എക്​സ്​കവേറ്ററുകൾ കെട്ടിവലിച്ച് പ്രതിഷേധം

തൃശൂർ: ഡീസൽ, പെട്രോൾ വിലവർധനയിൽ പ്രതിഷേധിച്ച് ടിപ്പർ എർത്ത് മൂവേഴ്സ്​ സമിതി ജില്ല കമ്മിറ്റി എക്​സ്​കവേറ്ററുകൾ കെട്ടിവലിച്ച് പ്രകടനം നടത്തി. സി.ഐ.ടി.യു സംസ്ഥാന കമ്മിറ്റി അംഗം പി.കെ. ഷാജൻ ഉദ്ഘാടനം ചെയ്തു.

വ്യാപാരി വ്യവസായി സമിതി സംസ്ഥാന ജോ. സെക്രട്ടറി ബിന്നി ഇമ്മട്ടി, ടിപ്പർ എർത്ത് മൂവേഴ്സ് സമിതി സംസ്ഥാന സെക്രട്ടറി രാജൻ ഡയമണ്ട്, ജില്ല സെക്രട്ടറി സന്ദീപ് കോട്ടയിൽ, ഗിരി കള്ളാടത്തിൽ, സന്തോഷ് ജവാൻ, രാജൻ ഭഗവതിപറമ്പിൽ എന്നിവർ സംസാരിച്ചു.