അവധിദിനങ്ങളിൽ 278 കാർഡുകളിൽ റേഷൻകൊള്ള

തൃശൂർ: അവധിദിവസങ്ങളിൽ ജില്ലയിൽ റേഷൻമാഫിയ തട്ടിയെടുത്തത്​ 278 കാർഡുകളിലെ റേഷൻവിഹിതം. ഒാരോ കാർഡിനും 10 കിലോ സ്​പെഷൽ അരിയടക്കം ​ഒാണത്തിനായി നൽകിയതിൽനിന്നാണ്​ അവധിദിവസങ്ങളിൽ ഇ^പോസ്​ പ്രവർത്തിപ്പിച്ച്​ വിഹിതം തട്ടിയത്​.

എന്നാൽ, എത്ര അളവ്​ റേഷൻവസ്​തുക്കൾ തട്ടിയെടുത്തുവെന്നതിൽ കൃത്യം കണക്കുകൾ ഇതുവരെ ലഭ്യമല്ലെന്ന്​ ജില്ല സപ്ലൈ ഒാഫിസർ വ്യക്തമാക്കി. താലൂക്ക്​ സപ്ലൈ ഒാഫിസർമാരോട്​ ഇതുസംബന്ധിച്ച റിപ്പോർട്ട്​ ആവശ്യപ്പെട്ടിട്ടുണ്ട്​. ഒരുമാസത്തിനകം റിപ്പോർട്ട്​ ലഭിക്കുമെന്ന്​ പ്രതീക്ഷിക്കുന്നതായും അദ്ദേഹം വ്യക്തമാക്കി.

ആഗസ്​റ്റ്​ 31, സെപ്​റ്റംബർ ഒന്ന്​, രണ്ട്​ തീയതികളിലാണ്​ സംസ്​ഥാനത്താകെ സംഘടിതമായി റേഷൻകൊള്ള നടത്തിയത്​. എന്നാൽ, ജില്ലയിൽ തിരുവോണനാളായ 31ന്​ ഇ^പോസ്​ മെഷീൻ ആരും പ്രവർത്തിപ്പിച്ചിട്ടില്ല. തുടർന്നുള്ള രണ്ടു ദിവസങ്ങളിലാണ്​ വ്യാപകമായ തിരിമറി നടന്നിട്ടുള്ളത്​.

നേരത്തെയും ഇത്തരത്തിൽ റേഷൻവിഹിതം അവധിദിനങ്ങളിൽ എഴുതിയെടുക്കൽ പതിവാണ്​. ഒന്നാം തീയതി ആറ്​ കാർഡുകളിൽനിന്നാണ്​ മാന്വലായി റേഷൻവിഹിതം കടക്കാർ എഴുതിയെടുത്തത്​. ചാലക്കുടി താലൂക്കിൽനിന്ന്​ നാലും തലപ്പള്ളിയിൽനിന്ന്​ രണ്ടും അടക്കമാണിത്​. ബാക്കി 272 കാർഡുകളിലെയും റേഷൻവിഹിതം തട്ടിയെടുത്തത്​ രണ്ടാം തീയതിയാണ്​. ഇതിൽത​െന്ന തൃശൂർ താലൂക്കിൽനിന്ന്​ 121 കാർഡുകളിലെ റേഷനാണ്​ കടക്കാർ സ്വന്തമാക്കിയത്​.

അധികവും നഗരപ്രദേശമായ തൃശൂരിൽ ചുരുക്കം ആളുകളാണ്​ റേഷൻ വാങ്ങുന്നത്​. അതുകൊണ്ടുതന്നെയാണ്​ തൃശൂർ താലൂക്കിൽ വ്യാപക വെട്ടിനിരത്തിൽ ഉണ്ടായത്​. ചാലക്കുടി താലൂക്കിലെ 78 കടകളിലെയും റേഷൻ രണ്ടാം തീയതി എഴുതി എടുത്തിട്ടുണ്ട്​. ഒന്നും രണ്ടും തീയതികളിലായി 82 കാർഡുകളിലെ അരിയാണ്​ കരിഞ്ചന്തയിലേക്ക്​ പോയത്​. തലപ്പള്ളിയിൽ ഒന്നാം തീയതി രണ്ടു കാർഡുകൾക്ക്​ പുറമേ രണ്ടിന്​ 17 കാർഡുകളിലെ അരിയും മാഫിയ സ്വന്തമാക്കി. മുകുന്ദപുരം താലൂക്കിൽനിന്ന്​ എട്ടും ചാവക്കാട്​ ആറും കൊടുങ്ങല്ലൂരിൽ നാലും റേഷൻകാർഡുകളിൽനിന്ന്​ റേഷൻവിഹിതം തട്ടിയെടുത്തു.

ഇക്കാര്യത്തിൽ നേരത്തെ പലകുറി ഇത്തരത്തിൽ ഇടപെടലുകൾ നടന്നിട്ടുണ്ട്​. അതുകൊണ്ടുതന്നെ ഉദ്യോഗസ്​ഥസഹായം ഇക്കൂട്ടർക്കു​േണ്ടാ എന്നകാര്യവും അന്വേഷിക്കേണ്ടതുണ്ട്​. മരിച്ചുപോയ കാർഡുകളിലേതടക്കം റേഷൻവിഹിതം പലകുറി തട്ടിയെടുത്തിട്ടും നടപടി സ്വീകരിക്കാത്ത പൊതുവിതരണ വകുപ്പുതന്നെയാണ്​ ഇത്തരം അഴിമതിക്ക്​ റേഷൻ മാഫിയക്ക്​ കൂട്ടാവുന്നത്​.

വിവിധ മാഫിയ ഇടപാടുകളിൽ പ്രതിയായവർക്ക്​ പിഴയും സസ്​പെൻഷനും അടക്കം വിധിച്ചിട്ടും നടപ്പാകാതെ പോകുന്നത്​ രാഷ്​ട്രീയ ഇടപെടൽമൂലമാണ്​. കൃത്യമായ നടപടി സ്വീകരിച്ചാൽ മാത്രമേ ഇത്തരക്കാരെ പൊതുവിതരണ സംവിധാനത്തിൽനിന്ന്​ ഒഴിവാക്കാനാവൂ.

അതിന്​ ആർജവമുള്ള ഉദ്യോഗസ്​ഥരും ജനസേവനതൽപരരായ ജനപ്രതിനിധികളും വേണ്ടതുണ്ട്​. ആറുമാസമായി റേഷൻ വാങ്ങാത്ത എല്ലാവിഭാഗം കാർഡുകളിലെയും ആളുകളെ റേഷൻ സംവിധാനത്തിൽനിന്ന്​ പുറത്താക്കിയാൽ തീരുന്ന പ്രശ്​നം മാത്രമാണിത്​​.

റേഷൻ ഗുണഭോക്​താക്കളായ അ​േന്ത്യാദയ, മുൻഗണന വിഭാഗങ്ങളെ മാത്രം റേഷൻ വാങ്ങാത്തതിനാൽ പുറത്താക്കുന്ന സാഹചര്യം ഇല്ലാതാക്കണം. സബ്​സിഡി വിഹിതത്തിന്​ അർഹരല്ലാത്ത എന്നാൽ, റേഷൻ ലഭിക്കുന്ന നീല, വെള്ള കാർഡ്​ ഉടമകളും അരി വാങ്ങാതെ വന്നാൽ പുറത്താക്കുന്ന സാഹചര്യം ഉണ്ടായാൽ അരി വാങ്ങാത്തവരായി ആരുംതന്നെ ഉണ്ടാവില്ല.