തൃശൂർ മെഡിക്കൽ കോളജിലെ കോവിഡിതര രോഗികളെ മാറ്റാമെന്ന്​ ശിപാർശ

തൃശൂർ: ഗവ. മെഡിക്കൽ കോളജിലെ ​േകാവിഡിതര രോഗികളെ സ്വകാര്യ ആശുപത്രികളിലേക്ക്​ മാറ്റാമെന്ന്​ ശിപാർശ. ഇതിന്​ വേണ്ട സൗകര്യം ഒരുക്കാമെന്ന്​ മെഡിക്കൽ കോളജിന്​ നിർദേശം ലഭിച്ചു.

ഇതുപ്രകാരം ഓ​ങ്കോളജി വിഭാഗത്തിലെ രോഗികളെ സ്വകാര്യ മെഡിക്കൽ കോളജിലേക്ക്​ മാറ്റുന്നത്​ സംബന്ധിച്ച്​ ചർച്ച നടന്നതായാണ്​ വിവരം. എന്നാൽ, ഒരു വിഭാഗത്തിലെയും ആരേയും ഇപ്പോൾ മാറ്റുന്ന പ്രശ്​നമില്ലെന്നും ത​െൻറ തീരുമാനമില്ലാതെ അത്​ സാധ്യമല്ലെന്നും ഗവ. മെഡിക്കൽ കോളജ്​ പ്രിൻസിപ്പൽ ഡോ. എം.എ. ആ​ൻഡ്രൂസ്​ 'മാധ്യമ'ത്തോട്​ പറഞ്ഞു.

അർബുദരോഗികൾക്കായി സ്വകാര്യ മെഡിക്കൽ കോളജിൽ 200 കിടക്ക ഒരുക്കാമെന്നും അത്രയും പേരെ ഗവ. മെഡിക്കൽ കോളജിൽനിന്ന്​ അവിടേക്ക്​ മാറ്റിയാൽ മെഡിക്കൽ കോളജിൽ കോവിഡ്​ ചികിത്സക്ക്​ കൂടുതൽ സ്ഥലം ഒരുക്കാമെന്നുമാണ്​ ശിപാർശ ഉണ്ടായതെന്നാണ്​ വിവരം. ഇതിന്​ പകരമായി ​ഗവ. മെഡിക്കൽ കോളജിലെ കോവിഡ്​ ചികിത്സ കേന്ദ്രത്തിലേക്ക്​ അമലയിൽനിന്ന്​ ഡോക്​ടറും നഴ്​സും അടക്കമുള്ള കുറച്ച്​ പേരുടെ സേവനം വിട്ടുനൽകാൻ സ്വകാര്യ മെഡിക്കൽ കോളജ്​ സന്നദ്ധതയും അറിയിച്ചുവത്രെ.

നിർദേശം ​ഗവ. മെഡിക്കൽ കോളജിലെ ഓ​ങ്കോളജി വിഭാഗത്തി​െൻറ ശ്രദ്ധയിലേക്ക്​ ബന്ധപ്പെട്ടവർ കൊണ്ടുവന്നെങ്കിലും പ്രായോഗികമായി ഏറെ സങ്കീർണവും രോഗികൾക്ക്​ കടുത്ത പ്രയാസം ഉണ്ടാക്കുന്നതുമാണെന്നാണ്​ ചർച്ചയിൽ ഉയർന്ന വികാരം. ഫെബ്രുവരി മുതൽ ഈമാസം വരെ ഗവ. മെഡിക്കൽ കോളജ്​ ഓ​ങ്കോളജി വിഭാഗത്തിൽ കിടത്തി ചികിത്സ ആവശ്യമുള്ള 30,000ലധികം രോഗികളുണ്ട്​.

ഈമാസം മാത്രം ഇതുവരെ 3,000 പേരാണുള്ളത്​. ഒ.പിയിൽ 45,000ൽ അധികവും കീമോതെറാപ്പിക്ക്​ 20,000ൽ അധികവും കൊബൾട്ടിന്​ പതിനായിരത്തോളവും രോഗികൾ ഈ മാസങ്ങളിൽ ഗവ. മെഡിക്കൽ കോളജിനെ ആശ്രയിക്കുന്നുണ്ട്​. തുടർച്ച ആവശ്യപ്പെടുന്ന ചികിത്സയായതിനാൽ ഇടക്കാലത്ത്​ ഇത്തരത്തിലുള്ള മാറ്റം രോഗികളെ പ്രയാസത്തിലാക്കും.

മാത്രമല്ല, ഗവ. മെഡിക്കൽ കോളജിൽ ചികിത്സ തേടുന്നവർ ഒരു സ്വകാര്യ സംവിധാനത്തിലേക്ക്​ ചികിത്സയുടെ മധ്യത്തിലോ പൂർത്തിയാകുന്ന ഘട്ടത്തിലോ മാറാൻ സന്നദ്ധരാവില്ല. നിർബന്ധിതാവസ്ഥ വന്നാൽ ചികിത്സയിൽനിന്ന്​ പിന്മാറുന്ന സ്ഥിതിയും വന്നേക്കാം.

ക​ീമോ ആവശ്യമുള്ളവർ സ്വകാര്യ മെഡിക്കൽ കോളജിൽ എത്തു​േമ്പാൾ അവരുടെ ഫയൽ വിവരം അന്നന്ന്​ ഗവ. മെഡിക്കൽ കോളജിൽനിന്ന്​ അറിയിക്കാമെന്ന നിർദേശമാണത്രെ ഉയർന്നത്​. ഇതിന്​ വരുന്ന കാലതാമസം രോഗിക്ക്​ നിശ്ചിത ദിവസം കീമോ ലഭിക്കാതിരിക്കാൻ കാരണമായേക്കും. രോഗികളെ മാറ്റുന്നതിന്​ പകരം സ്വകാര്യ മെഡിക്കൽ കോളജിൽ കോവിഡ്​ ചികിത്സ കേന്ദ്രം തുടങ്ങുകയാവും ഭേദമെന്ന മറുവാദം ഉയരുന്നുണ്ട്​.