മഴ തീർത്തു, ദുരിതങ്ങൾ

ചാത്തൻകുളങ്ങര പാടശേഖരം മുങ്ങി; കർഷകർ ദുരിതത്തിൽ

കാ​ഞ്ഞാ​ണി: മ​ഴ​യി​ൽ മ​ണ​ലൂ​ർ ചാ​ത്ത​ൻ​കു​ള​ങ്ങ​ര പാ​ട​ശേ​ഖ​രം മു​ങ്ങി ക​ർ​ഷ​ക​ർ ദു​രി​ത​ത്തി​ൽ. 50 ഏ​ക്ക​റി​ലു​ള്ള പാ​ട​ശേ​ഖ​ര​ത്തെ നെ​ൽ​കൃ​ഷി​യാ​ണ് വെ​ള്ള​ത്തി​ന​ടി​യി​ലാ​യ​ത്. എ​ട്ട് ദി​വ​സ​മാ​യ നെ​ൽ​ചെ​ടി​ക​ളാ​യി​രു​ന്നു. ഇ​തു​മൂ​ലം ക​ർ​ഷ​ക​ർ​ക്ക് 15 ല​ക്ഷം രൂ​പ​യു​ടെ ന​ഷ്ട​മാ​ണ് സം​ഭ​വി​ച്ച​ത്.

പാ​ലാ​ഴി ചീ​പ്പു​വ​ഴി അ​ടി​യ​ന്ത​ര ഘ​ട്ട​ങ്ങ​ളി​ൽ വെ​ള്ളം പു​ഴ​യി​ലേ​ക്ക് ഒ​ഴു​ക്കി​വി​ടാ​ൻ ക​ഴി​യാ​ത്ത​തും കൃ​ഷി​നാ​ശ​ത്തി​ന് കാ​ര​ണ​മാ​യി. വ​ർ​ഷ​ങ്ങ​ളാ​യി പു​ഴ​യി​ൽ​നി​ന്ന് ഉ​പ്പു​വെ​ള്ളം ക​യ​റാ​തി​രി​ക്കാ​നും കൃ​ഷി ചെ​യ്യു​ന്ന​തി​ന് പാ​ട​ശേ​ഖ​ര​ങ്ങ​ളി​ൽ വെ​ള്ളം കെ​ട്ടി നി​ർ​ത്താ​നു​മാ​യി ചി​പ്പി​നു​ള്ളി​ൽ പ​ല​ക നി​ര​ത്തി മ​ണ്ണി​ട്ട് നി​ക​ത്തി​യാ​ണ് ചീ​പ്പ് അ​ട​ക്കു​ന്ന​ത്.

അ​തി​നാ​ൽ ഇ​തു​പോ​ലെ അ​ടി​യ​ന്ത​ര ഘ​ട്ട​ങ്ങ​ളി​ൽ ഓ​ടി​ച്ചെ​ന്ന് ചീ​പ്പ് തു​റ​ന്ന് വെ​ള്ളം ഒ​ഴു​ക്കി​വി​ടാ​ൻ ക​ഴി​യാ​ത്താ​വ​സ്ഥ​യാ​ണു​ള്ള​ത്. ചാ​ത്ത​ൻ​കു​ള​ങ്ങ​ര പാ​ട​ശേ​ഖ​ര നെ​ല്ല് ഉ​ൽ​പാ​ദ​ക​സ​മി​തി പ്ര​സി​ഡ​ൻ​റ് സൂ​ര്യ​ൻ പൂ​വ്വ​ശ്ശേ​രി സ​മി​തി അം​ഗ​ങ്ങ​ളാ​യ സു​ജി​ത്ത് പ​ണ്ടാ​ര​ൻ, ഇ​നാ​ശു മാ​സ്റ്റ​ർ, ആ​ൻ​റ​ണി, ആ​ന്റോ എ​ന്നി​വ​രു​ടെ നേ​തൃ​ത്വ​ത്തി​ൽ ക​ർ​ഷ​ക​രും തൊ​ഴി​ലാ​ളി​ക​ളും വ​ള​രെ​ബു​ദ്ധി​മു​ട്ടി​യാ​ണ് ചീ​പ്പു​നു​ള്ളി​ലെ മ​ണ്ണും പ​ല​ക​യും നീ​ക്കം​ചെ​യ്ത് പു​ഴ​യി​ലേ​ക്ക് വെ​ള്ളം ഒ​ഴു​ക്കി​വി​ടാ​ൻ ക​ഴി​ഞ്ഞ​ത്.

ഇ​തി​നൊ​രു​പ​രി​ഹാ​ര​മാ​യി 2020ൽ ​മു​ര​ളി പെ​രു​ന്നെ​ല്ലി എം.​എ​ൽ.​എ​യു​ടെ വി​ക​സ​ന ഫ​ണ്ടു​പ​യോ​ഗി​ച്ച് ഫ​യ്ബ​ർ ഷ​ട്ട​ർ അ​നു​വ​ദി​ച്ചു​ത​രാ​മെ​ന്ന് പ​റ​ഞ്ഞ​താ​യും എ​ന്നാ​ൽ, ഇ​തു​വ​രെ ന​ട​പ​ടി​യും ഉ​ണ്ടാ​യി​ട്ടി​ല്ലെ​ന്ന് ക​ർ​ഷ​ക​ർ പ​റ​ഞ്ഞു. ഉ​പ്പു​വെ​ള്ളം ക​യ​റാ​തി​രി​ക്കാ​ൻ താ​ൽ​ക്കാ​ലി​ക​മാ​യി ചീ​പ്പ് അ​ട​ക്കു​ന്ന​തി​ന് വ​ൻ തു​ക​യാ​ണ് ചെ​ല​വ​ഴി​ക്കേ​ണ്ടി വ​രു​ന്ന​ത്. നെ​ൽ​കൃ​ഷി നി​ല​നി​ർ​ത്തി പോ​കു​ന്ന​തി​ന് സ​ർ​ക്കാ​ർ ത​ല​ത്തി​ൽ സ​ഹാ​യ​ങ്ങ​ൾ അ​നു​വ​ദി​ച്ചു​ത​ര​ണ​മെ​ന്ന് ക​ർ​ഷ​ക​ർ ആ​വ​ശ്യ​പ്പെ​ട്ടു.

കോൾ വെട്ടിക്കടവ് മേഖലയിൽ വ്യാപക കൃഷി നാശം

കുന്നംകുളം: മേഖലയിലുണ്ടായ കനത്ത മഴയിൽ പൊന്നാനി കോൾ മേഖലയിൽ കൃഷി നാശം. പറിച്ചു നട്ടതും നടനായതുമായ ഞാറ് മുഴുവൻ വെള്ളം കയറി നശിച്ചു. വെട്ടിക്കടവിലെ 300 ഏക്കർ മുഴുവനായും, മങ്ങാട് പാടത്തെ നടീൽ കഴിഞ്ഞത് ഭാഗികമായും, കമ്പനിക്കുണ്ട് പടവ് ഭാഗം പൂർണമായും വെള്ളത്തിനടിയിലായി. നടീൽ തുടങ്ങി രണ്ട് ദിവസം കഴിഞ്ഞപ്പോഴാണ് മഴ ആരംഭിച്ചത്.

പൊന്നാനി ബിയ്യം കായൽ പൂർണ്ണമായും തുറന്നെങ്കിലും കരിച്ചാൽകടവ് പാലം പണി നടക്കുന്നതിനാൽ വെള്ളത്തിന്‍റെ ഒഴുക്ക് കുറവായി. പാടശേഖരങ്ങളിൽ നിന്നും വെള്ളം പമ്പ് ചെയ്യുന്നുണ്ടെങ്കിലും നൂറടി തോട് നിറഞ്ഞു കവിഞ്ഞിരിക്കുകയാണ്. ഇനി വെള്ളം വറ്റിയാലും ഞാറ് പറിച്ചു നടുവാൻ കഴിയുമോയെന്ന ആശങ്കയും കർഷകർക്കുണ്ട്. വെള്ളം വറ്റിക്കാൻ ഏകദേശം പത്ത് ദിവസമെങ്കിലും വേണ്ടി വരും.

നടീൽ കഴിയാത്തതിനാൽ കർഷകർക്ക് വിള ഇൻഷുറൻസും ലഭിക്കുകയില്ല. മേൽഭാഗത്ത് കുതിരവേലപ്പാടം, ചിറളയം, കക്കാട് ഭാഗങ്ങളിൽ കൊയ്യുവാൻ പാകമായ നെല്ലിലും വെള്ളം കയറി. എല്ലാ കർഷക സമിതി ഭാരവാഹികളും കർഷകരും ചേർന്ന് വെള്ളം വറ്റിച്ച് എത്രയും വേഗം കൃഷി തുടങ്ങുവാനുള്ള തീവ്രശ്രമത്തിലാണ്. ഇല്ലാത്ത പക്ഷം ലക്ഷങ്ങളുടെ നഷ്ടവും ഉണ്ടാകും.