രാ​ജ്യ​ത്തി​നാ​യി വീരമൃത്യു വരിച്ച മകന്‍റെ പെൻഷനായി അമ്മയുടെ അലച്ചിൽ

തൃ​ശൂ​ര്‍: രാ​ഷ്ട്രം റി​പ്പ​ബ്ലി​ക്​ ദി​നം ആ​ഘോ​ഷി​ക്കു​ന്ന വേ​ള​യി​ൽ രാ​ജ്യ​ത്തി​നാ​യി ജീ​വ​ന്‍ ബ​ലി​യ​ര്‍പ്പി​ച്ച ധീ​ര​ജ​വാ​ന്‍റെ പേ​രി​ലു​ള്ള പെ​ന്‍ഷ​ന്‍ കി​ട്ടാ​ന്‍ 21 വ​ർ​ഷ​മാ​യി അ​മ്മ മു​ട്ടാ​ത്ത വാ​തി​ലു​ക​ളി​ല്ല. ഇ​രി​ങ്ങാ​ല​ക്കു​ട കീ​ഴു​ത്താ​ണി മ​ച്ചാ​ട്ട് പു​ത്തൂ​ര്‍ വീ​ട്ടി​ല്‍ ഇ​ന്ദി​ര മേ​നോ​നാ​ണ്​ മ​ക​ന്‍റെ വീ​ര​ച​ര​മ​ത്തെ തു​ട​ര്‍ന്ന് അ​നു​വ​ദി​ച്ച പെ​ന്‍ഷ​ന്​ കാ​ത്തി​രി​ക്കു​ന്ന​ത്.

1996 സെ​പ്റ്റം​ബ​ര്‍ 30ന് 28ാം ​വ​യ​സ്സി​ലാ​ണ് ബി.​എ​സ്.​എ​ഫ് ജ​വാ​ന്‍ വി​ന​യ​കു​മാ​ർ ജ​മ്മു-​ക​ശ്മീ​രി​ലെ പൂ​ഞ്ചി​ല്‍ ര​ക്ത​സാ​ക്ഷി​യാ​യ​ത്. തു​ട​ർ​ന്ന്​ വി​ന​യ​കു​മാ​റി​ന്‍റെ ഭാ​ര്യ​ക്ക്​​ പെ​ന്‍ഷ​ന്‍ ല​ഭി​ച്ചി​രു​ന്നു. എ​ന്നാ​ൽ, 2000 ജൂ​ണി​ല്‍ പു​ന​ർ​വി​വാ​ഹ ശേ​ഷം പെ​ന്‍ഷ​നോ മ​റ്റ് ആ​നു​കൂ​ല്യ​ങ്ങ​ളോ കൈ​പ്പ​റ്റാ​ത്ത അ​വ​ർ അ​മ്മ ഇ​ന്ദി​ര​ക്ക്​ പെ​ന്‍ഷ​ന്‍ അ​നു​വ​ദി​ക്കു​ന്ന​തി​നു​ള്ള സ​മ്മ​ത​പ​ത്രം അ​ധി​കാ​രി​ക​ള്‍ക്ക് ന​ല്‍കി. ബി.​എ​സ്.​എ​ഫ് അ​ധി​കൃ​ത​ര്‍ ആ​വ​ശ്യ​പ്പെ​ടു​മ്പോ​ഴെ​ല്ലാം രേ​ഖ​ക​ൾ ന​ല്‍കി​യെ​ങ്കി​ലും പെ​ന്‍ഷ​ന്‍ മാ​ത്രം വ​ന്നി​ല്ല.

ഇ​തി​നി​ട​യി​ല്‍ 2011 ഡി​സം​ബ​റി​ല്‍ ഇ​ന്ദി​ര​യു​ടെ ഭ​ര്‍ത്താ​വ് നാ​രാ​യ​ണ​ന്‍കു​ട്ടി മ​രി​ച്ചു. 2016ലും 2021​ലും പ്ര​ധാ​ന​മ​ന്ത്രി​യു​ടെ പെ​ന്‍ഷ​ന്‍ പ​രാ​തി പ​രി​ഹാ​ര സെ​ല്ലി​ലേ​ക്ക്​ പ​രാ​തി ന​ല്‍കി. അ​വി​ടെ​നി​ന്ന്​ തു​ട​ർ ന​ട​പ​ടി​ക​ള്‍ക്കാ​യി ബി.​എ​സ്.​എ​ഫി​ലേ​ക്ക്​ ന​ല്‍കി​യെ​ങ്കി​ലും ന​ട​പ​ടി​യാ​യി​ല്ല. ഇ​ക്ക​ഴി​ഞ്ഞ ന​വം​ബ​റി​ല്‍ വാ​ര്‍ത്ത​മാ​ധ്യ​മ​ങ്ങ​ളി​ല്‍ വാ​ര്‍ത്ത വ​ന്ന​തോ​ടെ ബി.​എ​സ്.​എ​ഫ് ഡി.​ഐ.​ജി ഇ​ന്ദി​ര​യെ സ​ന്ദ​ര്‍ശി​ച്ച് ആ​ശ്വ​സി​പ്പി​ച്ച്​ പെ​ന്‍ഷ​ന്‍ ശ​രി​യാ​ക്കു​മെ​ന്ന്​ ഉ​റ​പ്പു​ന​ല്‍കി. രേ​ഖ​ക​ള്‍ പി​ന്നീ​ടും അ​യ​ച്ചു. ക​ന​റ ബാ​ങ്ക്​ ഇ​രി​ങ്ങാ​ല​ക്കു​ട ബ്രാ​ഞ്ചി​ലൂ​ടെ​യാ​ണ് നേ​ര​ത്തേ പെ​ന്‍ഷ​ന്‍ ല​ഭി​ച്ചി​രു​ന്ന​ത്. ഇ​വി​ടെ അ​തു​മാ​യി ബ​ന്ധ​പ്പെ​ട്ട രേ​ഖ​ക​ള്‍ ഒ​ന്നു​മി​ല്ല എ​ന്നാ​ണ് ഏ​റ്റ​വും പു​തി​യ വി​വ​രം. ബി.​എ​സ്.​എ​ഫ് ബം​ഗ​ളൂ​രു​വി​ലെ ക​ന​റ ബാ​ങ്കി​ന്റെ സെ​ന്‍ട്ര​ല്‍ പെ​ന്‍ഷ​ന്‍ സ്‌​കീം പ്രോ​സ​സി​ങ്​ സെ​ന്റ​റു​മാ​യി ബ​ന്ധ​പ്പെ​ട്ടെ​ങ്കി​ലും അ​വി​ടെ​നി​ന്നും രേ​ഖ​ക​ള്‍ ല​ഭി​ച്ചി​ല്ല.

1997 മു​ത​ല്‍ 2000 വ​രെ പെ​ന്‍ഷ​ന്‍ വി​ത​ര​ണം ചെ​യ്ത വി​വ​രം പാ​സ്ബു​ക്കി​ല്‍ രേ​ഖ​പ്പെ​ടു​ത്തി​യി​ട്ടു​ണ്ടെ​ന്ന് ഇ​ന്ദി​ര മേ​നോ​ന്‍ വാ​ർ​ത്ത​സ​മ്മേ​ള​ന​ത്തി​ല്‍ പ​റ​ഞ്ഞു. ഒ​ര​മ്മ​ക്ക്​ എ​ന്തു​കൊ​ണ്ട് അ​ര്‍ഹ​മാ​യ പെ​ന്‍ഷ​ന്‍ നി​ഷേ​ധി​ക്ക​പ്പെ​ടു​ന്നു എ​ന്ന അ​വ​രു​ടെ ചോ​ദ്യ​ത്തി​ന് അ​ധി​കാ​രി​ക​ള്‍ക്ക് ഉ​ത്ത​ര​മി​ല്ല.

75 വ​യ​സ്സ് പൂ​ര്‍ത്തി​യാ​യ ഇ​ന്ദി​ര മ​ക​ന്റെ പെ​ന്‍ഷ​ന്‍ ല​ഭി​ച്ച് ഉ​പ​ജീ​വ​നം ന​ട​ത്താ​ന്‍ കാ​ത്തി​രി​ക്കു​ക​യ​ല്ല. പ​ക​രം മ​ക​ന്റെ വീ​ര​മൃ​ത്യു അ​പ​മാ​നി​ക്ക​പ്പെ​ടു​ക​യാ​ണെ​ന്നും ത​ന്റെ മ​ര​ണ​ത്തി​നു മു​മ്പ്​ മ​ക​ന് നീ​തി ല​ഭി​ക്ക​ണ​മെ​ന്നു​മാ​ണ് ഈ ​അ​മ്മ​യു​ടെ ആ​വ​ശ്യം. മ​ക​ള്‍ പി. ​ബി​ന്ദു, ജ​യ്ഹി​ന്ദ് രാ​ജ​ന്‍, അ​ഡ്വ. കെ.​ജി. സ​തീ​ശ​ന്‍ എ​ന്നി​വ​രും വാ​ർ​ത്ത​സ​മ്മേ​ള​ന​ത്തി​ല്‍ പ​ങ്കെ​ടു​ത്തു.