പ്രായാധിക്യം മറന്ന് പഴയകാല ഓണക്കളിക്കാര്‍ ഒത്തുകൂടുന്നു

കൊ​ട​ക​ര: നാ​ലു പ​തി​റ്റാ​ണ്ട് മു​മ്പു​വ​രെ നാ​ട്ടി​ന്‍പു​റ​ങ്ങ​ളി​ല്‍ സ​ജീ​വ​മാ​യി​രു​ന്ന നാ​ട​ന്‍ ക​ല​യാ​യി​രു​ന്നു ഓ​ണ​ക്ക​ളി. ഓ​ണ നാ​ളു​ക​ളി​ല്‍ വീ​ട്ടു​മു​റ്റ​ങ്ങ​ളി​ല്‍ ഒ​ത്തു​കൂ​ടി പാ​ട്ടി​ന്‍റെ താ​ള​ത്തി​ല്‍ കൈ​യ​ടി​ച്ച് ചു​വ​ടു​വെ​ച്ച് ക​ളി​ച്ചി​രു​ന്ന പ​ഴ​യ​കാ​ല ഓ​ണ​ക്ക​ളി​യെ പു​തു​ത​ല​മു​റ​ക്ക് പ​രി​ച​യ​പ്പെ​ടു​ത്താ​നു​ള്ള ഒ​രു​ക്ക​ത്തി​ലാ​ണ് പ്രാ​യാ​ധി​ക്യം മ​റ​ന്ന് ഒ​രു​കൂ​ട്ടം ക​ലാ​കാ​ര​ന്മാ​ര്‍.

പു​തി​യ വി​നോ​ദ​ങ്ങ​ളും ക​ലാ​രൂ​പ​ങ്ങ​ളും പ്ര​ചാ​ര​ത്തി​ലാ​യ​തോ​ടെ​യാ​ണ് ഓ​ണ​ക്ക​ളി പോ​ലു​ള്ള നാ​ട​ന്‍ ക​ലാ​രൂ​പ​ങ്ങ​ള്‍ അ​വ​ഗ​ണി​ക്ക​പ്പെ​ട്ട​ത്. നാ​ട്ടി​ന്‍പു​റ​ങ്ങ​ളി​ലെ ഓ​ണ​ക്ക​ളി ടീ​മു​ക​ള്‍ ഇ​ല്ലാ​താ​യി. പു​തി​യ ചു​വ​ടു​ക​ളും പാ​ട്ടു​ക​ളു​മാ​യി ആ​ധു​നി​ക രൂ​പ​ത്തി​ലു​ള്ള ഓ​ണ​ക്ക​ളി ടീ​മു​ക​ള്‍ രം​ഗ​ത്തു​ണ്ടെ​ങ്കി​ലും പ​ഴ​യ സ​മ്പ്ര​ദാ​യ​ത്തി​ല്‍ ചു​വ​ടു​വെ​ച്ചു ക​ളി​ക്കു​ന്ന ചെ​റു ടീ​മു​ക​ള്‍ ഇ​ന്നി​ല്ല. അ​ടു​ത്ത ഓ​ണ​ത്തി​ന് പ​ഴ​യ​കാ​ല ഓ​ണ​ക്ക​ളി​യെ അ​തി​ന്‍റെ ഗ​രി​മ തെ​ല്ലും കു​റ​യാ​തെ അ​വ​ത​രി​പ്പി​ക്കാ​നു​ള്ള ശ്ര​മ​ത്തി​ലാ​ണ് കൊ​ട​ക​ര​യി​ലും പ​രി​സ​ര​പ്ര​ദേ​ശ​ങ്ങ​ളി​ലു​മു​ള്ള പ​ഴ​യ​കാ​ല ഓ​ണ​ക്ക​ളി​ക്കാ​ര്‍.

ഇ​തി​നാ​യി ജി​ല്ല​യി​ലെ ആ​ദ്യ​കാ​ല ക​ളി​ക്കാ​രു​ടെ കൂ​ട്ടാ​യ്മ​ക്ക് രൂ​പം ന​ല്‍കി പ​രി​ശീ​ല​നം ആ​രം​ഭി​ച്ചി​രി​ക്ക​യാ​ണ് ഇ​വ​ര്‍. നാ​ട​ന്‍ രീ​തി​യി​ലു​ള്ള ഓ​ണ​ക്ക​ളി​യെ പു​തി​യ ത​ല​മു​റ​ക്ക് പ​രി​ച​യ​പ്പെ​ടു​ത്തു​ന്ന​തി​നൊ​പ്പം ആ​ദ്യ​കാ​ല ഓ​ണ​ക്ക​ളി​ക്കാ​രെ അ​വ​ശ​ക​ലാ​കാ​ര​ന്മാ​രു​ടെ വി​ഭാ​ഗ​ത്തി​ല്‍പെ​ടു​ത്തി സ​ര്‍ക്കാ​റി​ല്‍നി​ന്ന് സ​ഹാ​യം നേ​ടി​യെ​ടു​ക്കാ​നു​മാ​ണ് ഇ​വ​രു​ടെ ല​ക്ഷ്യം.

തൃ​ശൂ​രി​ന്‍റെ കി​ഴ​ക്ക​ന്‍ മേ​ഖ​ല​യി​ല്‍ മാ​ത്ര​മാ​യി പ്ര​ചാ​ര​ത്തി​ലു​ണ്ടാ​യി​രു​ന്ന ക​ലാ​രൂ​പ​മാ​ണ് ഓ​ണ​ക്ക​ളി. ഓ​ണ നാ​ളു​ക​ളി​ലാ​ണ് വീ​ട്ടു​മു​റ്റ​ങ്ങ​ളി​ല്‍ ഈ ​ക​ളി അ​ര​ങ്ങേ​റി​യി​രു​ന്ന​ത്. ചാ​ല​ക്കു​ടി, കൊ​ട​ക​ര, മ​റ്റ​ത്തൂ​ര്‍, കോ​ടാ​ലി, അ​ന്ന​നാ​ട്, കു​റ്റി​ച്ചി​റ, കു​ണ്ടു​കു​ഴി​പ്പാ​ടം, മു​രു​ക്കു​ങ്ങ​ല്‍, തേ​ശേ​രി, പ​ഞ്ഞ​പ്പി​ള്ളി, കാ​വ​നാ​ട് തു​ട​ങ്ങി​യ പ്ര​ദേ​ശ​ങ്ങ​ളി​ലാ​ണ് ഓ​ണ​ക്ക​ളി ടീ​മു​ക​ള്‍ കൂ​ടു​ത​ലാ​യും ഉ​ണ്ടാ​യി​രു​ന്ന​ത്. ഇ​തി​ല്‍ ക​ലാ​കൈ​ര​ളി തേ​ശേ​രി, ഫ്ര​ൻ​ഡ്​​സ്​​ കു​ണ്ടു​കു​ഴി​പ്പാ​ടം, കൈ​ര​ളി നാ​യ​ര​ങ്ങാ​ടി, കോ​ടാ​ലി പു​ല​രി ക​ലാ​ഭ​വ​ന്‍, ചെ​ട്ടി​ച്ചാ​ല്‍ ഡി​സ്‌​കോ ക​ലാ​ഭ​വ​ന്‍ തു​ട​ങ്ങി അ​മ്പ​തോ​ളം ഓ​ണ​ക്ക​ളി ടീ​മു​ക​ളാ​ണ് അ​ര നൂ​റ്റാ​ണ്ട്​ മു​മ്പ് വി​വി​ധ പ്ര​ദേ​ശ​ങ്ങ​ളി​ലാ​യി ഉ​ണ്ടാ​യി​രു​ന്ന​ത്.

ഓ​രോ ടീ​മി​നും നേ​തൃ​ത്വം ന​ല്‍കു​ന്ന​ത് ആ​ശാ​ന്‍ എ​ന്നു വി​ളി​ക്കു​ന്ന പ​രി​ച​യ​സ​മ്പ​ന്ന​നാ​യ ഓ​ണ​ക്ക​ളി​ക്കാ​ര​നാ​യി​രു​ന്നു. പാ​ട്ടു​ക​ള്‍ എ​ഴു​തു​ന്ന​തും ഓ​രോ പാ​ട്ടി​നും അ​നു​യോ​ജ്യ​മാ​യ ചു​വ​ടു​ക​ള്‍ക്ക് രൂ​പം ന​ല്‍കു​ന്ന​തും ആ​ശാ​ന്മാ​രാ​യി​രു​ന്നു. ചി​ല​യി​ട​ങ്ങ​ളി​ല്‍ വി​വി​ധ ടീ​മു​ക​ളു​ടെ മ​ത്സ​ര​ക്ക​ളി​യും അ​ര​ങ്ങേ​റി​യി​രു​ന്നു. പ്ര​ധാ​ന​മാ​യും രാ​മാ​യ​ണ​ത്തി​ലേ​യും മ​ഹാ​ഭാ​ര​ത​ത്തി​ലേ​യും ക​ഥാ​സ​ന്ദ​ര്‍ഭ​ങ്ങ​ളെ ആ​സ്പ​ദ​മാ​ക്കി​യു​ള്ള​താ​യി​രി​ക്കും ഓ​ണ​ക്ക​ളി പാ​ട്ടു​ക​ള്‍. വ​ട​ക്ക​ന്‍ പാ​ട്ടു​ക​ളി​ല്‍നി​ന്നു​ള്ള ക​ഥാ​ഭാ​ഗ​ങ്ങ​ളും ഓ​ണ​ക്ക​ളി പാ​ട്ടു​ക​ളി​ല്‍ ഇ​ടം​പി​ടി​ക്കാ​റു​ണ്ട്.​

തി​രു​വാ​തി​ര​ക​ളി​യു​ടെ ചു​വ​ടു​പി​ടി​ച്ചാ​ണ് ഓ​ണ​ക്ക​ളി രൂ​പ​പ്പെ​ട്ട​തെ​ന്ന് ആ​ദ്യ​കാ​ല ഓ​ണ​ക്ക​ളി ക​ലാ​കാ​ര​നാ​യ തേ​ശേ​രി നാ​രാ​യ​ണ​ന്‍ പ​റ​യു​ന്നു. പ​ണ്ട് സ​വ​ര്‍ണ വി​ഭാ​ഗ​ങ്ങ​ളി​ല്‍ ഒ​തു​ങ്ങി​നി​ന്നി​രു​ന്ന തി​രു​വാ​തി​ര​ക​ളി​യി​ല്‍ പ​ങ്കെ​ടു​ക്കാ​നോ ആ​സ്വ​ദി​ക്കാ​നോ മ​റ്റു വി​ഭാ​ഗ​ക്കാ​ര്‍ക്ക് ക​ഴി​യു​മാ​യി​രു​ന്നി​ല്ല. ഇ​തി​ന് ബ​ദ​ലാ​യാ​ണ് ഓ​ണ​ക്ക​ളി രൂ​പ​പ്പെ​ടു​ത്തി​യ​തെ​ന്നാ​ണ് പ​ഴ​മ​ക്കാ​ര്‍ പ​റ​യു​ന്ന​ത്. അ​ക്കാ​ല​ത്ത് വ​യ​റു നി​റ​യെ ആ​ഹാ​രം കി​ട്ടി​യി​രു​ന്ന​ത് ഓ​ണ​ത്തി​നു മാ​ത്ര​മാ​യി​രു​ന്നു. വ​യ​റു​നി​റ​ഞ്ഞ​തി​ന്‍റെ ആ​ഹ്ലാ​ദ പ്ര​ക​ട​ന​മാ​യി​രു​ന്നു അ​ന്ന​ത്തെ പാ​ട്ടും ക​ളി​ക​ളും. ഓ​ണ​ക്ക​ളി​യും സാ​ധാ​ര​ണ​ക്കാ​രു​ടെ ഇ​ങ്ങ​നെ​യു​ള്ള ഒ​രു ആ​ഹ്ലാ​ദ പ്ര​ക​ട​ന​മാ​യാ​ണ് രൂ​പ​പ്പെ​ട്ട​ത്. പാ​ട്ടെ​ഴു​തി ഈ​ണം കൊ​ടു​ത്ത് ചു​വ​ടു​ക​ള്‍ ചി​ട്ട​പ്പെ​ടു​ത്തു​ന്ന ആ​ശാ​ന്മാ​ര്‍ കാ​ലാ​കാ​ല​ങ്ങ​ളി​ല്‍ ഈ ​ഓ​ണ​ക്ക​ളി​യി​ല്‍ പു​തി​യ സ​മ്പ്ര​ദാ​യ​ങ്ങ​ളും ചു​വ​ടു​ക​ളും കൊ​ണ്ടു​വ​ന്നു. മു​ക്ക​ണ്ണ​ന്‍, ചെ​മ്പ​ട, രൂ​പ​കം, വ​ര​വീ​ണ തു​ട​ങ്ങി​യ​വ​യാ​യി​രു​ന്നു ആ​ദ്യ​കാ​ല​ത്തെ ചു​വ​ടു​ക​ള്‍.

ഓ​ണ​ക്ക​ളി​യെ പു​തി​യ ത​ല​മു​റ​ക്കു മു​ന്നി​ല്‍ അ​വ​ത​രി​പ്പി​ക്കാ​നു​ള്ള ഉ​ദ്യ​മ​ത്തി​ല്‍ പ്രാ​യം മ​റ​ന്നാ​ണ് ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ല്‍ നി​ന്നു​ള്ള ക​ലാ​കാ​ര​ന്മാ​ര്‍ പ​ങ്കെ​ടു​ക്കു​ന്ന​ത്. ആ​ഴ്ച​യി​ലൊ​രു ദി​വ​സം കൊ​ട​ക​ര​യി​ല്‍ ന​ട​ക്കു​ന്ന പ​രി​ശീ​ല​ന ക​ളി​യി​ല്‍ 80 പി​ന്നി​ട്ട ക​ലാ​കാ​ര​ന്മാ​ര്‍ പോ​ലും ആ​വേ​ശ​പൂ​ര്‍ശം പ​ങ്കെ​ടു​ക്കു​ന്നു​ണ്ട്.