നാ​ട്ടി​ക ഫ​ർ​ക്ക​യി​ലെ കു​ടി​വെ​ള്ള പ്ര​ശ്നം; ഹൈ​കോ​ട​തി​യി​ൽ ഹ​ര​ജി

കൊ​ടു​ങ്ങ​ല്ലൂ​ർ: ചാ​വ​ക്കാ​ട് മു​ത​ൽ എ​റി​യാ​ട് വ​രെ കു​ടി​വെ​ള്ള വി​ത​ര​ണം ന​ട​ത്തു​ന്ന നാ​ട്ടി​ക ഫ​ർ​ക്ക കു​ടി​വെ​ള്ള പ​ദ്ധ​തി​യു​ടെ പ​ഴ​യ പൈ​പ്പു​ക​ൾ മാ​റ്റി പു​തി​യ പൈ​പ്പു​ക​ൾ സ്ഥാ​പി​ച്ച് കു​ടി​വെ​ള്ളം കൃ​ത്യ​മാ​യി എ​ത്തി​ക്ക​ണ​മെ​ന്ന ഹ​ര​ജി​യി​ൽ ബ​ന്ധ​പ്പെ​ട്ട​വ​ർ​ക്ക് നോ​ട്ടീ​സ് അ​യ​ക്കാ​ൻ ഹൈ​കോ​ട​തി ഉ​ത്ത​ര​വ്. പൊ​തു പ്ര​വ​ർ​ത്ത​ക​രാ​യ പി.​എ. സീ​തി മാ​സ്റ്റ​ർ, കെ.​എ. ധ​ർ​മ​രാ​ജ​ൻ എ​ന്നി​വ​ർ അ​ഡ്വ. ഷാ​ന​വാ​സ് കാ​ട്ട​ക​ത്ത് മു​ഖേ​ന സ​മ​ർ​പ്പി​ച്ച ഹ​ര​ജി​യി​ലാ​ണ് കോ​ട​തി ഉ​ത്ത​ര​വ്.

കേ​ര​ള ജ​ല അ​തോ​റി​റ്റി ചീ​ഫ് എ​ൻ​ജി​നീ​യ​ർ, ജി​ല്ല പ​ഞ്ചാ​യ​ത്ത്, ശ്രീ​നാ​രാ​യ​ണ​പു​രം പ​ഞ്ചാ​യ​ത്ത്, ജ​ല​ജീ​വ​ൻ മി​ഷ​ൻ ഡ​യ​ക്ട​ർ എ​ന്നി​വ​ർ​ക്കാ​ണ് നോ​ട്ടി​സ് അ​യ​ച്ച​ത്.

1981ലാ​ണ് നെ​ത​ർ​ലാ​ൻ​ഡ് സ​ർ​ക്കാ​റി​ന്റെ ധ​ന​സ​ഹാ​യ​ത്തോ​ടെ തീ​ര​ദേ​ശ മേ​ഖ​ല​യി​ലെ പ​ത്ത് പ​ഞ്ചാ​യ​ത്തു​ക​ളി​ൽ നാ​ട്ടി​ക ഫാ​ർ​ക്ക വാ​ട്ട​ർ പ്രൊ​ജ​ക്ടി​ന് കീ​ഴി​ൽ കു​ടി​വെ​ള്ള വി​ത​ര​ണം ആ​രം​ഭി​ച്ച​ത്. 320 കി.​മീ​റ്റ​ർ നീ​ള​ത്തി​ൽ കോ​ൺ​ക്രീ​റ്റ് പൈ​പ്പു​ക​ൾ സ്ഥാ​പി​ച്ച് കു​ടി​വെ​ള്ളം വി​ത​ര​ണം ന​ട​ന്നെ​ങ്കി​ലും പി​ന്നീ​ട് ഗാ​ർ​ഹി​ക ക​ണ​ക്ഷ​നു​ക​ൾ വ​ർ​ധി​ച്ച​ത് കാ​ര​ണം 1300 കി.​മീ​റ്റ​റോ​ളം നീ​ള​ത്തി​ൽ പൈ​പ്പു​ക​ൾ ഇ​ടേ​ണ്ടി വ​ന്നു.

അ​തോ​ടു​കൂ​ടി വെ​ള്ള​ത്തി​ന്റെ ഒ​ഴു​ക്ക് കു​റ​ഞ്ഞു. പ​ല​സ്ഥ​ല​ങ്ങ​ളി​ലും വെ​ള്ളം കി​ട്ടാ​താ​യി. വാ​ടാ​ന​പ്പി​ള്ളി, ഏ​ങ്ങ​ണ്ടി​യൂ​ർ, നാ​ട്ടി​ക, എ​ട​തു​രു​ത്തി, വ​ല​പ്പാ​ട്, എ​ട​തി​രു​ത്തി, ക​യ്പ​മം​ഗ​ലം, പെ​രി​ഞ്ഞ​നം, മ​തി​ല​കം, ശ്രീ​നാ​രാ​യ​ണ​പു​രം പ​ഞ്ചാ​യ​ത്തു​ക​ളി​ൽ കു​ടി​വെ​ള്ള​ക്ഷാ​മം കൂ​ടു​ത​ൽ ബാ​ധി​ച്ചു.ക​രു​വ​ന്നൂ​ർ പു​ഴ​യി​ൽ നി​ന്നു വ​രു​ന്ന വെ​ള്ളം വെ​ള്ളാ​നി വാ​ട്ട​ർ ട്രീ​റ്റ്‌​മെ​ന്റ് പ്ലാ​ന്റി​ൽ ശു​ദ്ധീ​ക​രി​ച്ചാ​ണ് വ​രു​ന്ന​തെ​ങ്കി​ലും കാ​ല​പ്പ​ഴ​ക്ക​ത്താ​ൽ മി​ക്ക​പ്പോ​ഴും ഇ​വി​ട​ത്തെ മോ​ട്ടോ​റു​ക​ൾ അ​റ്റ​ക്കു​റ്റ​പ്പ​ണി​യി​ലാ​ണ്.

ശ്രീ​നാ​രാ​യ​ണ​പു​രം പ​ഞ്ചാ​യ​ത്തി​ന് കീ​ഴി​ലു​ള്ള 400 കു​ടും​ബ​ങ്ങ​ൾ താ​മ​സി​ക്കു​ന്ന ആ​ല ഗോ​തു​രു​ത്തി​ൽ ടാ​ങ്ക് സ്ഥാ​പി​ച്ച് കു​ടി​വെ​ള്ളം ദി​വ​സ​വും എ​ത്തി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ഇ​ട​ക്കാ​ല ഉ​ത്ത​ര​വി​നാ​യി ഹ​ര​ജി​യും കൊ​ടു​ത്തി​ട്ടു​ണ്ട്. ര​ണ്ടാ​ഴ്ച ക​ഴി​ഞ്ഞാ​ൽ ഹ​ര​ജി വീ​ണ്ടും പ​രി​ഗ​ണി​ക്കും.