ഒരാഴ്ച; കോവിഡ്​ രോഗികൾ 13,974

തൃ​ശൂ​ർ: ജി​ല്ല​യി​ൽ ഒ​രാ​ഴ്ച​ക്കി​ടെ റി​പ്പോ​ർ​ട്ട്​ ചെ​യ്ത​ത്​ 13,974 കോ​വി​ഡ്​ രോ​ഗി​ക​ൾ. ഇ​ന്ന​ലെ മാ​ത്രം 3604 പേ​ർ​ക്ക്​ രോ​ഗം ബാ​ധി​ച്ചു. ജി​ല്ല​യി​ൽ അ​തി​രൂ​ക്ഷ കോ​വി​ഡ്​ വ്യാ​പ​ന​മാ​ണ്​​ ന​ട​ക്കു​ന്ന​തെ​ങ്കി​ലും ജ​നം അ​തി​ന​നു​സ​രി​ച്ച്​ ജാ​ഗ്ര​ത പാ​ലി​ക്കാ​ത്ത സാ​ഹ​ച​ര്യ​മാ​ണു​ള്ള​ത്​. ജ​നു​വ​രി 13 മു​ത​ൽ 19 വ​രെ കാ​ല​യ​ള​വി​ലാ​ണ്​ വ​ൻ​തോ​തി​ൽ വ്യാ​പ​ന​മു​ണ്ടാ​യ​ത്. 13ന്​ 1067 ​എ​ത്തി​യ കോ​വി​ഡ്​ 14ന്​ 1389​ലേ​ക്ക്​ ഉ​യ​ർ​ന്നു. 15ന്​ 1731​ലേ​ക്ക്​ കു​തി​ച്ചു. അ​ടു​ത്ത ദി​വ​സം 31പേ​ർ​ക്ക്​ കു​റ​ഞ്ഞ്​ 1700 ആ​യി. 17ന്​ 1861​ലേ​ക്കും 18ന്​ 2622​ലേ​ക്കും കോ​വി​ഡ്​ ക​ണ​ക്ക്​ എ​ത്തി.

ക​ഴി​ഞ്ഞ 10 ദി​വ​സം കൊ​ണ്ട്​ 16,295 കോ​വി​ഡ്​ രോ​ഗി​ക​ളാ​ണ്​ ഉ​ണ്ടാ​യ​ത്. ജ​നു​വ​രി 10ന്​ 389 ​രോ​ഗ​മാ​ണ്​ റി​പ്പോ​ർ​ട്ട്​ ചെ​യ്ത​തെ​ങ്കി​ൽ തു​ട​ർ​ന്ന​ങ്ങോ​ട്ട്​ കി​ത​ക്കാ​തെ കു​തി​ക്കു​ക​യാ​ണ്. 11ന്​ ​മൂ​ന്നി​ര​ട്ടി​യാ​യ 943ലേ​ക്ക്​ എ​ത്തി​യ​തി​ന്​ പി​ന്നാ​ലെ പ്ര​തി​ദി​നം നി​ര​ക്ക്​ കൂ​ടു​ക​യാ​യി​രു​ന്നു. 12ന്​ 989 ​രോ​ഗി​ക​ളാ​യി​രു​ന്നു​വെ​ങ്കി​ൽ 13ന്​ 1067 ​ആ​യി വീ​ണ്ടു​മു​യ​ർ​ന്നു.

പു​തു​വ​ർ​ഷ​ത്തി​ലെ ആ​ദ്യ​ദി​നം മു​ത​ൽ മാ​റ്റം ക​ണ്ടു തു​ട​ങ്ങി​യി​രു​ന്നു. ക്രി​സ്മ​സ്​ ആ​ഘോ​ഷ​ത്തി​ന്​ പി​ന്നാ​ലെ പു​തു​വ​ത്സ​ര​വും അ​ടി​ച്ചു​പൊ​ളി​ച്ച​തോ​ടെ​യാ​ണ്​ കോ​വി​ഡ്​ അ​നു​കൂ​ല സാ​ഹ​ച​ര്യം ഒ​രു​ങ്ങി​യ​ത്. ജ​നു​വ​രി ഒ​ന്നു മു​ത​ൽ അ​ഞ്ചു​വ​രെ അ​ഞ്ചു ദി​വ​സം കൊ​ണ്ട്​ 1407 പേ​ർ​ക്കാ​യി​രു​ന്നു രോ​ഗ ബാ​ധ. ഇ​തി​ൽ ത​ന്നെ അ​ഞ്ചി​ന്​ 376ഉം ​ര​ണ്ടി​ന്​ 342ഉം ​നാ​ലി​ന്​ 330തു​മാ​യി പ്ര​തി​ദി​ന ബാ​ധ 300 ക​ട​ന്നു.

തു​ട​ർ​ന്നു​ള്ള അ​ഞ്ചു ദി​വ​സ​ത്തി​നു​ള്ളി​ൽ 2783 പേ​ർ​ക്കാ​ണ്​ കോ​വി​ഡ്​ റി​പ്പോ​ർ​ട്ട്​ ചെ​യ്ത​ത്. ക​ഴി​ഞ്ഞ ര​ണ്ടു ദി​വ​സ​ങ്ങ​ളി​ൽ ഇ​ത്​ 2000ത്തി​ന്​ മു​ക​ളി​ലും ക​ട​ന്നു. ഇ​തോ​ടെ 19 ദി​വ​സം കൊ​ണ്ട്​ ജ​നു​വ​രി​യി​ൽ 16,497 കോ​വി​ഡ്​ റി​പ്പോ​ർ​ട്ട്​ ചെ​യ്തു ക​ഴി​ഞ്ഞു. ഡി​സം​ബ​റി​ൽ ആ​കെ രോ​ഗി​ക​ളു​ടെ എ​ണ്ണം 8787 ആ​യി​രു​ന്നു. ഇ​ങ്ങ​നെ പോ​യാ​ൽ ജ​നു​വ​രി​യി​ൽ 25,000ന്​ ​മു​ക​ളി​ൽ രോ​ഗി​ക​ളു​ണ്ടാ​വു​മെ​ന്നാ​ണ്​ ക​ണ​ക്കാ​ക്ക​പ്പെ​ടു​ന്ന​ത്. ദി​നം​​പ്ര​തി കോ​വി​ഡ്​ ക്ല​സ്റ്റ​റു​ക​ൾ കൂ​ടു​ന്നു​ണ്ടെ​ങ്കി​ലും ജ​ന​ത്തി​ന്‍റെ മ​നോ​ഭാ​വ​ത്തി​ൽ മാ​റ്റം പ്ര​ക​ട​മ​ല്ല. അ​നാ​വ​ശ്യ ക​റ​ക്ക​വും പെ​രു​മാ​റ്റ​ച്ച​ട്ട ലം​ഘ​ന​വും വ്യാ​പ​ക​മാ​യി തു​ട​രു​ക​യാ​ണ്. വാ​ക്​​സി​ൻ എ​ടു​ത്ത​വ​രി​ലാ​ണ്​ ഈ ​പ്ര​വ​ണ​ത കൂ​ടു​ത​ലും കാ​ണു​ന്ന​ത്.

അ​തേ​സ​മ​യം, കു​ട്ടി​ക​ളും സ്ത്രീ​ക​ളു​മാ​യി വി​നോ​ദ​സ​ഞ്ചാ​ര​ത്തി​ന്​ വ​രെ പോ​കു​ന്ന​വ​ർ ജി​ല്ല​യി​ലു​ണ്ട്. ജ​ന​ത്തി​ന്​ കാ​ര്യ​മാ​യ മാ​റ്റ​മി​ല്ലാ​ത്ത സാ​ഹ​ച​ര്യ​ത്തി​ലും ആ​രോ​ഗ്യ​വ​കു​പ്പും ജി​ല്ല അ​ധി​കൃ​ത​രും അ​വ​ശ്യ​മാ​യ ന​ട​പ​ടി​ക​ളു​മാ​യി മു​ന്നോ​ട്ടു​വ​രാ​ത്ത​തും ആ​ശ​ങ്ക ഉ​യ​ർ​ത്തു​ന്നു​ണ്ട്.

കൊടുങ്ങല്ലൂർ താലപ്പൊലി: ദേവസ്വം അധികൃതർക്കെതിരെ കേസ്

കൊ​ടു​ങ്ങ​ല്ലൂ​ർ: താ​ല​പ്പൊ​ലി ന​ട​ത്തി​പ്പി​ൽ കോ​വി​ഡ് മാ​ന​ദ​ണ്ഡ​ങ്ങ​ൾ ലം​ഘി​ച്ച​തി​ന് ദേ​വ​സ്വം അ​ധി​കൃ​ത​ർ​ക്കെ​തി​രെ പൊ​ലീ​സ് കേ​സെ​ടു​ത്തു. താ​ല​പ്പൊ​ലി ന​ട​ത്തി​പ്പി​ന് നേ​തൃ​ത്വം ന​ൽ​കി​യ കൊ​ച്ചി​ൻ ദേ​വ​സ്വം ബോ​ർ​ഡ് അ​സി. ക​മീ​ഷ​ണ​ർ​ക്കെ​തി​രെ​യാ​ണ് കേ​സ്.

കോ​വി​ഡ് പ്രോ​ട്ടോ​ക്കോ​ൾ ക​ർ​ശ​ന​മാ​യി പാ​ലി​ക്ക​ണ​മെ​ന്ന ജി​ല്ല ക​ല​ക്ട​റു​ടെ ഉ​ത്ത​ര​വി​ൽ മു​ന്നൂ​റി​ൽ കൂ​ടു​ത​ൽ പേ​ർ ഒ​ത്തു​കൂ​ട​രു​തെ​ന്നാ​യി​രു​ന്നു നി​ർ​ദേ​ശം. കോ​വി​ഡ് ഏ​റി​യ​തോ​ടെ നാ​ലാം താ​ല​പ്പൊ​ലി ദി​വ​സം പ​ര​മാ​വ​ധി 50 ആ​ളു​ക​ൾ മാ​ത്രം പാ​ടു​ള്ളൂ​വെ​ന്നും ഉ​ത്ത​ര​വി​റ​ക്കി. എ​ന്നാ​ൽ എ​ല്ലാ ദി​വ​സ​വും ന​ല്ല​പോ​ലെ ജ​നം താ​ല​പ്പൊ​ലി​ക്കാ​വി​ലെ​ത്തി. ആ​ളു​ക​ളെ നി​യ​ന്ത്രി​ക്കാ​നു​ള്ള പൊ​ലീ​സ് ന​ട​പ​ടി​ക​ളും ഫ​ലം ക​ണ്ടി​രു​ന്നി​ല്ല.

എരുമപ്പെട്ടി ഗവ. സ്കൂളിൽ 13 അധ്യാപകർക്ക് കോവിഡ്

എ​രു​മ​പ്പെ​ട്ടി: ജി​ല്ല​യി​ൽ ഏ​റ്റ​വും കൂ​ടു​ത​ൽ വി​ദ്യാ​ർ​ഥി​ക​ൾ പ​ഠി​ക്കു​ന്ന എ​രു​മ​പ്പെ​ട്ടി ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ൽ 13 അ​ധ്യാ​പ​ക​ർ​ക്ക് കോ​വി​ഡ് സ്ഥി​രീ​ക​രി​ച്ചു. ര​ണ്ട് ദി​വ​സ​ങ്ങ​ളി​ലാ​യി ന​ട​ത്തി​യ പ​രി​ശോ​ധ​ന​യി​ലാ​ണ് രോ​ഗം ക​ണ്ടെ​ത്തി​യ​ത്. എ​രു​മ​പ്പെ​ട്ടി ഗ​വ. ആ​ശു​പ​ത്രി​യി​ൽ ന​ട​ന്ന പ​രി​ശോ​ധ​ന​യി​ൽ അ​ഞ്ച് പേ​ർ​ക്കും മ​റ്റ് സ്വ​കാ​ര്യ ലാ​ബു​ക​ളി​ൽ ന​ട​ത്തി​യ പ​രി​ശോ​ധ​ന​യി​ൽ എ​ട്ട് പേ​ർ​ക്കും രോ​ഗം സ്ഥി​രീ​ക​രി​ച്ചു.

ഗുരുവായൂരിൽ ദർശനം നടത്തിയത് 2000 പേർ

ഗു​രു​വാ​യൂ​ര്‍: കോ​വി​ഡ് പ്ര​തി​രോ​ധ​ത്തി​ന്‍റെ ഭാ​ഗ​മാ​യി നി​യ​ന്ത്ര​ണ​ങ്ങ​ൾ ക​ടു​പ്പി​ച്ച​തി​ന്‍റെ ആ​ദ്യ ദി​വ​സ​മാ​യ ബു​ധ​നാ​ഴ്ച ഗു​രു​വാ​യൂ​രി​ൽ ദ​ർ​ശ​നം ന​ട​ത്തി​യ​ത് 2000ഓ​ളം പേ​ർ മാ​ത്രം. 3000 പേ​ർ​ക്ക് ഓ​ൺ​ലൈ​ൻ വ​ഴി ദ​ർ​ശ​ന അ​നു​മ​തി ന​ൽ​കാ​നാ​ണ് ദേ​വ​സ്വം തീ​രു​മാ​നി​ച്ചി​രു​ന്ന​ത്. വൈ​കീ​ട്ട് ദീ​പാ​രാ​ധ​ന വ​രെ 1930 പേ​രാ​ണ് ദ​ര്‍ശ​നം ന​ട​ത്തി​യ​ത്.

പ്ര​സാ​ദ ഊ​ട്ട് അ​ന്ന​ല​ക്ഷ്മി ഹാ​ളി​ൽ ന​ൽ​കു​ന്ന​ത് ഒ​ഴി​വാ​ക്കി പാ​ർ​സ​ലാ​യാ​ണ് ന​ൽ​കി​യ​ത്. രാ​വി​ലെ 550 പേ​ര്‍ക്ക് പ്ര​ഭാ​ത ഭ​ക്ഷ​ണ​വും ഉ​ച്ച​ക്ക് 1200ഓ​ളം പേ​ര്‍ക്ക് പ്ര​സാ​ദ ഊ​ട്ടും പാ​ർ​സ​ലാ​യി ന​ൽ​കി. ക​ല്യാ​ണം ര​ണ്ടെ​ണ്ണ​മേ ഉ​ണ്ടാ​യി​രു​ന്നു​ള്ളൂ. ബ​ന്ധു​ക്ക​ളാ​യി പ​ത്തു​പേ​രെ വീ​തം ക​ല്യാ​ണ മ​ണ്ഡ​പ​ത്തി​ന​ടു​ത്തേ​ക്ക് അ​നു​വ​ദി​ച്ചു. കു​ട്ടി​ക​ളു​ടെ ചോ​റൂ​ൺ നി​ർ​ത്തി​യെ​ങ്കി​ലും വ​ഴി​പാ​ടു​കാ​ർ​ക്ക് കി​റ്റു​ക​ൾ ന​ൽ​കി. 200ഓ​ളം കി​റ്റാ​ണ് ബു​ധ​നാ​ഴ്ച ന​ൽ​കി​യ​ത്.

കി​റ്റു​ക​ൾ വാ​ങ്ങി​യ ചി​ല​ർ ക്ഷേ​ത്ര പ​രി​സ​ര​ത്ത് വെ​ച്ചു​ത​ന്നെ ചോ​റൂ​ൺ വ​ഴി​പാ​ട് ന​ട​ത്തി. വ്യാ​ഴാ​ഴ്ച ന​ട​ത്താ​ൻ നി​ശ്ച​യി​ച്ചി​രു​ന്ന കൃ​ഷ്ണ​നാ​ട്ടം വേ​ഷം ട്രെ​യി​നി​ക​ളു​ടെ ഇ​ൻ​റ​ർ​വ്യൂ കോ​വി​ഡ് നി​യ​ന്ത്ര​ണ​ങ്ങ​ളു​ടെ പ​ശ്ചാ​ത്ത​ല​ത്തി​ൽ മാ​റ്റി​വെ​ച്ച​താ​യി ദേ​വ​സ്വം അ​ഡ്മി​നി​സ്ട്രേ​റ്റ​ർ അ​റി​യി​ച്ചു.