പ്രതിപക്ഷ ബഹിഷ്കരണവും സമരവും; കോർപറേഷൻ കൗൺസിൽ യോഗം അവസാന നിമിഷം മാറ്റി

തൃ​ശൂ​ർ: പ്ര​തി​പ​ക്ഷം ബ​ഷി​ഷ്​​ക​ര​ണ​വും പ്ര​തി​ഷേ​ധ സ​മ​ര​വും പ്ര​ഖ്യാ​പി​ച്ച​തോ​ടെ ബു​ധ​നാ​ഴ്ച വൈ​കീ​ട്ട്​ 4.30ന്​ ​ചേ​രാ​നി​രു​ന്ന കോ​ർ​പ​റേ​ഷ​ൻ കൗ​ൺ​സി​ലി​ന്‍റെ പ്ര​ത്യേ​ക യോ​ഗം അ​വ​സാ​ന നി​മി​ഷം മാ​റ്റി​വെ​ച്ചു. കൗ​ൺ​സി​ലി​ൽ ഭൂ​രി​പ​ക്ഷം ന​ഷ്ട​പ്പെ​ടു​മെ​ന്ന് തി​രി​ച്ച​റി​ഞ്ഞ​തു​കൊ​ണ്ടാ​ണ്​ യോ​ഗം മാ​റ്റി​യ​തെ​ന്ന്​ പ്ര​തി​പ​ക്ഷ​ക​ക്ഷി നേ​താ​വ് രാ​ജ​ൻ ജെ. ​പ​ല്ല​ൻ ആ​രോ​പി​ച്ചു.

യോ​ഗം മാ​റ്റി​വെ​ച്ചെ​​ങ്കി​ലും പ്ര​തി​പ​ക്ഷ കോ​ൺ​ഗ്ര​സ്​ കൗ​ൺ​സി​ല​ർ​മാ​ർ കൗ​ൺ​സി​ൽ ഹാ​ളി​ന്​ പു​റ​ത്ത്​ അ​ജ​ണ്ട ക​ത്തി​ച്ച്​ പ്ര​തി​ഷേ​ധി​ച്ചു. ഭൂ​രി​പ​ക്ഷം ന​ഷ്ട​പ്പെ​ട്ട മേ​യ​ർ രാ​ജി​വെ​ക്ക​ണ​മെ​ന്ന് പ്ര​തി​പ​ക്ഷ നേ​താ​വ് ആ​വ​ശ്യ​പ്പെ​ട്ടു.

ഒ​രു​മാ​സ​മാ​യി കോ​ർ​പ​റേ​ഷ​ൻ കൗ​ൺ​സി​ൽ യോ​ഗം ചേ​ർ​ന്നി​ട്ടി​ല്ല. ഇ​ത്​ ച​ട്ട​വി​രു​ദ്ധ​മാ​ണെ​ന്ന്​ പ്ര​തി​പ​ക്ഷം ചൂ​ണ്ടി​ക്കാ​ട്ടി​യി​രു​ന്നു. മേ​യ​റും സം​ഘ​വും ദി​വ​സ​ങ്ങ​ളി​ലാ​യി റ​ഷ്യ​ൻ യാ​ത്ര​യി​ലാ​യി​രു​ന്നു. ചൊ​വ്വാ​ഴ്ച രാ​ത്രി​യാ​ണ് കൗ​ൺ​സി​ല​ർ​മാ​ർ​ക്ക് പ്ര​ത്യേ​ക കൗ​ൺ​സി​ൽ ചേ​രു​ന്ന​തി​ന്‍റെ അ​ജ​ണ്ട ന​ൽ​കി​യ​ത്. പ്ര​തി​പ​ക്ഷം ബു​ധ​നാ​ഴ്ച രാ​വി​ലെ പ്ര​തി​ഷേ​ധ​വും ബ​ഹി​ഷ്ക​ര​ണ​വും പ്ര​ഖ്യാ​പി​ച്ചി​രു​ന്നു.

പ്ര​തി​പ​ക്ഷ നേ​താ​വി​ന്‍റെ നേ​തൃ​ത്വ​ത്തി​ൽ കൗ​ൺ​സി​ൽ ഹാ​ളി​ൽ ചെ​ന്ന​പ്പോ​ൾ കൗ​ൺ​സി​ൽ ഹാ​ളി​ന്‍റെ മൂ​ന്ന് വാ​തി​ലും പൂ​ട്ടി​യി​രു​ന്നു. കൗ​ൺ​സി​ൽ മാ​റ്റി​വെ​ച്ച​ത് കൗ​ൺ​സി​ല​ർ​മാ​​രെ രേ​ഖാ​മൂ​ലം അ​റി​യി​ച്ചി​ല്ലെ​ന്ന്​ കോ​ൺ​ഗ്ര​സ്​ കൗ​ൺ​സി​ല​ർ​മാ​ർ കു​റ്റ​പ്പെ​ടു​ത്തി. ഇ​ത്​ നി​യ​മ വി​രു​ദ്ധ​മാ​ണ്. അ​റി​യി​പ്പ് കൈ​പ്പ​റ്റി​യ​താ​യി കൗ​ൺ​സി​ല​ർ​മാ​രു​ടെ ഒ​പ്പ്​ വാ​ങ്ങേ​ണ്ട​തു​ണ്ട്.

കോ​ൺ​ഗ്ര​സി​ന്​ പു​റ​മെ സി.​പി.​ഐ, ജ​ന​താ​ദ​ൾ, കേ​ര​ള കോ​ൺ​ഗ്ര​സ്-​എം എ​ന്നി​വ​യു​ടെ​യും സ്വ​ത​ന്ത്ര​രു​മ​ട​ക്കം 12 ഭ​ര​ണ​പ​ക്ഷ കൗ​ൺ​സി​ല​ർ​മാ​രും ബ​ഹി​ഷ്ക​രി​ക്കു​മെ​ന്ന് വ്യ​ക്ത​മാ​യ​തി​നാ​ലാ​ണ് മേ​യ​റും സി.​പി.​എ​മ്മും കൗ​ൺ​സി​ൽ ഹാ​ൾ അ​ട​ച്ചു​പൂ​ട്ടി ര​ക്ഷ​പ്പെ​ട്ട​തെ​ന്ന്​ രാ​ജ​ൻ പ​ല്ല​ൻ ആ​രോ​പി​ച്ചു. പ്ര​ക​ട​ന​മാ​യി എ​ത്തി​യ കോ​ൺ​ഗ്ര​സ്‌ കൗ​ൺ​സി​ല​ർ​മാ​ർ സ്പെ​ഷ​ൽ അ​ജ​ണ്ട ക​ത്തി​ച്ച് പ്ര​തി​ഷേ​ധി​ച്ചു.

ബു​ധ​നാ​ഴ്ച നി​ശ്ച​യി​ച്ച കൗ​ൺ​സി​ൽ യോ​ഗ​ത്തി​ൽ 65 കോ​ടി രൂ​പ​യു​ടെ പ​ദ്ധ​തി​ക​ൾ ച​ർ​ച്ച​യി​ല്ലാ​തെ പാ​സാ​ക്കാ​ൻ മേ​യ​റും സി.​പി.​എ​മ്മും ശ്ര​മി​ച്ചി​രു​ന്ന​താ​യി പ്ര​തി​ഷേ​ധം ഉ​ദ്​​ഘാ​ട​നം ചെ​യ്ത പ്ര​തി​പ​ക്ഷ നേ​താ​വ് പ​റ​ഞ്ഞു. അ​ടി​യ​ന്ത​ര പ്രാ​ധാ​ന്യ​മി​ല്ലാ​ത്ത ഏ​ഴ്​ അ​ജ​ണ്ട​യാ​ണ് സ്പെ​ഷ​ൽ കൗ​ൺ​സി​ൽ ച​ർ​ച്ച​യി​ല്ലാ​തെ പാ​സാ​ക്കാ​ൻ ശ്ര​മി​ച്ച​ത്.

അ​ത് പ​രാ​ജ​യ​പ്പെ​ടു​ത്തി​യ ഭ​ര​ണ​പ​ക്ഷ കൗ​ൺ​സി​ല​ർ​മാ​രെ അ​ഭി​ന​ന്ദി​ക്കു​ക​യാ​​ണെ​ന്നും രാ​ഷ്ട്രീ​യ അ​ഭി​പ്രാ​യ വ്യ​ത്യാ​സ​മു​ണ്ടെ​ങ്കി​ലും അ​ഴി​മ​തി​ക്കെ​തി​രെ പ്ര​തി​ക​രി​ക്കാ​ൻ ത​യാ​റാ​യ​ത് സ്വാ​ഗ​താ​ർ​ഹ​മാ​ണെ​ന്ന് രാ​ജ​ൻ ജെ. ​പ​ല്ല​ൻ പ​റ​ഞ്ഞു.

ഉ​പ​നേ​താ​വ് ഇ.​വി. സു​നി​ൽ​രാ​ജ് അ​ധ്യ​ക്ഷ​ത വ​ഹി​ച്ചു. സ്ഥി​രം സ​മി​തി ചെ​യ​ർ​മാ​ന്മാ​രാ​യ ജ​യ​പ്ര​കാ​ശ് പൂ​വ​ത്തി​ങ്ക​ൽ, മു​കേ​ഷ് കൂ​ള​പ​റ​മ്പി​ൽ, ശ്യാ​മ​ള മു​ര​ളീ​ധ​ര​ൻ, കൗ​ൺ​സി​ല​ർ​മാ​രാ​യ സി​ന്ധു ആ​ന്‍റോ, അ​ഡ്വ. വി​ല്ലി എ​ന്നി​വ​ർ സം​സാ​രി​ച്ചു. ലാ​ലി ജെ​യിം​സ്, എ​ൻ.​എ. ഗോ​പ​കു​മാ​ർ, കെ. ​രാ​മ​നാ​ഥ​ൻ, എ​ബി വ​ർ​ഗീ​സ്, വി​നേ​ഷ് ത​യ്യി​ൽ, സു​നി​ത വി​നു, റെ​ജി ജോ​യി, നി​മ്മി റ​പ്പാ​യി, രെ​ന്യ ബൈ​ജു, മേ​ഴ്‌​സി അ​ജി എ​ന്നി​വ​ർ നേ​തൃ​ത്വം ന​ൽ​കി.