സുകുമാർ അഴീക്കോടിൻെറ വിയോഗത്തിന്​ ഒമ്പത്​ വയസ്സ്​​​; ഇനിയും നിമജ്ജനം ചെയ്യാതെ ചിതാഭസ്​മം

തൃശൂർ: വാക്കുകളുടെ സാഗരഗർജനം സുകുമാർ അഴീക്കോട്​ ഓർമയായിട്ട്​ ഒമ്പത്​ വർഷമെത്തിയിട്ടും ചിതാഭസ്​മത്തിനുപോലും അവഗണന. നാളിതുവരെ നിമജ്ജനം ചെയ്യാനാകാതെ ചിതാഭസ്​മം തൃശൂർ എരവിമംഗല​െത്ത സ്​മാരകത്തിൽ​ സൂക്ഷിച്ചിരിക്കുകയാണ്​ ചുമതലയുള്ള കേരള സാഹിത്യ അക്കാദമി അധികൃതർ. അഴീക്കോട്​ മാഷി​െൻറ ഓരോ ഓർമദിനത്തിലും നിമജ്ജനം ചെയ്യുമെന്ന്​ പ്രഖ്യാപനമുണ്ടാവുമെങ്കിലും ഇതു​വരെ നടപ്പായിട്ടില്ല.

കേരള സാഹിത്യ അക്കാദമി ഹാളി​ന്​ ഡോ. സുകുമാർ അഴീക്കോടി​െൻറ പേര്​ നൽകുമെന്ന്​ പ്രഖ്യാപി​ച്ചിരുന്നെങ്കിലും നടന്നില്ല. രണ്ടുവർഷം മുമ്പ്​ കെ. രാജൻ എം.എൽ.എ അഴീക്കോട്​ സ്​മാരക പ്രവർത്തനങ്ങൾക്ക്​ 50 ലക്ഷം രൂപ പ്രഖ്യാപിച്ചിരുന്നു. ഇക്കഴിഞ്ഞ വർഷം അത്​ ലഭ്യമായെങ്കിലും കാര്യമായി പ്രവർത്തനങ്ങൾ നടന്നില്ലെന്നും​ പരാതി​യുണ്ട്​. തൃശൂർ എരവിമംഗലത്ത്​​ ഡോ. സുകുമാർ അഴീക്കോട്​ നിർമിച്ച വീടും പുസ്​തകശേഖരവും കേരള സാഹിത്യഅക്കാദമി ഏറ്റെടുത്ത്​ സ്​മാരകമാക്കിയിട്ടുണ്ടെങ്കിലും മരണ ദിനത്തിലെ പ്രദേശിക ചടങ്ങുകളിലൊതുങ്ങുകയാണ്​ അഴീക്കോട്​ സ്​മരണ.

കേരള സാഹിത്യ അക്കാദമിയും ഡോ. സുകുമാർ അഴീക്കോട്​ ഫൗണ്ടേഷനും ചേർന്നാണ്​ ഡോ. സുകുമാർ അഴീക്കോടി​െൻറ സ്​മരണ നിലനിർത്താനുള്ള പരിപാടികൾക്ക്​ ചുക്കാൻ പിടിക്കുന്നത്​. 2013 മേയ്​ അഞ്ചിന്​ പെരുമ്പടവം ശ്രീധരൻ ​കേരള സാഹിത്യ അക്കാദമി പ്രസിഡൻറായിരിക്കെയാണ്​ എരവിമംഗല​െത്ത വീട്​ സർക്കാർ ഏറ്റെടുക്കുന്നത്​. അപ്പോൾ ആരംഭിച്ച ദീപം തെളിക്കലും ഓർമദിന ചടങ്ങും വൈശാഖൻ പ്രസിഡൻറായപ്പോഴും തുടർന്നു.

അതേസമയം അഴീ​േക്കാടി​െൻറ സംഭാവനകളെ വിലയിരുത്തിയ മികച്ച ഒരു സാംസ്​കാരിക പരിപാടി സംഘടിപ്പിക്കാൻ പോലും ഒമ്പതുവർഷത്തിനിടെ അഴീക്കോട്​ ഫൗണ്ടേഷനായില്ല. ഇതിനിടെ 2018ലെ പ്രളയത്തിൽ കെട്ടിടത്തിൽ വെള്ളം കയറി മുറി നിറയെ ഉണ്ടായിരുന്ന സമ്മാനങ്ങളും ഷാളുകളും മറ്റും നശിക്കുകയും ചെയ്​തു.

നിമജ്ജനം ചെയ്​തില്ലെന്നത്​ ദുഃഖകരം –വൈശാഖൻ

തൃശൂർ: മഹാനായ സാഹിത്യകാരൻ സുകുമാർ അഴീക്കോടി​െൻറ ചിതാഭസ്​മം നിമജ്ജനം ചെയ്​തില്ലെന്നത്​ ദുഃഖകരമാണെന്ന്​ കേരള സാഹിത്യ അക്കാദമി പ്രസിഡൻറ്​ വൈശാഖൻ 'മാധ്യമ'ത്തോട്​ പറഞ്ഞു. അത്​ കഴിഞ്ഞ ഭരണസമിതി തന്നെ ചെയ്യേണ്ടതായിരുന്നു. ഞാൻ വന്നപ്പോൾ നിമജ്ജനം ചെയ്യാൻ എം.എൽ.എയെ ഏൽപ്പിക്കാൻ സെക്രട്ടറിയോട്​ നിർദേശിച്ചിരുന്നു. ഇതിനിടെയാണ്​ കോവിഡ്​ വന്നത്​. അത്​ നീണ്ടുപോയതായിരിക്കാം കാരണം. അതെക്കുറിച്ച്​ വ്യക്തമായി എനിക്ക്​ അറിയില്ല. അക്കാര്യം അന്വേഷിക്കാമെന്നും അദ്ദേഹം പറഞ്ഞു.നിമജ്ജനം ചെയ്​തില്ലെന്നത്​ ദുഃഖകരം –വൈശാഖൻ

തൃശൂർ: മഹാനായ സാഹിത്യകാരൻ സുകുമാർ അഴീക്കോടി​െൻറ ചിതാഭസ്​മം നിമജ്ജനം ചെയ്​തില്ലെന്നത്​ ദുഃഖകരമാണെന്ന്​ കേരള സാഹിത്യ അക്കാദമി പ്രസിഡൻറ്​ വൈശാഖൻ 'മാധ്യമ'ത്തോട്​ പറഞ്ഞു. അത്​ കഴിഞ്ഞ ഭരണസമിതി തന്നെ ചെയ്യേണ്ടതായിരുന്നു. ഞാൻ വന്നപ്പോൾ നിമജ്ജനം ചെയ്യാൻ എം.എൽ.എയെ ഏൽപ്പിക്കാൻ സെക്രട്ടറിയോട്​ നിർദേശിച്ചിരുന്നു. ഇതിനിടെയാണ്​ കോവിഡ്​ വന്നത്​. അത്​ നീണ്ടുപോയതായിരിക്കാം കാരണം. അതെക്കുറിച്ച്​ വ്യക്തമായി എനിക്ക്​ അറിയില്ല. അക്കാര്യം അന്വേഷിക്കാമെന്നും അദ്ദേഹം പറഞ്ഞു.