പട്ടിയെ കൊന്നത് പുലിയെന്ന് സംശയം

വെള്ളിക്കുളങ്ങര: മറ്റത്തൂര്‍ പഞ്ചായത്തിലെ വനാതിര്‍ത്തി ഗ്രാമമായ പോത്തന്‍ചിറയില്‍ പട്ടിയെ അജ്ഞാത ജീവി ആക്രമിച്ചുകൊന്നു.

പോത്തന്‍ചിറയിലുള്ള ഫാമിനു സമീപത്തെ വഴിയിലാണ് കഴുത്തിനു മുറിവേറ്റ നിലയില്‍ ബുധനാഴ്ച പുലര്‍ച്ചെ പട്ടിയെ കണ്ടെത്തിയത്. പുലിയാണ് പട്ടിയെ ആക്രമിച്ചതെന്ന് നാട്ടുകാര്‍ സംശയിക്കുന്നു. രണ്ടാഴ്ച മുമ്പ് പോത്തന്‍ചിറയില്‍ പുലി പശുക്കുട്ടിയെ കൊന്നു തിന്നിരുന്നു.