കോ​പ്ലി​പ്പാ​ടം ത​ട​യ​ണ ഷ​ട്ട​റു​ക​ള്‍ ഉ​യ​ര്‍ത്തി; മറ്റത്തൂരില്‍ കുടിവെള്ള വിതരണം അവതാളത്തിൽ

കോ​ടാ​ലി: വെ​ള്ളി​ക്കു​ളം വ​ലി​യ തോ​ട്ടി​ലെ കോ​പ്ലി​പ്പാ​ടം ത​ട​യ​ണ​യി​ലെ ഷ​ട്ട​റു​ക​ള്‍ ഉ​യ​ര്‍ത്തി​യ​തോ​ടെ മ​റ്റ​ത്തൂ​ര്‍ ഗ്രാ​മീ​ണ ശു​ദ്ധ​ജ​ല പ​ദ്ധ​തി​യു​ടെ പ​മ്പി​ങ് അ​വ​താ​ള​ത്തി​ലാ​യി. പ​മ്പ് ഹൗ​സി​ലെ കി​ണ​റ്റി​ല്‍ ജ​ല​വി​താ​നം താ​ഴ്ന്ന​താ​ണ് ജ​ല​വി​ത​ര​ണ​ത്തി​ല്‍ പ്ര​തി​സ​ന്ധി സൃ​ഷ്ടി​ക്കു​ന്ന​ത്. മ​റ്റ​ത്തൂ​ര്‍ കൃ​ഷി​ഭ​വ​നു കീ​ഴി​ലെ കോ​പ്ലി​പ്പാ​ടം പാ​ട​ശേ​ഖ​ര​ത്തി​ല്‍ നെ​ല്ല് വി​ള​ഞ്ഞ​തി​നെ തു​ട​ര്‍ന്നാ​ണ് ത​ട​യ​ണ​യി​ലെ ഷ​ട്ട​റു​ക​ള്‍ ഉ​യ​ര്‍ത്തി​യ​ത്. ത​ട​യ​ണ​യി​ല്‍ വെ​ള്ളം സം​ഭ​രി​ച്ചു​നി​ര്‍ത്തി​യാ​ല്‍ പാ​ട​ശേ​ഖ​ര​ത്തി​ല്‍ വെ​ള്ളം നി​റ​യാ​നും കൊ​യ്ത്തു​യ​ന്ത്രം ഇ​റ​ക്കാ​നും ക​ഴി​യാ​തെ വ​രും.

കൊ​യ്ത്തി​നു ത​ട​സ്സ​മു​ണ്ടാ​താ​രി​ക്കാ​നാ​ണ് ഷ​ട്ട​ര്‍ താ​ഴ്ത്തി ത​ട​യ​ണ​യി​ലെ ജ​ല​നി​ര​പ്പ് കു​റ​ച്ച​ത്. എ​ന്നാ​ല്‍ ത​ട​യ​ണ​യി​ല്‍ സം​ഭ​രി​ച്ചു​നി​ര്‍ത്തു​ന്ന വെ​ള്ള​ത്തെ ആ​ശ്ര​യി​ച്ചാ​ണ് പാ​ട​ശേ​ഖ​ര​ത്തോ​ടു ചേ​ര്‍ന്ന പ​മ്പ്ഹൗ​സി​ലെ കി​ണ​റി​ല്‍ ജ​ല​വി​താ​നം നി​ല​നി​ൽ​ക്കു​ന്ന​ത്. ഷ​ട്ട​ര്‍ താ​ഴ്ത്തി​യ​തോ​ടെ പ​മ്പ് ഹൗ​സ് കി​ണ​റ്റി​ലെ ജ​ല​വി​താ​ന​വും താ​ഴ്ന്നു. ഇ​തു​മൂ​ലം തു​ട​ര്‍ച്ച​യാ​യി ര​ണ്ടു​മ​ണി​ക്കൂ​ര്‍ പോ​ലും പ​മ്പി​ങ് ന​ട​ത്താ​നാ​വാ​ത്ത അ​വ​സ്ഥ​യാ​ണെ​ന്ന് രൂ​ക്ഷ​മാ​യ ജ​ല​ക്ഷാ​മം അ​നു​ഭ​വി​ക്കു​ന്ന മു​രി​ക്കു​ങ്ങ​ല്‍ വാ​ര്‍ഡി​ലെ പ​ഞ്ചാ​യ​ത്തം​ഗം ലി​ന്റോ പ​ള്ളി​പ​റ​മ്പ​ന്‍ പ​റ​ഞ്ഞു.

മ​റ്റ​ത്തൂ​രി​ലെ വ്യാ​പാ​ര കേ​ന്ദ്ര​ങ്ങ​ളാ​യ കോ​ടാ​ലി, വെ​ള്ളി​ക്കു​ള​ങ്ങ​ര എ​ന്നി​വി​ട​ങ്ങ​ളി​ലു​ള്‍പ്പെ​ടെ ജ​ന​ങ്ങ​ള്‍ ഉ​പ​യോ​ഗി​ക്കു​ന്ന​ത് ക​ഴ​ക്കേ കോ​ടാ​ലി​യി​ല്‍ പ്ര​വ​ര്‍ത്തി​ക്കു​ന്ന മ​റ്റ​ത്തൂ​ര്‍ ശു​ദ്ധ​ജ​ല പ​ദ്ധ​തി​യി​ല്‍ നി​ന്നു​ള്ള വെ​ള്ള​മാ​ണ്. പ​മ്പി​ങ് അ​വ​താ​ള​ത്തി​ലാ​യ​തി​നെ തു​ട​ര്‍ന്ന് പ​ഞ്ചാ​യ​ത്തി​ലെ ഉ​യ​ര്‍ന്ന പ്ര​ദേ​ശ​ങ്ങ​ളാ​യ മു​രി​ക്കു​ങ്ങ​ല്‍, താ​ളൂ​പ്പാ​ടം, കൊ​ള്ളി​ക്കു​ന്ന്, അ​മ്പ​നോ​ളി, മാ​ങ്കു​റ്റി​പ്പാ​ടം, ശാ​ന്തി​ന​ഗ​ര്‍ പ്ര​ദേ​ശ​ങ്ങ​ളി​ലേ​ക്ക് ശ​രി​യാ​യ തോ​തി​ല്‍ വെ​ള്ള​മെ​ത്തു​ന്നി​ല്ലെ​ന്ന് നാ​ട്ടു​കാ​ർ പ​രാ​തി​പ്പെ​ട്ടു. കൊ​യ്ത്ത് പൂ​ര്‍ത്തി​യാ​കാ​തെ ത​ട​യ​ണ​യു​ടെ ഷ​ട്ട​ര്‍ ഉ​യ​ര്‍ത്തി ജ​ലം സം​ഭ​രി​ച്ചു​നി​ര്‍ത്താ​നാ​കി​ല്ലെ​ന്നി​രി‌​ക്കെ ഉ​യ​ര്‍ന്ന പ്ര​ദേ​ശ​ങ്ങ​ളി​ലെ ജ​ന​ങ്ങ​ളു​ടെ ദു​രി​തം തു​ട​രാ​നാ​ണ് സാ​ധ്യ​ത.

മു​ന്‍ വ​ര്‍ഷ​ങ്ങ​ളി​ല്‍ ടാ​ങ്ക​ര്‍ ലോ​റി​ക​ളി​ല്‍ കു​ടി​വെ​ള്ള​മെ​ത്തി​ച്ചാ​ണ് പ്ര​ശ്‌​നം പ​രി​ഹ​രി​ച്ച​ത്. പ​മ്പ് ഹൗ​സി​ന് നൂ​റു​മീ​റ്റ​ര്‍ മാ​ത്രം അ​ക​ലെ​യു​ള്ള വെ​ള്ളി​ക്കു​ളം വ​ലി​യ തോ​ടി​നോ​ടു ചേ​ര്‍ന്ന് പു​തി​യ കി​ണ​ര്‍ നി​ർ​മി​ച്ച് ജ​ല​വി​ത​ര​ണ​ത്തി​ന് സം​വി​ധാ​ന​മൊ​രു​ക്കി​യാ​ല്‍ വ​ര്‍ഷം തോ​റും വേ​ന​ല്‍ക്കാ​ല​ത്ത് അ​നു​ഭ​വ​പ്പെ​ടു​ന്ന പ​മ്പി​ങ് പ്ര​തി​സ​ന്ധി​ക്ക് ശാ​ശ്വ​ത പ​രി​ഹാ​രം കാ​ണാ​നാ​കു​മെ​ന്ന് നി​ർ​ദേ​ശ​മു​ണ്ട്.