കു​ടി​വെ​ള്ളം മു​ട്ടി​ച്ച് ദേ​ശീ​യ​പാ​ത നി​ർ​മാ​ണം; ശ്രീ​നാ​രാ​യ​ണ​പു​രം പ​ഞ്ചാ​യ​ത്തു​കാ​ർ സ​മ​ര​ത്തി​ന്

കൊ​ടു​ങ്ങ​ല്ലൂ​ർ: ദേ​ശീ​യ​പാ​ത നി​ർ​മാ​ണ​ത്തി​നി​ടെ ത​ക​രാ​റി​ലാ​കു​ന്ന പൈ​പ്പ് ലൈ​നു​ക​ൾ സ​മ​യ​ബ​ന്ധി​ത​മാ​യി അ​റ്റ​കു​റ്റ​പ്പ​ണി ന​ട​ത്താ​ത്ത​തി​നാ​ൽ ശ്രീ​നാ​രാ​യ​ണ​പു​രം ഗ്രാ​മ​പ​ഞ്ചാ​യ​ത്ത് നി​വാ​സി​ക​ൾ കു​ടി​വെ​ള്ളം ല​ഭി​ക്കാ​തെ വ​ല​യു​ന്നു. പ​ഞ്ചാ​യ​ത്തി​ന്റെ വി​വി​ധ പ്ര​ദേ​ശ​ങ്ങ​ളി​ൽ മാ​സ​ങ്ങ​ളാ​യി കു​ടി​വെ​ള്ള പ്ര​ശ്നം രൂ​ക്ഷ​മാ​ണ്. ജ​ന​ങ്ങ​ൾ പ​രാ​തി​പ്പെ​ടു​മ്പോ​ൾ ത​ക​രാ​റ് പ​രി​ഹ​രി​ക്കേ​ണ്ട​ത് ഹൈ​വേ നി​ർ​മാ​ണ ക​രാ​ർ ക​മ്പ​നി​യാ​യ ശി​വാ​ല​യ​യു​ടെ ഉ​ത്ത​ര​വാ​ദി​ത്വ​മാ​ണെ​ന്ന് പ​റ​ഞ്ഞ് കൈ​ക​ഴു​കു​ക​യാ​ണ് വാ​ട്ട​ർ അ​തോ​റി​റ്റി അ​ധി​കൃ​ത​ർ ചെ​യ്യു​ന്ന​ത്.

വെ​ള്ളം പ​ഞ്ചാ​യ​ത്ത് ന​ൽ​കു​മെ​ന്ന് പ​റ​ഞ്ഞും ഉ​ദ്യോ​ഗ​സ്ഥ​ർ കൈ​മ​ല​ർ​ത്തു​ന്നു. ത​ക​രാ​റി​ലു​ള്ള പൈ​പ്പ് ലൈ​നു​ക​ൾ അ​ടി​യ​ന്തി​ര പ്രാ​ധാ​ന്യ​ത്തോ​ടെ പ​രി​ഹ​രി​ക്കാ​ത്ത പ​ക്ഷം ജ​ന​പ്ര​തി​നി​ധി​ക​ളു​ടെ നേ​തൃ​ത്വ​ത്തി​ൽ ശ​ക്ത​മാ​യ ജ​ന​കീ​യ സ​മ​ര​ങ്ങ​ൾ ആ​രം​ഭി​ക്കാ​ൻ ഭ​ര​ണ​സ​മി​തി യോ​ഗം തീ​രു​മാ​നി​ച്ച​താ​യി ശ്രീ​നാ​രാ​യ​ണ​പു​രം പ​ഞ്ചാ​യ​ത്ത് പ്ര​സി​ഡ​ന്റ് എം.​എ​സ്. മോ​ഹ​ന​ൻ അ​റി​യി​ച്ചു.

ഹൈ​വേ നി​ർ​മാ​ണ​ത്തി​നി​ടെ കു​ടി​വെ​ള്ളം മു​ട​ങ്ങി​യാ​ൽ ടാ​ങ്ക​ർ ലോ​റി വ​ഴി ജ​ന​ങ്ങ​ൾ​ക്ക് കു​ടി​വെ​ള്ളം എ​ത്തി​ക്കേ​ണ്ട ഉ​ത്ത​ര​വാ​ദി​ത്വം ശി​വാ​ല​യ ക​മ്പ​നി ന​ട​പ്പാ​ക്കു​ന്നി​ല്ല. തീ​ര​ദേ​ശ​മ​ട​ക്ക​മു​ള്ളി​ട​ങ്ങ​ളി​ൽ പൈ​പ്പ് ലൈ​നു​ക​ൾ ന​ന്നാ​ക്കാ​ത്ത​തി​നാ​ൽ പൊ​തു ടാ​പ്പു​ക​ളി​ൽ പോ​ലും വെ​ള്ള​മെ​ത്തു​ന്നി​ല്ല. പൊ​തു ടാ​പ്പു​ക​ളു​ടെ വെ​ള്ള​ക്ക​ര​മാ​യി പ്ര​തി​മാ​സം 3.60 ല​ക്ഷം രൂ​പ​യാ​ണ് ഗ്രാ​മ​പ​ഞ്ചാ​യ​ത്ത് ജ​ല അ​തോ​റി​റ്റി​ക്ക് ന​ൽ​കു​ന്ന​ത്.

ഹൈ​കോ​ട​തി വി​ധി​യു​ടെ അ​ടി​സ്ഥാ​ന​ത്തി​ൽ ഏ​പ്രി​ൽ 30ന​കം ഹൈ​വേ​യി​ൽ പു​തി​യ പൈ​പ്പ് ലൈ​ൻ വ​ലി​ച്ച് ഗോ​തു​രു​ത്ത്, കോ​ത​പ​റ​മ്പ് പ്ര​ദേ​ശ​ത്തേ​ക്ക് നേ​രി​ട്ട് വെ​ള്ള​മെ​ത്തി​ക്കാ​മെ​ന്ന് ജി​ല്ല ക​ല​ക്ട​ർ ഉ​ൾ​പ്പെ​ടെ​യു​ള്ള​വ​ർ ന​ൽ​കി​യ ഉ​റ​പ്പും നാ​ളി​തു​വ​രെ പാ​ലി​ച്ചി​ല്ല. അ​ഞ്ചാം​പ​ര​ത്തി​യി​ൽ ആ​ഴ്ച​ക​ളാ​യി പൊ​ട്ടി​യ മെ​യി​ൻ പൈ​പ്പി​ലൂ​ടെ ല​ക്ഷ​ക്ക​ണ​ക്കി​ന് ലി​റ്റ​ർ ജ​ലം ഓ​ട​യി​ലൂ​ടെ ഒ​ഴു​കി പോ​യി​ട്ടും ന​ട​പ​ടി സ്വീ​ക​രി​ക്കു​ന്നി​ല്ല.

വ​ര​ൾ​ച്ച​യു​ടെ ഭാ​ഗ​മാ​യി ഗ​വ​ൺ​മെ​ന്റ് നി​ർ​ദേ​ശ​പ്ര​കാ​രം ഗ്രാ​മ പ​ഞ്ചാ​യ​ത്ത് ടാ​ങ്ക​ർ ലോ​റി വ​ഴി വി​വി​ധ പ്ര​ദേ​ശ​ങ്ങ​ളി​ൽ വെ​ള്ള​മെ​ത്തി​ച്ചു. ഏ​പ്രി​ൽ, മേ​യ് മാ​സ​ങ്ങ​ളി​ൽ പ​ഞ്ചാ​യ​ത്ത് ഓ​ൺ ഫ​ണ്ടി​ൽ നി​ന്ന് ഇ​തി​നാ​യി 12 ല​ക്ഷം രൂ​പ​ ചെ​ല​വ​ഴി​ക്കാ​നാ​ണ് സ​ർ​ക്കാ​ർ അ​നു​മ​തി ന​ൽ​കി​യ​ത്.

മേ​യ് 31 വ​രെ കു​ടി​വെ​ള്ള വി​ത​ര​ണം ന​ട​ത്താ​ൻ പ​ത്തു​ല​ക്ഷം രൂ​പ കൂ​ടി കൂ​ടു​ത​ലാ​യി അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ടാ​ൻ ഗ്രാ​മ​പ​ഞ്ചാ​യ​ത്ത് പ്ര​ത്യേ​ക യോ​ഗം വി​ളി​ച്ചു ചേ​ർ​ത്തി​രു​ന്നു. ജി​ല്ല ക​ല​ക്ട​ർ വി​ളി​ച്ച സെ​ക്ര​ട്ട​റി​മാ​രു​ടെ അ​ടി​യ​ന്തി​ര യോ​ഗ​ത്തി​ലും കു​ടി​വെ​ള്ള വി​ത​ര​ണ​ത്തി​നാ​യി അ​ധി​ക​തു​ക ചെ​ല​വ​ഴി​ക്കാ​ൻ അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ടി​ട്ടു​ണ്ട്.