നെ​ല്ലാ​യി ക​ട​വി​ലെ തോ​ണി ദു​ര​ന്ത​ത്തി​ന് ഇന്ന്​ 30 ആണ്ട്​;​ പാ​ലം യാ​ഥാ​ർ​ഥ്യ​മാ​കു​ന്ന​തും കാ​ത്ത്​ നാ​ട്ടു​കാ​ർ

കൊ​ട​ക​ര: കു​റു​മാ​ലി​പ്പു​ഴ​യി​ലെ നെ​ല്ലാ​യി ക​ട​വി​ല്‍ ക​ട​ത്തു​തോ​ണി മ​റി​ഞ്ഞ് അ​ഞ്ചു ജീ​വ​ന്‍ പൊ​ലി​ഞ്ഞി​ട്ട് ഇ​ന്ന്​ മൂ​ന്ന്​ പ​തി​റ്റാ​ണ്ട്​ പി​ന്നി​ടു​ന്നു. 1992 മാ​ര്‍ച്ച് 11നാ​ണ്​ നാ​ടി​നെ ക​ണ്ണീ​രി​ലാ​ഴ്ത്തി​യ ദു​ര​ന്ത​മു​ണ്ടാ​യ​ത്. 11 പേ​രെ ക​യ​റ്റി മ​റു​ക​ര​യി​ലേ​ക്ക് തു​ഴ​ഞ്ഞു​നീ​ങ്ങി​യ ക​ട​ത്തു​വ​ഞ്ചി പു​ഴ​യു​ടെ മ​ധ്യ​ത്തി​ലെ​ത്തി​യ​പ്പോ​ൾ കീ​ഴ്‌​മേ​ല്‍ മ​റി​യു​ക​യാ​യി​രു​ന്നു.

ക​ട​വി​നോ​ട് ചേ​ര്‍ന്നു​ള്ള പ​മ്പ്ഹൗ​സി​ലെ താ​ല്‍ക്കാ​ലി​ക ഓ​പ്പ​റേ​റ്റ​റാ​യ പ​ന്ത​ല്ലൂ​ര്‍ സ്വ​ദേ​ശി അ​ശോ​ക​നും ചെ​ങ്ങാ​ലൂ​ര്‍ സ്വ​ദേ​ശി ആ​ന്‍റ​ണി​യു​മാ​ണ് ര​ക്ഷാ​പ്ര​വ​ര്‍ത്ത​ന​ത്തി​ന് മു​ന്നി​ട്ടി​റ​ങ്ങി​യ​ത്. ഇ​വ​രാ​ണ്​ ബാ​ക്കി ആ​റ്​ പേ​രെ ര​ക്ഷ​പ്പെ​ടു​ത്തി​യ​ത്. രാ​ഷ്ട്ര​പ​തി​യു​ടെ ജീ​വ​ന്‍ ര​ക്ഷാ​പ​ത​ക് സ​മ്മാ​നി​ച്ച് രാ​ജ്യം ഇ​വ​രെ ആ​ദ​രി​ച്ചി​രു​ന്നു.

പ​റ​പ്പൂ​ക്ക​ര പ​ഞ്ചാ​യ​ത്തി​ലെ നെ​ല്ലാ​യി​യേ​യും പു​തു​ക്കാ​ട് പ​ഞ്ചാ​യ​ത്തി​ലെ ചെ​ങ്ങാ​ലൂ​ര്‍ ശ്രീ​നാ​രാ​യ​ണ​പു​ര​ത്തേ​യും ബ​ന്ധി​പ്പി​ക്കു​ന്ന​താ​ണ് നെ​ല്ലാ​യി ക​ട​വ്. തോ​ണി​യ​പ​ക​ട​ത്തി​ന്റെ പ​ശ്ചാ​ത്ത​ല​ത്തി​ല്‍ ഇ​വി​ടെ പാ​ലം നി​ർ​മി​ക്ക​ണ​മെ​ന്ന ആ​വ​ശ്യ​ത്തി​ന് ശ​ക്തി​യേ​റി.

ദു​ര​ന്തം ന​ട​ന്ന് ഒ​രാ​ഴ്ച​ക്ക​കം അ​ന്ന​ത്തെ ഇ​രി​ങ്ങാ​ല​ക്കു​ട എം.​എ​ല്‍.​എ ലോ​ന​പ്പ​ന്‍ ന​മ്പാ​ട​ന്‍ നി​യ​മ​സ​ഭ​യി​ല്‍ സ​ബ്മി​ഷ​നി​ലൂ​ടെ പാ​ല​ത്തി​നാ​യു​ള്ള ആ​വ​ശ്യം ഉ​ന്ന​യി​ച്ചു. ആ​വ​ശ്യം പ​രി​ഗ​ണി​ക്കാ​മെ​ന്ന് ജ​ല​സേ​ച​ന മ​ന്ത്രി സ​ബ്മി​ഷ​ന് മ​റു​പ​ടി​യും ന​ല്‍കി. ഈ ​ഉ​റ​പ്പി​ല്‍ വി​ശ്വ​സി​ച്ച് നാ​ട്ടു​കാ​ര്‍ കാ​ത്തി​രു​ന്നെ​ങ്കി​ലും തു​ട​ര്‍ന​ട​പ​ടി ഉ​ണ്ടാ​യി​ല്ല. പ​റ​പ്പൂ​ക്ക​ര പ​ഞ്ചാ​യ​ത്ത​ധി​കൃ​ത​രും നാ​ട്ടു​കാ​രും വി​വി​ധ സാ​മൂ​ഹി​ക രാ​ഷ്ട്രീ​യ സം​ഘ​ട​ന​ക​ളും പ​ല ത​വ​ണ​യാ​യി നി​വേ​ദ​ന​ങ്ങ​ൾ ന​ൽ​കി​യി​രു​ന്നു.

ദേ​ശീ​യ​പാ​ത 47ലെ ​നെ​ല്ലാ​യി ലി​ഫ്‌​റ്റ്​ ഇ​റി​ഗേ​ഷ​ന്‍ സ്റ്റോ​പ്പി​ല്‍ നി​ന്ന്​ അ​മ്പ​തു​മീ​റ്റ​ര്‍ ദൂ​ര​ത്തി​ലാ​ണ് ക​ട​വ്. ചെ​ങ്ങാ​ലൂ​ര്‍ പ്ര​ദേ​ശ​ത്തു​നി​ന്നു​ള്ള വി​ദ്യാ​ർ​ഥി​ക​ള​ട​ക്ക​മു​ള്ള നൂ​റു​ക​ണ​ക്കി​നാ​ളു​ക​ള്‍ ഇ​വി​ടെ പു​ഴ ക​ട​ന്നാ​ണ് ദേ​ശീ​യ​പാ​ത​യി​ലെ​ത്തു​ന്ന​ത്. ക​ട​വി​ല്‍ പു​ഴ​ക്ക് ശ​ക്ത​മാ​യ അ​ടി​യൊ​ഴു​ക്കു​ണ്ട്. മു​പ്പ​ത​ടി​യി​ലേ​റെ​യാ​ണ് ഇ​വി​ടെ പു​ഴ​യു​ടെ ആ​ഴം എ​ന്ന​തി​നാ​ല്‍ തോ​ണി​യാ​ത്ര അ​പ​ക​ടം നി​റ​ഞ്ഞ​താ​ണ്. മ​ഴ​ക്കാ​ല​മാ​യാ​ല്‍ ജീ​വ​ന്‍ പ​ണ​യം വെ​ച്ചാ​ണ് യാ​ത്ര​ക്കാ​ര്‍ മ​റു​ക​ര ക​ട​ക്കു​ന്ന​ത്.

പ്രൊ​ഫ. സി. ​ര​വീ​ന്ദ്ര​നാ​ഥ് എം.​എ​ല്‍.​എ.​യു​ടെ പ​രി​ശ്ര​മ​ഫ​ല​മാ​യി ഏ​താ​നും വ​ര്‍ഷം മു​മ്പ് നെ​ല്ലാ​യി ക​ട​വി​ല്‍ റെ​ഗു​ലേ​റ്റ​ര്‍ കം ​ബ്രി​ഡ്ജ് നി​ർ​മി​ക്കു​ന്ന​തി​ന് പ​ദ്ധ​തി​ക്ക് രൂ​പം ന​ല്‍കി​യി​രു​ന്നു. ഇ​തി​നു​ള്ള പ്രാ​രം​ഭ ന​ട​പ​ടി​ക​ള്‍ ന​ട​ന്നു​വ​രു​ന്നു​ണ്ടെ​ങ്കി​ലും നി​ർ​മാ​ണ പ്ര​വ​ര്‍ത്ത​ന​ങ്ങ​ള്‍ തു​ട​ങ്ങി​യി​ട്ടി​ല്ല. നെ​ല്ലാ​യി തോ​ണി​ദു​ര​ന്ത​ത്തി​ന്റെ മു​പ്പ​താം വ​ര്‍ഷ​ത്തി​ലും പാ​ലം യാ​ഥാ​ര്‍ഥ്യ​മാ​കു​ന്ന​തും കാ​ത്തി​രി​ക്കു​ക​യാ​ണ് നാ​ട്ടു​കാ​ര്‍.