കൂ​ളി​മു​ട്ടം റോ​ഡി​ൽ കടകൾ പൊളിക്കുന്നതിനെതിരെ ജനസദസ്സ്

മ​തി​ല​കം: കൂ​ളി​മു​ട്ടം റോ​ഡി​ൽ ക​ട​ക​ൾ പൊ​ളി​ക്കു​ന്ന​തി​ൽ പ്ര​തി​ഷേ​ധി​ച്ച്‌ ആ​ക്ഷ​ൻ കൗ​ൺ​സി​ൽ ആ​ഭി​മു​ഖ്യ​ത്തി​ൽ ജ​ന​സ​ദ​സ്സ് സം​ഘ​ടി​പ്പി​ച്ചു.

മ​തി​ല​കം ബ്ലോ​ക്ക് സ്ഥി​തി ചെ​യ്യു​ന്ന സ്ഥ​ല​ത്തി​നോ​ട് ചേ​ർ​ന്ന് മി​നി സി​വി​ൽ സ്റ്റേ​ഷ​ൻ പ​ണി​യു​ക​യും സ​ർ​ക്കാ​ർ സ്ഥാ​പ​ന​ങ്ങ​ളെ​ല്ലാം ഒ​രു കു​ട​ക്കീ​ഴി​യി​ലാ​ക്കു​ക​യും വേ​ണ​മെ​ന്ന്​ ജ​ന​സ​ദ​സ്​ ആ​വ​ശ്യ​പ്പെ​ട്ടു. മി​നി ഇ​ൻ​ഡ​സ്ട്രി​യ​ൽ എ​സ്​​റ്റേ​റ്റ് നി​ല​വി​ൽ വ​രു​ന്ന​തി​ന് മു​ൻ​പ് ഉ​ണ്ടാ​യി​രു​ന്ന പ​ഴ​യ റോ​ഡ് പു​നഃ​സ്ഥാ​പി​ച്ച് ബീ​ച്ച് റോ​ഡ് വി​ക​സ​നം ന​ട​പ്പാ​ക്ക​ണം.

ഷോ​പ്പി​ങ്​ കോം​പ്ല​ക്സ് പ​ണി​യ​ണം. ഇ​റ​ച്ചി അ​വ​ശി​ഷ്ട​ങ്ങ​ൾ പു​ഴ​യ​രി​കി​ൽ ത​ള്ളി മ​ലി​നീ​ക​ര​ണം ഉ​ണ്ടാ​ക്കു​ന്ന​ത് ത​ട​യ​ണ​മെ​ന്നും സ​ദ​സ്സ് ആ​വ​ശ്യ​പ്പെ​ട്ടു.

മി​നി ഇ​ൻ​ഡ​സ്ട്രീ​സ് ഭൂ​മി പ​ഞ്ചാ​യ​ത്തി​ന്റെ അ​ധീ​ന​ത​യി​ലു​ള്ള​താ​ണെ​ന്നും വി​വ​രാ​വ​കാ​ശ​രേ​ഖ വ്യ​ക്ത​മാ​ക്കു​ന്നു​ണ്ടെ​ന്നും സ​ദ​സ്സ് ചൂ​ണ്ടി​ക്കാ​ട്ടി.

വാ​ശി പി​ടി​ച്ച് ക​ട​ക​ൾ പൊ​ളി​ക്കു​മെ​ന്ന ധാ​ർ​ഷ്ട്യ​മാ​ണ് അ​ധി​കൃ​ത​രു​ടെ ഭാ​ഗ​ത്ത് നി​ന്ന് ഉ​ണ്ടാ​യി​ട്ട​ള്ള​തെ​ന്ന് സ​ദ​സ്സ് കു​റ്റ​പ്പെ​ടു​ത്തി. ജ​ന​ങ്ങ​ളെ കേ​ൾ​ക്കാ​തെ ന​ട​പ്പാ​ക്കു​ന്ന വി​ക​ല വി​ക​സ​ന ന​യ​ങ്ങ​ൾ​ക്കെ​തി​രെ ശ​ക്ത​മാ​യ സ​മ​ര​ങ്ങ​ളു​മാ​യി മു​ന്നോ​ട്ടു​പോ​കു​മെ​ന്നും പ്ര​തി​ഷേ​ധ സ​ദ​സ്സ് വ്യ​ക്ത​മാ​ക്കി. ആ​ക്ഷ​ൻ കൗ​ൺ​സി​ൽ ചെ​യ​ർ​പേ​ഴ്സ​ൺ ബ​ൾ​ക്കീ​സ് ബാ​നു അ​ധ്യ​ക്ഷ​ത വ​ഹി​ച്ചു.

ക​ൺ​വീ​ന​ർ പി.​എ. കു​ട്ട​പ്പ​ൻ, എ.​എ. അ​ബ്ദു​ൽ ഹൈ, ​ബേ​ബി കു​ര്യാ​പ്പു​ള​ളി, ക്ലീ​റ്റ​സ് (വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി), ബ​ഷീ​ർ വ​ട​ക്ക​ൻ, ഷി​ബു വ​ർ​ഗീ​സ് (കോ​ൺ​ഗ്ര​സ്​ മ​ണ്ഡ​ലം പ്ര​സി​ഡ​ന്‍റ്). ഷം​നാ​ദ് (യൂ​ത്ത് ലീ​ഗ്), ജ​മാ​ലു​ദീ​ൻ (എ​സ്.​ഡി.​പി.​ഐ), ഹ​ർ​ഷാ​ദ് എ​ന്നി​വ​ർ സം​സാ​രി​ച്ചു.