‘‘എ​ന്ന് ത​രും ഞ​ങ്ങ​ളു​ടെ പ​ണം?’’

തൃ​ശൂ​ർ: ‘‘ഞ​ങ്ങ​ളും ഫി​ലോ​മി​ന​മാ​രാ​കും... അ​ല്ലെ​ങ്കി​ൽ ആ​രെ​ങ്കി​ലും ഉ​റ​പ്പു​ത​രേ​ണ്ടേ... ഈ ​പ​ടി​ക്കെ​ട്ട് ക​യ​റി​യി​റ​ങ്ങി​യ​തി​ന് എ​ണ്ണം വെ​ച്ചി​ട്ടി​ല്ല...’’ ക​രു​വ​ന്നൂ​ർ സ​ഹ​ക​ര​ണ ബാ​ങ്കി​ൽ 30 ല​ക്ഷ​ത്തി​ല​ധി​കം രൂ​പ നി​ക്ഷേ​പ​മു​ള്ള സ​രോ​ജി​നി​യു​ടെ ച​ങ്കി​ടി​ച്ചു​ള്ള വാ​ക്കു​ക​ൾ നെ​ഞ്ച് ത​ക​ർ​ക്കു​ന്ന​താ​ണ്. ക​രു​വ​ന്നൂ​രി​ലെ ആ​യി​ര​ക്ക​ണ​ക്കി​നാ​ളു​ക​ളു​ടെ പ്ര​തീ​ക​മാ​ണ് സ​രോ​ജി​നി.

ബാ​ങ്ക് ത​ട്ടി​പ്പ് പു​റ​ത്തു​വ​ന്ന് ര​ണ്ടു വ​ർ​ഷ​ത്തി​നി​പ്പു​റ​വും ദി​വ​സ​വും നൂ​റു​ക​ണ​ക്കി​നാ​ളു​ക​ൾ ജീ​വി​ത സ​മ്പാ​ദ്യം സു​ര​ക്ഷി​ത​മെ​ന്ന് ക​രു​തി നി​ക്ഷേ​പി​ച്ച ബാ​ങ്കി​ൽ ക​യ​റി​യി​റ​ങ്ങു​ക​യാ​ണ്. മ​രു​ന്ന് വാ​ങ്ങാ​നും അ​ത്യാ​വ​ശ്യ​ങ്ങ​ൾ​ക്കു പോ​ലും മ​റ്റു പ​ല​രെ​യും ആ​ശ്ര​യി​ക്കേ​ണ്ടി​വ​രു​ന്നു. 2021 ജൂ​ലൈ​യി​ലാ​യി​രു​ന്നു ക​രു​വ​ന്നൂ​രി​ല്‍നി​ന്ന് കേ​ര​ള​ത്തെ ഞെ​ട്ടി​ച്ചു​ള്ള ത​ട്ടി​പ്പു​വാ​ര്‍ത്ത പു​റ​ത്തു​വ​ന്ന​ത്. അ​റ​സ്റ്റും അ​ന്വേ​ഷ​ണ​വു​മാ​യി മാ​സ​ങ്ങ​ള്‍ പി​ന്നി​ട്ട​പ്പോ​ള്‍ ക​രു​വ​ന്നൂ​ര്‍ പ​തി​യെ വാ​ര്‍ത്ത​ക​ളി​ല്‍നി​ന്ന് അ​പ്ര​ത്യ​ക്ഷ​മാ​യി.

ഒ​രു വ​ര്‍ഷ​ത്തി​നു ശേ​ഷം ഇ​തേ ബാ​ങ്കി​ല്‍ 30 ല​ക്ഷം രൂ​പ നി​ക്ഷേ​പം ഉ​ണ്ടാ​യി​ട്ടും മ​തി​യാ​യ ചി​കി​ത്സ ല​ഭി​ക്കാ​തെ വ​യോ​ധി​ക മ​രി​ച്ച​താ​ണ് വീ​ണ്ടും വാ​ര്‍ത്ത​ക​ളി​ല്‍ നി​റ​ഞ്ഞ​ത്. പി​ന്നാ​ലെ സ്വ​ന്തം സ​മ്പാ​ദ്യം അ​ത്യാ​വ​ശ്യ സ​മ​യ​ത്ത് ഉ​പ​ക​രി​ക്കാ​തെ നൂ​ലാ​മാ​ല​ക​ളി​ല്‍ കു​ടു​ങ്ങി​യ​വ​രു​ടെ കൂ​ടു​ത​ല്‍ വി​വ​ര​ങ്ങ​ളും പു​റ​ത്തെ​ത്തു​ക​യാ​ണ്.

ബാ​ങ്കി​ൽ 30 ല​ക്ഷം രൂ​പ​യു​ടെ നി​ക്ഷേ​പ​മു​ണ്ടാ​യി​ട്ടും വി​ദ​ഗ്ധ ചി​കി​ത്സ കി​ട്ടാ​തെ ക​രു​വ​ന്നൂ​ർ സ്വ​ദേ​ശി ഫി​ലോ​മി​ന മ​രി​ച്ച​ത് ഇ​ന്നും നീ​റ്റ​ലാ​ണ്. ഫി​ലോ​മി​ന​യു​ടെ മ​ര​ണ​ശേ​ഷം ര​ണ്ടു​ത​വ​ണ തു​ക കൈ​മാ​റി​യെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ലെ​ന്ന തീ​രാ​ന​ഷ്ട​ത്തി​ന് ആ​ര് മ​റു​പ​ടി ന​ൽ​കു​മെ​ന്ന ചോ​ദ്യ​മാ​ണ് ഇ​ന്ന് നി​ക്ഷേ​പ​ക​ർ ഉ​യ​ർ​ത്തു​ന്ന​ത്.

അ​ർ​ബു​ദ ബാ​ധി​ത​നാ​യി ചി​കി​ത്സ​യി​ൽ ക​ഴി​യു​ന്ന ജോ​ഷി ആ​ന്റ​ണി​ക്ക് ബാ​ങ്കി​ൽ 82 ല​ക്ഷം രൂ​പ നി​ക്ഷേ​പ​മു​ണ്ട്. കി​ട്ടി​യ​ത് നാ​മ​മാ​ത്ര​മാ​യ തു​ക. മ​സ്തി​ഷ്കാ​ഘാ​ത​ത്തെ തു​ട​ർ​ന്ന് തൃ​ശൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലു​ള്ള ജോ​ഷി ഈ ​തി​രു​വോ​ണ​ത്തി​ന് ബാ​ങ്കി​നും തി​രി​ഞ്ഞു​നോ​ക്കാ​ത്ത പാ​ർ​ട്ടി​ക്കു​മെ​തി​രാ​യ പ്ര​തി​ഷേ​ധ​ത്തി​ൽ പ​ട്ടി​ണി സ​മ​ര​ത്തി​ലാ​യി​രു​ന്നു.

മാ​പ്രാ​ണം സ്വ​ദേ​ശി ബ​ഷീ​ര്‍ സ​ര്‍ക്കാ​ര്‍ ജീ​വ​ന​ക്കാ​ര​നാ​യി​രു​ന്നു. മ​ക്ക​ളു​ടെ വി​വാ​ഹാ​വ​ശ്യ​ത്തി​ന് ക​ണ​ക്കാ​ക്കി ക​രു​വ​ന്നൂ​ര്‍ ബാ​ങ്കി​ലി​ട്ട ര​ണ്ടു ല​ക്ഷം രൂ​പ ആ​വ​ശ്യ​ത്തി​ന് ഉ​പ​യോ​ഗ​പ്പെ​ട്ടി​ല്ല. മ​റ്റൊ​രു നി​ക്ഷേ​പ​ക സ​ര​സ്വ​തി​യു​ടെ ഭ​ര്‍ത്താ​വ് ലോ​ട്ട​റി വി​റ്റ് മി​ച്ചം​പി​ടി​ച്ച ഒ​രു ല​ക്ഷ​ത്തി​ലേ​റെ രൂ​പ​യാ​ണ് ബാ​ങ്കി​ലി​ട്ട​ത്. അ​തും അ​ടു​ത്തെ​ങ്ങും തി​രി​ച്ചു​കി​ട്ടാ​ന്‍ ഇ​ട​യി​ല്ലാ​ത്ത​തി​നാ​ല്‍ സ്ഥി​ര നി​ക്ഷേ​പ​മാ​ക്കി. രോ​ഗ​ത്തി​ലും പ്ര​യാ​സ​ത്തി​ലും ഉ​ത​കു​മെ​ന്നു ക​രു​തി ക​രു​വ​ന്നൂ​ര്‍ ബാ​ങ്കി​ല്‍ നി​ക്ഷേ​പി​ച്ച 5000 പേ​രാ​ണ് ബാ​ങ്കി​ൽ ചി​ല​ർ ന​ട​ത്തി​യ ത​ട്ടി​പ്പി​ലൂ​ടെ ക​ഷ്ട​ത്തി​ലാ​യ​ത്.

പാ​ർ​ട്ടി​ക്കാ​രോ​ടും ബാ​ങ്കി​ലു​ള്ള​വ​രോ​ടും കേ​ണ​പേ​ക്ഷി​ച്ചി​ട്ടും അ​വ​ഗ​ണി​ച്ച​തി​ന്റെ രോ​ഷ​മാ​ണ് ആ​ളു​ക​ൾ​ക്ക്. പ​രാ​തി​ക്ക് പി​ന്നാ​ലെ ബാ​ങ്കി​ല്‍നി​ന്ന് 80 ല​ക്ഷം രൂ​പ വാ​യ്പ​യെ​ടു​ത്ത മു​ന്‍ പ​ഞ്ചാ​യ​ത്ത് അം​ഗ​ത്തെ ആ​ത്മ​ഹ​ത്യ ചെ​യ്ത​നി​ല​യി​ല്‍ ക​ണ്ടെ​ത്തി. തി​രി​മ​റി പു​റ​ത്തു​വ​ന്ന​തോ​ടെ സ​ഹ​ക​ര​ണ വ​കു​പ്പ് ജോ​യ​ന്റ് സെ​ക്ര​ട്ട​റി​യെ വ​കു​പ്പു​ത​ല അ​ന്വേ​ഷ​ണ​ത്തി​നാ​യി സ​ര്‍ക്കാ​ര്‍ ചു​മ​ത​ല​പ്പെ​ടു​ത്തി.

പി​ന്നാ​ലെ പ്ര​തി​ക​ള്‍ റി​യ​ല്‍ എ​സ്റ്റേ​റ്റി​ലും ഹോ​ട്ട​ല്‍ വ്യ​വ​സാ​യ​ത്തി​ലും പ​ണം നി​ക്ഷേ​പി​ച്ച​ത​ട​ക്കം വി​വ​ര​ങ്ങ​ള്‍ പു​റ​ത്തു​വ​ന്നു. 21 വ​ര്‍ഷം ബാ​ങ്ക് സെ​ക്ര​ട്ട​റി​യാ​യി​രു​ന്ന ടി.​ആ​ര്‍. സു​നി​ല്‍ കു​മാ​ര്‍ അ​ട​ക്കം ജീ​വ​ന​ക്കാ​രും മു​ൻ ഭ​ര​ണ​സ​മി​തി അം​ഗ​ങ്ങ​ളു​മ​ട​ക്ക​മു​ള്ള​വ​രും പ്ര​തി​ക​ളാ​യി, അ​റ​സ്റ്റി​ലാ​യി.

ഇ​പ്പോ​ൾ ബാ​ങ്ക് ത​ട്ടി​പ്പി​ലെ ക​ള്ള​പ്പ​ണ ഇ​ട​പാ​ട് സം​ശ​യി​ച്ച് കേ​സെ​ടു​ത്ത ഇ.​ഡി സി.​പി.​എം നേ​താ​വു​ൾ​പ്പെ​ടെ നാ​ലു​പേ​രെ അ​റ​സ്റ്റ് ചെ​യ്തു. മു​ൻ മ​ന്ത്രി എ.​സി. മൊ​യ്തീ​നും എം.​കെ. ക​ണ്ണ​ൻ അ​ട​ക്കം നേ​താ​ക്ക​ളും ആ​രോ​പ​ണ നി​ഴ​ലി​ലാ​ണ്. ചെ​റു​താ​ണെ​ങ്കി​ലും സം​സ്ഥാ​ന​ത്തെ​ത്ത​ന്നെ മി​ക​ച്ച ബാ​ങ്കെ​ന്ന് പേ​രെ​ടു​ത്ത​താ​ണ് ക​രു​വ​ന്നൂ​ർ ബാ​ങ്ക്.

പ​ക്ഷേ, ഭ​ര​ണ​സ​മി​തി അം​ഗ​ങ്ങ​ളു​ടെ​യും ജീ​വ​ന​ക്കാ​രു​ടെ​യും കെ​ടു​കാ​ര്യ​സ്ഥ​ത​യി​ൽ ഇ​പ്പോ​ൾ പെ​രു​വ​ഴി​യി​ലാ​യി​രി​ക്കു​ന്ന​ത് അ​യ്യാ​യി​ര​ത്തി​ലേ​റെ നി​ക്ഷേ​പ​ക​രാ​ണ്. സ​ഹ​ക​ര​ണ വ​കു​പ്പി​ന്റെ ക​ണ​ക്കു​പ്ര​കാ​രം കാ​ലാ​വ​ധി പൂ​ര്‍ത്തി​യാ​യ 150 കോ​ടി​യോ​ളം രൂ​പ നി​ക്ഷേ​പ​ക​ര്‍ക്ക് മ​ട​ക്കി​ന​ല്‍കാ​നു​ണ്ട്. ചി​കി​ത്സ​ക്കും വി​വാ​ഹ ആ​വ​ശ്യ​ങ്ങ​ള്‍ക്കും ബാ​ങ്കി​നെ സ​മീ​പി​ച്ചാ​ല്‍ 10,000 മു​ത​ല്‍ 50,000 വ​രെ​യാ​ണ് ഇ​പ്പോ​ഴും ന​ല്‍കു​ന്ന​ത്.

അ​ഡ്മി​നി​സ്ട്രേ​റ്റ​ര്‍ ഭ​ര​ണ​മാ​ണ് ഇ​പ്പോ​ൾ. പാ​ർ​ട്ടി​ക്കാ​രു​ടെ അ​വ​ഗ​ണ​ന​യും ധാ​ർ​ഷ്ട്യ​മ​നോ​ഭാ​വ​വു​മാ​ണ് പെ​രു​വ​ഴി​യി​ലാ​യ നി​ക്ഷേ​പ​ക​രെ കൂ​ടു​ത​ൽ വേ​ദ​നി​പ്പി​ച്ച​ത്. പാ​ർ​ട്ടി​യും സ​ർ​ക്കാ​റും ഇ​ട​പെ​ട്ടാ​ൽ പ​രി​ഹാ​ര​മാ​കു​മെ​ന്നി​രി​ക്കെ അ​തി​നു​ള്ള ശ്ര​മം​പോ​ലും ന​ട​ക്കാ​ത്ത​തി​ലാ​ണ് പ്ര​തി​ഷേ​ധം. ഇ​നി​യും ഫി​ലോ​മി​ന​മാ​രു​ണ്ടാ​കാ​ൻ കാ​ത്തി​രി​ക്കു​ക​യാ​ണോ​യെ​ന്ന ഹൃ​ദ​യം പി​ള​ർ​ക്കു​ന്ന ചോ​ദ്യ​ങ്ങ​ളാ​ണ് നി​ക്ഷേ​പ​ക​രു​യ​ർ​ത്തു​ന്ന​ത്.