ആ​ശ്വാ​സ തു​രു​ത്തി​ല്ല; ആ​ശ​ങ്ക​യി​ല്ലാ​തി​ല്ല

തൃ​ശൂ​ർ: യു.​ഡി.​എ​ഫി​നും എ​ൽ.​ഡി.​എ​ഫി​നും അ​വ​രോ​ട്​ ബ​ല​പ​രീ​ക്ഷ​ണ​ത്തി​ന്​ ഇ​റ​ങ്ങി​യ എ​ൻ.​ഡി.​എ​ക്കും വോ​ട്ടെ​ടു​പ്പ്​ ക​ഴി​ഞ്ഞ ശേ​ഷ​മു​ള്ള ക​ണ​ക്കു​ക​ൾ അ​ത്ര ‘ദ​ഹി​ക്കു​ന്നി​ല്ല’. പോ​ളി​ങ്​ സ​മ​യം ഏ​റെ വൈ​കി​യ​തു​കൊ​ണ്ട്​ ബൂ​ത്തു​ക​ൾ തി​രി​ച്ചു​ ക​ണ​ക്ക്​ കി​ട്ടാ​ൻ പ്ര​തീ​ക്ഷി​ച്ച​തി​ലും വൈ​കി.

അ​തു​കൊ​ണ്ട്​ ഇ​ഴ​കീ​റി​യു​ള്ള പാ​ർ​ട്ടി, മു​ന്ന​ണി​ത​ല അ​വ​ലോ​ക​ന​ത്തി​നും സ​മ​യ​മെ​ടു​ക്കും. ജ​യി​ക്കു​മെ​ന്ന്​ മൂ​ന്ന്​ കൂ​ട്ട​രും അ​വ​കാ​ശ​പ്പെ​ടു​മ്പോ​ഴും 2019നെ ​അ​പേ​ക്ഷി​ച്ച്​ വോ​ട്ട​ർ​മാ​ർ ബൂ​ത്തി​ൽ കു​റ​ഞ്ഞ​ത്​ എ​ങ്ങ​നെ നി​ർ​വ​ചി​ക്ക​ണ​മെ​ന്ന്​ മൂ​ന്ന്​ കൂ​ട്ട​ർ​ക്കും എ​ളു​പ്പ​ത്തി​ൽ പ​റ​യാ​നാ​കു​ന്നി​ല്ല. എ​ങ്കി​ലും മൂ​വ​രും ഉ​റ​പ്പി​ച്ച്​ പ​റ​യു​ന്ന കാ​ര്യ​മു​ണ്ട്​; പാ​ർ​ട്ടി​ക​ളു​ടെ, മു​ന്ന​ണി​ക​ളു​ടെ ഉ​റ​ച്ച വോ​ട്ടു​ക​ളെ​ല്ലാം ചെ​യ്യി​ച്ചി​ട്ടു​ണ്ടെ​ന്ന്.

2019ൽ 77.94 ​ശ​ത​മാ​ന​മാ​യി​രു​ന്നു തൃ​ശൂ​ർ ലോ​ക്സ​ഭ മ​ണ്ഡ​ല​ത്തി​ലെ പോ​ളി​ങ്. ഇ​ത്ത​വ​ണ അ​ത്​ 72.9. ശ​ത​മാ​ന​മാ​യി കു​റ​ഞ്ഞു. പ​രി​ധി​യി​ലു​ള്ള ഏ​ഴ്​ നി​യ​മ​സ​ഭ മ​ണ്ഡ​ല​ത്തി​ലും ആ​നു​പാ​തി​ക കു​റ​വു​ണ്ട്. യു.​ഡി.​എ​ഫി​ന്​ മു​ൻ​തൂ​ക്ക​മു​ള്ള ഗു​രു​വാ​യൂ​ർ നി​യ​മ​സ​ഭ മ​ണ്ഡ​ല​ത്തി​ൽ 70.41 ശ​ത​മാ​ന​മാ​ണ്​ പോ​ളി​ങ്. 2019ൽ 74.36 ​ശ​ത​മാ​നം ഉ​ണ്ടാ​യി​രു​ന്നു. യു.​ഡി.​എ​ഫി​നും പു​തി​യ സാ​ഹ​ച​ര്യ​ത്തി​ൽ ബി.​ജെ.​പി​ക്കും പ്ര​തീ​ക്ഷ​യു​ള്ള തൃ​ശൂ​ർ നി​യ​മ​സ​ഭ മ​ണ്ഡ​ല​ത്തി​ലും വോ​ട്ട്​ കു​റ​ഞ്ഞു.

2019ൽ 74.52 ​ശ​ത​മാ​നം ഉ​ണ്ടാ​യി​രു​ന്ന​ത്​ ഇ​പ്പോ​ൾ 69.67 ആ​യാ​ണ്​ ഇ​ടി​ഞ്ഞ​ത്. ഈ ​പ്ര​ശ്നം എ​ൽ.​ഡി.​എ​ഫും നേ​രി​ടു​ന്നു​ണ്ട്. പു​തു​ക്കാ​ട്ടെ പോ​ളി​ങ്​ ശ​ത​മാ​നം 81.71ൽ​നി​ന്ന്​ 76.74ലേ​ക്ക്​ കു​റ​ഞ്ഞി​രി​ക്കു​ന്ന​ത്. ബി.​ജെ.​പി ക്ര​മേ​ണ ശ​ക്തി​യാ​ർ​ജി​ക്കു​ന്ന മ​ണ്ഡ​ല​മാ​ണി​ത്. എ​ൽ.​ഡി.​എ​ഫി​ന്​ ശ​ക്തി​യു​ള്ള, ബി.​ജെ.​പി അ​ടി​ത്ത​റ​യു​ണ്ടാ​ക്കാ​ൻ ശ്ര​മി​ക്കു​ന്ന നാ​ട്ടി​ക​യി​ലും ഇ​തേ പ്ര​ശ്ന​മു​ണ്ട്. 2019ലെ 77.56​ൽ​നി​ന്ന്​ 72.97ലേ​ക്ക്​ പോ​ളി​ങ്​ ശ​ത​മാ​നം കു​റ​ഞ്ഞു.

എ​ൽ.​ഡി.​എ​ഫ്​ പ​രി​പാ​ലി​ച്ചു വ​രു​ന്ന ഒ​ല്ലൂ​രി​ൽ 73.43 ശ​ത​മാ​ന​മാ​ണ്​ ഇ​ത്ത​വ​ണ​ത്തെ​ പോ​ളി​ങ്. 2019ൽ ​ഇ​ത്​ 79.76 ആ​യി​രു​ന്ന​ത്. മ​ണ​ലൂ​രും എ​ൽ.​ഡി.​എ​ഫി​ന്​ മേ​ൽ​ക്കോ​യ്മ​​യു​ള്ള​താ​ണ്. അ​വി​ടെ​യും ഇ​ത്ത​വ​ണ വോ​ട്ട​ർ​മാ​ർ കു​റ​വാ​ണ്​ എ​ത്തി​യ​ത്. 77.96ൽ​നി​ന്ന്​ 73.04 ആ​യി.

ഇ​രി​ങ്ങാ​ല​ക്കു​ട മ​ണ്ഡ​ലം യു.​ഡി.​എ​ഫി​നും എ​ൽ.​ഡി.​എ​ഫി​നും ഒ​രു​പോ​ലെ ശ​ക്തി​യു​ള്ള​താ​ണ്. ക​രു​വ​ന്നൂ​ർ ബാ​ങ്ക്​ ത​ട്ടി​പ്പി​ന്‍റെ പ​ശ്ചാ​ത്ത​ല​ത്തി​ൽ ബി.​ജെ.​പി സ്വാ​ധീ​ന​മു​ണ്ടാ​ക്കാ​ൻ ശ്ര​മി​ക്കു​ക​യും ചെ​യ്യു​ന്നു. അ​വി​ടെ 73.9 ശ​ത​മാ​ന​മാ​ണ്​ പോ​ളി​ങ്. ക​ഴി​ഞ്ഞ ത​വ​ണ 78.82 ശ​ത​മാ​നം ഉ​ണ്ടാ​യി​രു​ന്നു.