ഭക്ഷ്യയോഗ്യമല്ല; റേഷൻ കടലയും പരിശോധനക്ക് അയച്ചു

മണ്ണുത്തി: സൗജന്യ റേഷൻ അരിക്കു പിന്നാലെ കേന്ദ്ര സർക്കാർ സൗജന്യമായി വിതരണം ചെയ്യാൻ അനുവദിച്ച കടലക്കും ഗുണനിലവാരമില്ല. മണ്ണുത്തി ഡി.ഡി പടിയിലെ 40 നമ്പർ റേഷൻകടയിൽ വിതരണം ചെയ്യാൻ അനുവദിച്ച കടല ഗുണ നിലാവാരവും ഭക്ഷ്യയോഗ്യമ​െല്ലന്ന നാട്ടുകാരുടെ പരാതിയിൽ ജില്ല ഭക്ഷ്യ സുരക്ഷ ഓഫിസർ രേഖ ​േറഷൻകടയിൽ പരിശോധന നടത്തി. ആറു ചാക്കിൽ നിന്ന് കടല സാമ്പിൾ ശേഖരിച്ച് ഭക്ഷ്യസുരക്ഷ ലാബിലേക്ക്​ പരിശോധനക്ക് അയച്ചു. പരിശോധന ഫലം വരുന്നത് വരെ കടല വിൽക്കരുതെന്ന്​ കടക്കാരന് നിർദേശം നൽകി.

കഴിഞ്ഞ മാസം മുല്ലക്കരയിലെ റേഷൻ കടയിലേക്ക് കേന്ദ്ര സർക്കാർ അനുവദിച്ച സൗജന്യമായി വിതരണം നടത്താൻ സപ്ലൈകോ കൊണ്ടുവന്ന 87 ചാക്ക്​ റേഷനരിയിൽ ചെള്ള്​ കണ്ടെത്തിയിരുന്നു. ഭക്ഷ്യ സുരക്ഷാ വകുപ്പ് നടത്തിയ പരിശോധനയിൽ ഭക്ഷ്യയോഗ്യമല്ല എന്ന് തെളിഞ്ഞിരുന്നു. സപ്ലൈകോ വാതിൽപ്പടി വഴി റേഷൻകടളിൽ വിതരണം നടത്തുന്ന ഭക്ഷ്യ വസ്തുക്കളിൽ തൂക്കം കുറവും സ്​ഥിരമാണ്​. റേഷൻ വസ്​തുക്കൾ തൂക്കി കടകൾക്ക്​ നൽകണമെന്ന ഭക്ഷ്യ ഭദ്രതാ നിയമം കേരളത്തിൽ എവി​െടയും പാലിക്കുന്നില്ല.

വാതിൽപടി വിതരണത്തിനായി പുതിയ കരാർ വിളിച്ചുവെങ്കിലും ഇക്കാര്യം പ്രധാന മാനദണ്ഡമായി വന്നിട്ടില്ല. അതിനിടെ ഇ-ടെൻഡർ നടപടി കോടതി കയറുകയും ചെയ്​തു. റേഷൻ വിതരണത്തിന്​ ജില്ലയിൽ മാഫിയകളും ബിനാമികളും അരങ്ങുവാഴുന്നതാണ്​ കാര്യങ്ങൾ കുഴയാൻ ഇടയാവുന്നത്​. ഇവർക്ക്​ ചൂട്ടു പിടിക്കുന്ന ഉ​ദ്യോഗസ്​ഥരും കൂട്ടത്തിലുണ്ട്​.