മേ​ഖ​ല​യി​ൽ കു​ടി​വെ​ള്ള വി​ത​ര​ണം മു​ട​ങ്ങി മാ​സം പി​ന്നി​ട്ടി​ട്ടും പ്ര​ശ്നം പ​രി​ഹ​രി​ക്കാ​നാ​കാ​തെ വാ​ട്ട​ർ അ​തോ​റി​റ്റി. എ​ട​ത്തി​രു​ത്തി പ​ഞ്ചാ​യ​ത്തി​ലെ എ​ട്ട്, ഒ​മ്പ​ത്, 10 വാ​ർ​ഡു​ക​ളി​ലേ​ക്കു​ള്ള കു​ടി​വെ​ള്ള വി​ത​ര​ണ​മാ​ണ് 32 ദി​വ​സ​മാ​യി നി​ല​ച്ചി​രി​ക്കു​ന്ന​ത്.

ദേ​ശീ​യ​പാ​ത വി​ക​സ​ന​ത്തി​ന്റെ ഭാ​ഗ​മാ​യി നി​ർ​മാ​ണം ന​ട​ക്കു​ന്നി​ട​ത്ത് പൈ​പ്പ് പൊ​ട്ടി​യ​തി​നെ തു​ട​ർ​ന്നാ​ണ് ആ​ദ്യം കു​ടി​വെ​ള്ള വി​ത​ര​ണം മു​ട​ങ്ങി​യ​ത്. ഇ​തേ തു​ട​ർ​ന്ന് 15 ദി​വ​സം ക​ഴി​ഞ്ഞാ​ണ് എ​ൻ.​എ​ച്ച് അ​ധി​കൃ​ത​ർ പൊ​ട്ടി​യ പൈ​പ്പ് ന​ന്നാ​ക്കി​യ​ത്. എ​ന്നാ​ൽ, പൈ​പ്പ് ശ​രി​യാ​ക്കി​യി​ട്ടും വെ​ള്ള​മെ​ത്തി​യി​ല്ല. ഇ​തോ​ടെ ജ​ന​ങ്ങ​ൾ പ​രാ​തി​യു​മാ​യി വീ​ണ്ടും രം​ഗ​ത്തെ​ത്തി. തു​ട​ർ​ന്ന് വാ​ട്ട​ർ അ​തോ​റി​റ്റി ജീ​വ​ന​ക്കാ​രും ഒ​മ്പ​താം വാ​ർ​ഡ് മെം​ബ​ർ കെ.​എ​സ്. അ​നി​ൽ കു​മാ​റും ചേ​ർ​ന്ന് റോ​ഡ​രി​കി​ലെ പ​ത്തോ​ളം ഭാ​ഗ​ങ്ങ​ളി​ൽ കു​ഴി​ച്ച ശേ​ഷ​മാ​ണ് പൈ​പ്പി​ലെ ഒ​രു ത​ട​സ്സം ക​ണ്ടെ​ത്തി​യ​ത്. ചെ​ന്ത്രാ​പ്പി​ന്നി ഐ​സ് പ്ലാ​ന്റി​ന് സ​മീ​പ​ത്തെ ആ​ൽ മ​ര​ത്തി​ന്റെ വേ​ര് പൈ​പ്പി​ന്റെ ജോ​യ​ന്റി​ലൂ​ടെ ക​യ​റി​യ​താ​ണ് വെ​ള്ള​മൊ​ഴു​ക്ക് ത​ട​സ്സ​പ്പെ​ടു​ത്തി​യ​ത്. പ​ത്ത് മീ​റ്റ​റോ​ളം നീ​ള​ത്തി​ലാ​ണ് പൈ​പ്പി​ന​ക​ത്തു​നി​ന്നും വേ​ര് എ​ടു​ത്തു​മാ​റ്റി​യ​ത്. എ​ന്നാ​ൽ, വേ​ര് എ​ടു​ത്ത് മാ​റ്റി​യി​ട്ടും വെ​ള്ളം പൈ​പ്പി​ലെ​ത്തി​യി​ല്ല. വാ​ൾ​വ് ത​ക​രാ​റാ​ണെ​ന്ന് ക​രു​തി സി.​വി സെ​ന്റ​റി​ലെ വാ​ൾ​വ് തു​റ​ന്ന് നോ​ക്കി​യെ​ങ്കി​ലും ത​ക​രാ​റ് ക​ണ്ടെ​ത്താ​നാ​യി​ല്ല. വാ​ട്ട​ർ അ​തോ​റി​റ്റി​യു​ടെ ക​രാ​ർ പ​ണി​ക്കാ​ർ പ​തി​നെ​ട്ട​ട​വും പ​യ​റ്റി​യി​ട്ടും ശു​ദ്ധ​ജ​ല വി​ത​ര​ണ പൈ​പ്പി​ലെ ത​ക​രാ​ർ ഇ​തു​വ​രെ​യും ക​ണ്ടെ​ത്താ​നാ​യി​ട്ടി​ല്ല. വി​ശേ​ഷ ദി​വ​സ​ങ്ങ​ളി​ൽ പോ​ലും വെ​ള്ളം കി​ട്ടാ​താ​യ​തോ​ടെ ജ​ന​ങ്ങ​ൾ ക​ടു​ത്ത അ​മ​ർ​ഷ​ത്തി​ലാ​ണ്. മു​സ്‍ലിം ലീ​ഗി​ന്റെ നേ​തൃ​ത്വ​ത്തി​ൽ പെ​രു​ന്നാ​ൾ ദി​ന​ത്തി​ൽ ചാ​മ​ക്കാ​ല​യി​ൽ പ്ര​തി​ഷേ​ധ സ​മ​ര​വും സം​ഘ​ടി​പ്പി​ച്ചി​രു​ന്നു. എ​ത്ര​യും പെ​ട്ടെ​ന്ന് ശു​ദ്ധ​ജ​ല​മെ​ത്തി​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.