വി.​എ​സ്. സു​നി​ൽ കു​മാ​റി​ന്‍റെ ത​ട്ട​ക​ത്തി​ൽ പ്ര​തീ​ക്ഷ​യോ​ടെ എ​ൽ.​ഡി.​എ​ഫ്;​ മു​ന്ന​ണി​ക​ൾ ഇ​ഴ​കീ​റി ക​ണ​ക്കെ​ടു​പ്പ്​ തു​ട​രു​ന്നു

അ​ന്തി​ക്കാ​ട്: തെ​ര​ഞ്ഞെ​ടു​പ്പ് ക​ഴി​ഞ്ഞ്​ ര​ണ്ടാ​ഴ്ച​യാ​കാ​റാ​യി​ട്ടും തൃ​ശൂ​ർ ലോ​ക്സ​ഭ മ​ണ്ഡ​ല​ത്തി​ൽ ഉ​ൾ​പ്പെ​ടു​ന്ന നാ​ട്ടി​ക നി​യ​മ​സ​ഭ മ​ണ്ഡ​ല​ത്തി​ൽ മു​ന്ന​ണി​ക​ൾ ഇ​ഴ​കീ​റി ക​ണ​ക്കെ​ടു​പ്പ്​ തു​ട​രു​ന്നു.

മ​ണ്ഡ​ല പു​ന​ർ​നി​ർ​ണ​യ​ത്തി​ൽ നാ​ട്ടി​ക ഇ​ട​ത് കോ​ട്ട​യാ​യി​ട്ടും ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​ൽ ഇ​വി​ടെ കോ​ൺ​ഗ്ര​സി​ലെ ടി.​എ​ൻ. പ്ര​താ​പ​ൻ 2000ൽ ​താ​ഴെ വോ​ട്ട്​ അ​ധി​കം നേ​ടി​യി​രു​ന്നു. എ​ന്നാ​ൽ, ഇ​ത്ത​വ​ണ ആ ​പ്ര​തീ​ക്ഷ യു.​ഡി.​എ​ഫ് കേ​ന്ദ്ര​ങ്ങ​ളി​ലി​ല്ല. എ​ൽ.​ഡി.​എ​ഫ്​ സ്ഥാ​നാ​ർ​ഥി വി.​എ​സ്. സു​നി​ൽ​കു​മാ​റി​ന്‍റെ നാ​ടു​ൾ​പ്പെ​ടു​ന്ന നാ​ട്ടി​ക മ​ണ്ഡ​ല​ത്തി​ൽ എ​ൽ.​ഡി.​എ​ഫ് ന​ല്ല പ്ര​തീ​ക്ഷ​യി​ലാ​ണ്. യു.​ഡി.​എ​ഫും പ്ര​തീ​ക്ഷ വെ​ച്ച്​ പു​ല​ർ​ത്തു​ന്ന ഇ​വി​ടെ മി​ക​ച്ച പ്ര​വ​ർ​ത്ത​ന​ത്തി​ന്‍റെ ഗു​ണം ല​ഭി​ക്കു​മെ​ന്ന്​ എ​ൻ.​ഡി.​എ​യും ക​രു​തു​ന്നു.

സി.​പി.​എ​മ്മി​നും സി.​പി.​ഐ​ക്കും വേ​രോ​ട്ട​മു​ള്ള നാ​ട്ടി​ക​യി​ൽ ക​ഴി​ഞ്ഞ ത​വ​ണ പ്ര​താ​പ​ന്‍റെ വ്യ​ക്തി പ്ര​ഭാ​വം കൊ​ണ്ടും നാ​ട്ടു​കാ​ര​നാ​യ​തു​കൊ​ണ്ടു​മാ​ണ്​ ചെ​റി​യ​തെ​ങ്കി​ലും യു.​ഡി.​എ​ഫ്​ ഭൂ​രി​പ​ക്ഷം നേ​ടി​യ​ത്. പി​ന്നീ​ട് ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫി​ലെ സി.​സി. മു​കു​ന്ദ​ൻ നാ​ട്ടി​ക​യി​ൽ 28,431 വോ​ട്ടി​ന്‍റെ ഭൂ​രി​പ​ക്ഷ​ത്തി​നാ​ണ്​ ജ​യി​ച്ച​ത്.

ഇ​ത്ത​വ​ണ സി​റ്റി​ങ് എം.​പി ടി.​എ​ൻ. പ്ര​താ​പ​ൻ​ത​​ന്നെ സ്ഥാ​നാ​ർ​ഥി​യാ​കു​മെ​ന്ന ക​ണ​ക്കു​കൂ​ട്ട​ലി​ൽ നാ​ട്ടി​ൽ ചു​മ​രെ​ഴു​ത്തും പോ​സ്റ്റ​ർ പ്ര​ചാ​ര​ണ​വും നേ​ര​ത്തെ തു​ട​ങ്ങി​യി​രു​ന്നു. പ്ര​താ​പ​ൻ അ​നു​കൂ​ലി​ക​ൾ വ​ലി​യ ആ​വേ​ശ​ത്തി​ലു​മാ​യി​രു​ന്നു. എ​ന്നാ​ൽ പ്ര​താ​പ​നെ മാ​റ്റി​യ​തോ​ടെ കാ​ര്യ​ങ്ങ​ൾ ഇ​ഴ​ഞ്ഞു​തു​ട​ങ്ങി.

ത​ളി​ക്കു​ളം, നാ​ട്ടി​ക മേ​ഖ​ല​ക​ളി​ൽ പ​ല​രും പ്ര​വ​ർ​ത്ത​ന​ത്തി​ൽ​നി​ന്ന്​ മാ​റി നി​ന്നു. ധീ​വ​ര​സ​ഭ പ്ര​തി​ഷേ​ധ പ്ര​ക​ട​ന​വും ന​ട​ത്തി. സ്ഥാ​നാ​ർ​ഥി പ്ര​ഖ്യാ​പ​ന​ത്തി​ന്​ തൊ​ട്ടു​പി​ന്നാ​ലെ എ​ൽ.​ഡി.​എ​ഫും എ​ൻ.​ഡി.​എ​യും വ​ലി​യ പ്ര​ചാ​ര​ണം തു​ട​ങ്ങി​യ​പ്പോ​ൾ യു.​ഡി.​എ​ഫി​ന്‍റെ പ്ര​വ​ർ​ത്ത​നം പ​ല​യി​ട​ത്തും മ​ന്ദ​ഗ​തി​യി​ലാ​യി​രു​ന്നു.

വോ​ട്ടെ​ടു​പ്പ് ക​ഴി​ഞ്ഞ​തോ​ടെ ബൂ​ത്ത്​ തി​രി​ച്ചു​ള്ള ക​ണ​ക്കു​കൂ​ട്ട​ലി​ൽ എ​ൽ.​ഡി.​എ​ഫി​നാ​ണ്​ മു​ഖം കൂ​ടു​ത​ൽ തെ​ളി​യു​ന്ന​ത്. നാ​ട്ടി​ക​യി​ൽ 20,000ല​ധി​കം വോ​ട്ടി​ന്‍റെ ഭൂ​രി​പ​ക്ഷം എ​ൽ.​ഡി.​എ​ഫ്​ നേ​ടു​മെ​ന്ന്​ തെ​ര​ഞ്ഞെ​ടു​പ്പ് ക​മ്മി​റ്റി സെ​ക്ര​ട്ട​റി കെ.​പി. സ​ന്ദീ​പും സി.​പി.​ഐ നേ​താ​വ് സി.​ആ​ർ. മു​ര​ളീ​ധ​ര​നും അ​വ​കാ​ശ​പ്പെ​ടു​ന്നു. അ​ന്തി​ക്കാ​ട്, താ​ന്ന്യം, ചാ​ഴൂ​ർ, വ​ല​പ്പാ​ട്, നാ​ട്ടി​ക, ത​ളി​ക്കു​ളം, പാ​റ​ളം, അ​വി​ണി​ശ്ശേ​രി പ​ഞ്ചാ​യ​ത്തു​ക​ളി​ൽ വ​ൻ ലീ​ഡ് നേ​ടു​മെ​ന്നും അ​വ​ർ പ​റ​യു​ന്നു.

അ​തേ​സ​മ​യം, ക​ഴി​ഞ്ഞ ത​വ​ണ ല​ഭി​ച്ച ഭൂ​രി​പ​ക്ഷം ത​ങ്ങ​ൾ നേ​ടി​ല്ലെ​ങ്കി​ലും എ​ൽ.​ഡി.​എ​ഫി​ന്​ 8,000 വോ​ട്ടി​ൽ കൂ​ടു​ത​ൽ ഭൂ​രി​പ​ക്ഷം കി​ട്ടി​ല്ലെ​ന്നാ​ണ്​ യു.​ഡി.​എ​ഫ് വൃ​ത്ത​ങ്ങ​ൾ പ​റ​യു​ന്ന​ത്. ​അ​തേ​സ​മ​യം, സി.​പി.​എം കേ​ന്ദ്ര​ങ്ങ​ളി​ൽ വോ​ട്ട് ചോ​ർ​ച്ച ഉ​ണ്ടാ​യി​ട്ടു​ണ്ടെ​ന്ന്​ യു.​ഡി.​എ​ഫ്​ തെ​ര​ഞ്ഞെ​ടു​പ്പ് ക​മ്മി​റ്റി ചെ​യ​ർ​മാ​ൻ കെ.​എ. ഹാ​റൂ​ൺ റ​ഷീ​ദും ക​ൺ​വീ​ന​ർ പി.​ഐ. ഷൗ​ക്ക​ത്ത​ലി​യും പ​റ​യു​ന്നു. എ​ൽ.​ഡി.​എ​ഫ് വോ​ട്ടു​ക​ൾ സു​രേ​ഷ് ഗോ​പി​ക്കും പോ​യി​ട്ടു​ണ്ട്.

ഇ​ത് കാ​ര്യ​മാ​യി ബാ​ധി​ച്ചാ​ൽ എ​ൽ.​ഡി.​എ​ഫ് ഭൂ​രി​പ​ക്ഷം പി​ന്നെ​യും കു​റ​യും. താ​ന്ന്യം, അ​ന്തി​ക്കാ​ട് മേ​ഖ​ല​യി​ൽ എ​ൽ.​ഡി.​എ​ഫി​ന്‍റെ പ്ര​തീ​ക്ഷ അ​സ്ഥാ​ന​ത്താ​വും. ചേ​ർ​പ്പ്, അ​വി​ണി​ശ്ശേ​രി പ​ഞ്ചാ​യ​ത്തു​ക​ളി​ൽ യു.​ഡി.​എ​ഫ് ലീ​ഡ് നേ​ടും. ടി.​എ​ൻ. പ്ര​താ​പ​ൻ മാ​റി​യെ​ങ്കി​ലും യു.​ഡി.​എ​ഫി​നെ ബാ​ധി​ച്ചി​ട്ടി​ല്ലെ​ന്നും ഹാ​റൂ​ൺ റ​ഷീ​ദ് പ​റ​ഞ്ഞു.

എ​ന്നാ​ൽ, നാ​ട്ടി​ക​യി​ൽ എ​ൽ.​ഡി.​എ​ഫും എ​ൻ.​ഡി.​എ​യും ത​മ്മി​ലാ​ണ് മ​ത്സ​രം ന​ട​ന്ന​തെ​ന്നും സു​രേ​ഷ് ഗോ​പി നേ​രി​യ ഭൂ​രി​പ​ക്ഷം നേ​ടു​മെ​ന്നും എ​ൻ.​ഡി.​എ തെ​ര​ഞ്ഞെ​ടു​പ്പ് ക​മ്മി​റ്റി ക​ൺ​വീ​ന​ർ ഇ.​പി. ഹ​രീ​ഷ് പ​റ​ഞ്ഞു. പ്ര​താ​പ​ൻ മ​ത്സ​ര രം​ഗ​ത്ത് ഉ​ണ്ടാ​യി​രു​ന്നെ​ങ്കി​ൽ എ​ൻ.​ഡി.​എ ന​ല്ല ഭൂ​രി​പ​ക്ഷം നേ​ടു​മാ​യി​രു​ന്നു.

കെ. ​മു​ര​ളീ​ധ​ര​ൻ വ​ന്ന​തോ​ടെ യു.​ഡി.​എ​ഫി​ലെ ന​ല്ലൊ​രു വി​ഭാ​ഗം വോ​ട്ട്​ എ​ൽ.​ഡി.​എ​ഫി​ന്​ പോ​യെ​ന്നാ​ണ്​ എ​ൻ.​ഡി.​എ​യു​ടെ വി​ല​യി​രു​ത്ത​ൽ. മ​ണ്ഡ​ല​ത്തി​ൽ 58000ല​ധി​കം വോ​ട്ട്​ സു​രേ​ഷ് ഗോ​പി നേ​ടു​മെ​ന്നാ​ണ് എ​ൻ.​ഡി.​എ ക​ണ​ക്കു​കൂ​ട്ടു​ന്ന​തെ​ന്നും ഹ​രീ​ഷ് പ​റ​ഞ്ഞു.