മാ​ലി​ന്യ സം​സ്ക​ര​ണ മി​ക​വ്​: കു​ന്നം​കു​ളം ന​ഗ​ര​സ​ഭ​ക്ക് ജി​ല്ല​ത​ല പു​ര​സ്കാ​രം

കു​ന്നം​കു​ളം: സം​സ്ഥാ​ന സ​ര്‍ക്കാ​റി​ന്റെ ന​വ​കേ​ര​ളം ക​ര്‍മ പ​ദ്ധ​തി ജി​ല്ല​മി​ഷ​ന്റെ ആ​ദ​ര​ത്തി​ന് കു​ന്നം​കു​ളം ന​ഗ​ര​സ​ഭ അ​ർ​ഹ​ത നേ​ടി. മാ​ലി​ന്യ സം​സ്ക​ര​ണ രം​ഗ​ത്ത് മി​ക​ച്ച പ്ര​വ​ര്‍ത്ത​നം ന​ട​ത്തി​യ​തി​നാ​ണ് അം​ഗീ​കാ​രം. ഇ​തി​നാ​യി ന​ഗ​ര​സ​ഭ​യി​ലെ അ​ഞ്ചാം വാ​ര്‍ഡി​നെ തെ​ര​ഞ്ഞെ​ടു​ത്തു. തു​ട​ര്‍ച്ച​യാ​യി അ​ഞ്ച് ത​വ​ണ​യും 100 ശ​ത​മാ​നം യൂ​സ​ര്‍ഫീ ക​ല​ക്ഷ​ന്‍ ന​ട​ത്തി​യ ന​ഗ​ര​സ​ഭ​യി​ലെ ഏ​ക വാ​ര്‍ഡാ​ണ് വി​ക​സ​ന കാ​ര്യ സ്ഥി​രം സ​മി​തി അ​ധ്യ​ക്ഷ​ന്‍ പി.​എം. സു​രേ​ഷ് പ്ര​തി​നി​ധാ​നം ചെ​യ്യു​ന്ന വാ​ര്‍ഡ്.

ഇ​ത് പ​രി​ഗ​ണി​ച്ചാ​ണ് ആ​ദ​രം ന​ല്‍കു​ന്ന​തെ​ന്ന് ന​വ​കേ​ര​ളം ജി​ല്ല കോ ​ഓ​ഡി​നേ​റ്റ​ര്‍ സി. ​ദി​ദി​ക അ​റി​യി​ച്ചു. ശ​നി​യാ​ഴ്ച 10.30 ന് ​ക​ല​ക്ട​റേ​റ്റ് അ​നെ​ക്സ് ഹാ​ളി​ല്‍ ന​ട​ക്കു​ന്ന ആ​ദ​ര ച​ട​ങ്ങി​ല്‍ റ​വ​ന്യു മ​ന്ത്രി കെ. ​രാ​ജ​നി​ല്‍നി​ന്ന് ന​ഗ​ര​സ​ഭ ചെ​യ​ര്‍പേ​ഴ്സ​ൻ, വി​ക​സ​ന​കാ​ര്യ സ്ഥി​രം സ​മി​തി അ​ധ്യ​ക്ഷ​ന്‍, ആ​രോ​ഗ്യ വി​ഭാ​ഗം ജീ​വ​ന​ക്കാ​ര്‍, ഹ​രി​ത ക​ര്‍മ​സേ​നാം​ഗ​ങ്ങ​ള്‍ എ​ന്നി​വ​ര്‍ ചേ​ര്‍ന്ന് പു​ര​സ്കാ​രം ഏ​റ്റു​വാ​ങ്ങും.

യൂ​സ​ര്‍ ഫീ ​ക​ല​ക്ഷ​ന്‍ നി​ര്‍ബ​ന്ധ​മാ​ക്കി സ​ര്‍ക്കാ​ര്‍ ഉ​ത്ത​ര​വി​റ​ക്കി​യ​തി​നെ തു​ട​ര്‍ന്ന് ന​ഗ​ര​സ​ഭ​യി​ലെ എ​ല്ലാ വാ​ര്‍ഡു​ക​ളി​ലും പ്ര​വ​ര്‍ത്ത​നം ഊ​ര്‍ജി​ത​പ്പെ​ടു​ത്തി​യി​രു​ന്നു. വാ​ര്‍ഡി​ന്റെ ചു​മ​ത​ല​യു​ള്ള ജെ.​എ​ച്ച്.​ഐ എം.​എ​സ്. ഷീ​ബ, ഐ.​ആ​ര്‍.​ടി.​സി പ്ര​തി​നി​ധി ആ​ര്‍ഷ, ഹ​രി​ത ക​ര്‍മ​സേ​നാം​ഗം പ്രീ​ത ദാ​സ​ന്‍ എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു പ്ര​വ​ര്‍ത്ത​നം.