പ്ര​ണ​യ ദു​ര​ന്ത കാ​വ്യ​മാ​യി ‘പു​വ​ർ ലി​സ’

തൃ​ശൂ​ർ: ദു​ര​ന്ത പ​ര്യ​വ​സാ​യി​യാ​യ റ​ഷ്യ​ൻ നാ​ട​കം ‘പു​വ​ർ ലി​സ’ കാ​ണി​ക​ളു​ടെ ക​ണ്ണ് ന​ന​യി​ച്ചു. ഒ​ന്ന​ര മ​ണി​ക്കൂ​ർ ദൈ​ർ​ഘ്യ​മു​ള്ള സം​ഗീ​ത നാ​ട​കം കാ​ണി​ക​ളെ പി​ടി​ച്ചി​രു​ത്തു​ന്ന​തി​ൽ ശ​രി​ക്കും വി​ജ​യി​ച്ചു. സാ​മൂ​ഹി​ക സാ​ഹ​ച​ര്യ​ങ്ങ​ൾ മ​നു​ഷ്യ​ബ​ന്ധ​ങ്ങ​ളി​ലു​ണ്ടാ​ക്കു​ന്ന മാ​റ്റ​ങ്ങ​ൾ എ​ങ്ങ​നെ ദു​ര​ന്ത​മാ​യി അ​വ​സാ​നി​ക്കു​ന്നു എ​ന്ന​തി​ന്റെ ഉ​ത്ത​മ ഉ​ദാ​ഹ​ര​ണ​മാ​ണ് പു​വ​ർ ലി​സ.

റ​ഷ്യ​യു​ടെ ത​ല​സ്ഥാ​ന​മാ​യ മോ​സ്കോ​യു​ടെ പ്രാ​ന്ത ദേ​ശ​ത്ത് വ​സി​ക്കു​ന്ന ക​ർ​ഷ​ക പെ​ൺ​കു​ട്ടി​യാ​ണ് ലി​സ. അ​ച്ഛ​ൻ നേ​ര​ത്തേ മ​രി​ച്ച​തി​നെ തു​ട​ർ​ന്ന് അ​വ​ളും അ​മ്മ​യും മാ​ത്ര​മാ​ണ് കൊ​ച്ചു​കു​ടി​ലി​ലുള്ള​ത്. എ​ത്ര​യും വേ​ഗം മ​രി​ച്ച് ഭ​ർ​ത്താ​വി​ന്റെ അ​ടു​ത്തെ​ത്ത​ണം എ​ന്നാ​ണ് ലി​സ​യു​ടെ അ​മ്മ​യു​​ടെ ആ​ഗ്ര​ഹം. ലി​സ ഒ​റ്റ​പ്പെ​ടും എ​ന്ന​തി​നാ​ൽ മാ​ത്ര​മാ​ണ് താ​ൻ മ​ര​ണം കൊ​തി​ക്കാ​ത്ത​തെ​ന്നും അ​വ​ർ പ​റ​യു​ന്നു​ണ്ട്. ലി​സ​യെ ഏ​റെ സ്നേ​ഹി​ക്കു​ന്ന മാ​ന്യ​നാ​യ ഒ​രു യു​വാ​വി​ന് വി​വാ​ഹം ക​ഴി​ച്ചു​ന​ൽ​ക​ണം എ​ന്നാ​ണ് അ​വ​ളു​ടെ അ​മ്മ​യു​ടെ ആ​ഗ്ര​ഹം.

ത​ങ്ങ​ളു​ടെ പാ​ട​ത്ത് വി​രി​യു​ന്ന പൂ​ക്ക​ൾ മോ​സ്കോ​യി​ൽ കൊ​ണ്ടു​പോ​യി വി​റ്റാ​ണ് ലി​സ​യും അ​മ്മ​യും ജീ​വി​ക്കു​ന്ന​ത്. അ​ങ്ങ​നെ​യി​രി​ക്കെ ഒ​രു​ദി​വ​സം ലി​സ പൂ​വു​മാ​യി എ​ത്ത​വേ ന​ഗ​ര​ത്തി​ലെ പ്ര​ഭു​വാ​യ ഇ​റാ​സ്ത് അ​വ​ളെ ക​ണ്ടു​മു​ട്ടുന്നു. ഒ​റ്റ​നോ​ട്ട​ത്തി​ൽ ത​ന്നെ ഇ​റാ​സ്ത് ലി​സ​യി​ൽ അ​നു​ര​ക്ത​നാ​കു​ന്നു. ഇ​നി​മു​ത​ൽ എ​ല്ലാ​ദി​വ​സ​വും ലി​സ ത​നി​ക്കു​മാ​ത്ര​മേ പു​ഷ്പ​ങ്ങ​ൾ വി​ൽ​ക്കാ​ൻ പാ​ടു​ള്ളൂ എ​ന്ന് ഇ​റാ​സ്ത് ആ​വ​ശ്യ​പ്പെ​ടും. ഇ​തു​പ്ര​കാ​രം എ​ന്നും പു​ത്ത​ൻ പൂ​ക്ക​ളു​മാ​യി ലി​സ ഇ​റാ​സ്തി​നെ കാ​ണാ​ൻ പ​ട്ട​ണ​ത്തി​ലെ​ത്തും.

അ​വ​ർ പ​ര​സ്പ​രം പ്ര​ണ​യം പ​ങ്കു​വെ​ക്കും. ജീ​വി​ത​ത്തി​ൽ ഒ​രി​ക്ക​ലും ഒ​റ്റ​പ്പെ​ടു​ത്തി പോ​കി​ല്ല എ​ന്ന ഉ​റ​പ്പ് ഇ​റാ​സ്തി​ൽ നി​ന്നും ല​ഭി​ച്ച​ശേ​ഷ​മാ​ണ് ലി​സ അ​യാ​ളെ പ്ര​ണ​യി​ക്കു​ന്ന​ത്. എ​ന്നാ​ൽ, അ​ധി​കം വൈ​കാ​തെ ന​മു​ക്ക് പി​രി​യേ​ണ്ടി​വ​രു​മെ​ന്നും താ​ൻ പ​ട്ടാ​ള​ത്തി​ൽ ചേ​ർ​ന്ന് യു​ദ്ധ​ത്തി​ന് നി​യോ​ഗി​ക്ക​പ്പെ​ട്ടി​രി​ക്കു​ന്നു​വെ​ന്നും ഇ​റാ​സ്ത് ലി​സ​യെ അ​റി​യി​ക്കു​ന്നു. അ​ത്യ​ന്തം ഹൃ​ദ​യ​വേ​ദ​ന​യോ​ടെ അ​വ​ൾ അ​ത് അം​ഗീ​ക​രി​ക്കു​ന്നു. എ​ന്നെ​ങ്കി​ലും ഇ​റാ​സ്ത് മ​ട​ങ്ങി​വ​രും എ​ന്ന് ക​രു​തി അ​വ​ൾ ജീ​വി​തം ത​ള്ളി​നീ​ക്കു​ന്നു. ഇ​തി​നി​ടെ ഒ​രു ദി​വ​സം അ​മ്മ​ക്ക് മ​രു​ന്നു​വാ​ങ്ങാ​നാ​യി അ​വ​ൾ​ക്ക് മോ​സ്കോ ന​ഗ​ര​ത്തി​ലേ​ക്ക് പോ​കേ​ണ്ടി​വ​ന്നു. അ​വി​ടെ​വെ​ച്ച് അ​വ​ൾ അ​വി​ചാ​രി​ത​മാ​യി കു​തി​ര​വ​ണ്ടി​യി​ൽ​വ​ന്ന് വ​ലി​യൊ​രു കൊ​ട്ടാ​ര​ത്തി​ലേ​ക്ക് ക​യ​റി​പ്പോ​കു​ന്ന ഇ​റാ​സ്തി​നെ ക​ണ്ടു​മു​ട്ടു​ന്നു.

അ​യാ​ൾ അ​വ​ളെ ത​ന്റെ ഓ​ഫി​സ് മു​റി​യി​ലേ​ക്ക് കൂ​ട്ടി​ക്കൊ​ണ്ടു​പോ​കു​ന്നു. പ​ട്ടാ​ള​ത്തി​ൽ യു​ദ്ധ​ത്തി​ന് ചേ​ർ​ന്ന​തി​ന് പി​ന്നാ​ലെ ഇ​ത​ര പ​ട്ടാ​ള​ക്കാ​രു​മാ​യി ചൂ​താ​ട്ട​ത്തി​ൽ ഏ​ർ​പ്പെ​ട്ട് ത​ന്റെ സ്വ​ത്ത് മു​ഴു​വ​ൻ ന​ശി​ച്ചെ​ന്നും ജീ​വി​ക്കാ​ൻ ​അ​തി​സ​മ്പ​ന്ന​യും വി​ധ​വ​യു​മാ​യ ഒ​രു പ്ര​ഭ്വി​യെ വി​വാ​ഹം ക​ഴി​ച്ചു​വെ​ന്നും ഇ​റാ​സ്ത് ലി​സ​യെ അ​റി​യി​ക്കു​ന്നു. മ​ട​ങ്ങി​പ്പോ​കാ​ൻ ഇ​റാ​സ്ത് അ​വ​ൾ​ക്ക് നൂ​റ് റൂ​ബി​ളും ന​ൽ​കു​ന്നു. ഹൃ​ദ​യം ത​ക​ർ​ന്ന ലി​സ മ​ട​ങ്ങി​യെ​ത്തി പു​ഴ​യി​ൽ ചാ​ടി സ്വ​യം ഇ​ല്ലാ​താ​കു​ന്നു. വി​വ​ര​മ​റി​ഞ്ഞ് അ​വ​ളു​ടെ അ​മ്മ​യും ഹൃ​ദ​യം പൊ​ട്ടി മ​രി​ക്കു​ന്നു.

സാ​മൂ​ഹി​ക അ​തി​ർ​വ​ര​മ്പു​ക​ളെ വെ​ല്ലു​വി​ളി​ച്ചു​കൊ​ണ്ട് സ്നേ​ഹ​ത്തി​ന് സ്ഥാ​നം ഉ​റ​പ്പി​ക്കാ​ൻ ക​ഴി​യു​മോ​? എ​ന്ന ചോ​ദ്യ​വു​മാ​യാ​ണ് മാ​ർ​ക്ക്‌ റോ​സോ​വ്സ്ക്കി​യു​ടെ ‘പു​വ​ർ ലി​സ’ പ്രേ​ക്ഷ​ക​രി​ലേ​ക്ക് ക​ട​ന്നു​വ​ന്ന​ത്. നി​ക്കോ​ളാ​യ് ക​രം​സി​ന്റെ ‘ബെ​ഡ്‌​നെ​യാ ലി​സ’ എ​ന്ന നോ​വ​ല്ല​യു​ടെ പു​ന​രാ​വി​ഷ്കാ​ര​മാ​യ നാ​ട​കം പ്ര​ശ​സ്ത റ​ഷ്യ​ൻ സം​വി​ധാ​യ​ക​ൻ ജി. ​എ ടോ​വ്സ്റ്റോ​നോ​ഗോ​യു​ടെ ഓ​ർ​മ​ക്കാ​യു​ള്ള സ​മ​ർ​പ്പ​ണം കൂ​ടി​യാ​ണ്. സ​മൂ​ഹ​ത്തി​ലെ വ​ർ​ഗ അ​സ​മ​ത്വ​ത്തി​നെ​ക്കു​റി​ച്ച് നാ​ട​കം ച​ർ​ച്ച​ചെ​യ്യു​ന്നു. കാ​വ്യാ​ത്മ​ക​വും സം​ഗീ​ത​പ​ര​വു​മാ​യ ഘ​ട​ക​ങ്ങ​ൾ ഉ​പ​യോ​ഗി​ച്ച് പ്ര​ണ​യ​ത്തെ​യും വി​ശ്വാ​സ​വ​ഞ്ച​ന​യെ​യും വി​വി​ധ ഭാ​വ​ങ്ങ​ളി​ൽ നാ​ട​ക​ത്തി​ൽ അ​വ​ത​രി​പ്പി​ച്ചു.

പ​തി​നെ​ട്ടാം നൂ​റ്റാ​ണ്ടി​ലെ റ​ഷ്യ​ൻ കാ​ല​ഘ​ട്ട​ത്തി​ലെ വ​സ്ത്ര രീ​തി​ക​ൾ, സം​ഭാ​ഷ​ണ​ങ്ങ​ൾ തു​ട​ങ്ങി റ​ഷ്യ​യി​ലെ സം​സ്കാ​ര​ത്തെ​യും ജീ​വി​ത രീ​തി​ക​ളെ​യും പു​വ​ർ ലി​സ കാ​ണി​ക​ൾ​ക്ക് പ​രി​ച​യ​പ്പെ​ടു​ത്തി. റ​ഷ്യ​ൻ സാ​ഹി​ത്യ​ത്തി​ൽ നി​ല​നി​ന്നി​രു​ന്ന സെ​ന്റി​മെ​ന്റ​ലി​സ​ത്തി​ന്റെ ചി​ല ശ​ക​ല​ങ്ങ​ളും നാ​ട​ക​ത്തി​ൽ കാ​ണാം. പ്ര​ണ​യം, ധാ​ർ​മി​ക​ത, സ​ങ്കീ​ർ​ണ​മാ​യ മ​നു​ഷ്യ​ബ​ന്ധ​ങ്ങ​ൾ, സാ​മൂ​ഹി​ക​വും വ​ർ​ഗ​പ​ര​വു​മാ​യ സാ​ഹ​ച​ര്യ​ങ്ങ​ൾ എ​ന്നി​വ​യെ മു​ൻ​നി​ർ​ത്തി​ക്കൊ​ണ്ട് അ​വ​ത​രി​പ്പി​ച്ച ‘പു​വ​ർ ലി​സ’ ഇ​റ്റ്ഫോ​ക്ക് വേ​ദി​യി​ൽ പ്രേ​ക്ഷ​ക​ർ​ക്ക് വ്യ​ത്യ​സ്ത അ​നു​ഭ​വ​മാ​യി.