ഭാ​ഷ​ക​ൾ​ക്ക​പ്പു​റം സ​ഞ്ച​രി​ച്ച് നാ​ട​ക​ത്തെ അ​ടു​ത്ത​റി​ഞ്ഞ് രേ​ണു രാ​മ​നാ​ഥ​ൻ

തൃ​ശൂ​ർ: ഒ​രു കാ​ല​ഘ​ട്ട​ത്തി​ന്റെ ച​രി​ത്രം പ​റ​യു​ന്ന​വ മാ​ത്ര​മ​ല്ല നാ​ട​ക​ങ്ങ​ൾ, കാ​ല​ത്തി​ന് മു​ന്നേ സ​ഞ്ച​രി​ക്കാ​ൻ ക​ഴി​യു​ന്ന പ്ര​വ​ച​ന ശേ​ഷി​യു​ള്ള ക​ല​യാ​ണ​ത്. 14 വ​ർ​ഷ​മാ​യി വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള സ​മ​കാ​ലി​ക പ്ര​സ​ക്തി​യു​ള്ള നാ​ട​ക​ങ്ങ​ൾ മ​ല​യാ​ളി​ക​ൾ​ക്ക് പ​രി​ച​യ​പ്പെ​ടു​ത്തു​ന്ന​ത് സം​ഗീ​ത നാ​ട​ക അ​ക്കാ​ദ​മി ന​ട​ത്തു​ന്ന അ​ന്താ​രാ​ഷ്ട്ര നാ​ട​കോ​ത്സ​വ​മാ​ണ്.

എ​ന്നാ​ൽ വി​ദേ​ശ നാ​ട​ക​ങ്ങ​ൾ ഉ​ൾ​പ്പെ​ടെ​യു​ള്ള മ​റ്റ് ഭാ​ഷാ നാ​ട​ക​ങ്ങ​ൾ​ക്ക് മ​ല​യാ​ളി​യു​ടെ മ​ന​സ്സി​ൽ ഇ​ടം​നേ​ടാ​ൻ ക​ട​മ്പ ഏ​റെ​യാ​യി​രു​ന്നു. ഭാ​ഷാ​പ​ര​മാ​യ പ്ര​ശ്ന​ങ്ങ​ളാ​ണ് ഏ​റ്റ​വും മു​ഖ്യ​മാ​യി​യു​ന്ന​ത്. അ​ന്യ​ഭാ​ഷ നാ​ട​ക​ങ്ങ​ൾ ക​ണ്ട് ആ​സ്വ​ദി​ക്കാ​ൻ ക​ഴി​യാ​തെ ഇ​റ​ങ്ങി​പ്പോ​കു​ന്ന​വ​രെ ക​ണ്ട​പ്പോ​ഴാ​ണ് അ​ക്കാ​ദ​മി 2017ലെ ​ഇ​റ്റ്ഫോ​ക് മു​ത​ൽ മ​റ്റ് ഭാ​ഷ​ക​ൾ​ക്ക് മ​ല​യാ​ള​ത്തി​ൽ സ​ബ്ടൈ​റ്റി​ലു​ക​ൾ ഉ​പ​യോ​ഗി​ക്കാ​ൻ ആ​രം​ഭി​ച്ച​ത്. മാ​ധ്യ​മ​പ്ര​വ​ർ​ത്ത​ക​യാ​യി​രു​ന്ന രേ​ണു രാ​മ​നാ​ഥ​ൻ എ​ന്ന പേ​ര് ഇ​റ്റ്ഫോ​ക്കി​ൽ ഉ​യ​ർ​ന്നു​കേ​ട്ട​ത് അ​ന്ന് മു​ത​ലാ​ണ്.

ഇ​രി​ഞ്ഞാ​ല​ക്കു​ട​യി​ൽ ജ​നി​ച്ച അ​വ​ർ മാ​ധ്യ​മ​രം​ഗ​ത്ത് പ്ര​വ​ർ​ത്തി​ച്ചി​രു​ന്ന കാ​ല​ത്താ​ണ് ക​ല​യി​ലേ​ക്കും നാ​ട​ക​ത്തി​ലേ​ക്കും എ​ത്തു​ന്ന​ത്. അ​ന്ന് മു​ത​ലേ ക​ലാ-​സാം​സ്‌​കാ​രി​ക വാ​ർ​ത്ത​ക​ൾ ത​യാ​റാ​ക്കു​ന്ന​തു​മാ​യി ബ​ന്ധ​പ്പെ​ട്ട് നാ​ട​ക​രം​ഗ​ത്ത് സ​ജീ​വ​മാ​യി​രു​ന്നു. 1998ൽ ​ന​ട​ന്ന ദേ​ശീ​യ വ​നി​ത നാ​ട​കോ​ത്സ​വ​ത്തി​ലൂ​ടെ നാ​ട​ക​ത്തെ ജീ​വി​ത​ത്തി​ന്റെ ഭാ​ഗ​മാ​ക്കു​ക​യും ചി​ത്ര​കാ​ര​നാ​യ ഭ​ർ​ത്താ​വ് രാ​ജ​ൻ കൃ​ഷ്ണ​നോ​ടൊ​പ്പം അ​ന​വ​ധി വേ​ദി​ക​ൾ ഒ​രു​ക്കു​ന്ന​തി​ൽ പ​ങ്കാ​ളി​യാ​കു​ക​യും ചെ​യ്തു.

2017 മു​ത​ൽ ഇ​റ്റ്ഫോ​ക്കി​ൽ നാ​ട​ക​ങ്ങ​ൾ​ക്ക് സ​ബ്ടൈ​റ്റി​ലു​ക​ൾ ന​ൽ​കു​ന്ന​ത് രേ​ണ​വും സം​ഘ​വു​മാ​ണ്. നാ​ട​കോ​ത്സ​വം തു​ട​ങ്ങു​ന്ന​തി​ന് മാ​സ​ങ്ങ​ൾ​ക്ക് മു​മ്പ് ത​ന്നെ പ്ര​വ​ർ​ത്ത​ന​മാ​രം​ഭി​ക്കും. ചി​ല നാ​ട​ക സം​ഘ​ങ്ങ​ളു​ടെ ഭാ​ഷ മ​ന​സ്സി​ലാ​ക്കു​വാ​ൻ ഏ​റെ ശ്ര​മ​ക​ര​വു​മാ​ണ്.

അ​തി​നാ​ൽ ത​ന്നെ ആ​ശ​യ​ത​ല​ങ്ങ​ളി​ൽ ഒ​ട്ട​ന​വ​ധി വ്യ​ത്യാ​സ​ങ്ങ​ൾ ഉ​ണ്ടാ​കു​ന്നു​ണ്ടെ​ന്നും അ​വ​ർ പ​റ​ഞ്ഞു. ഇ​പ്പോ​ൾ ന​ട​ക്കു​ന്ന അ​ന്താ​രാ​ഷ്ട്ര നാ​ട​കോ​ത്സ​വ​ത്തി​ൽ ‘അ​പ​ത്രി​ദാ​സ്’ എ​ന്ന ബ്ര​സീ​ലി​യ​ൻ മോ​ണൊ​ലോ​ഗ് നാ​ട​ക​ത്തി​ന്റെ പ​രി​ഭാ​ഷ​യാ​ണ് ഏ​റ്റ​വും ക​ഠി​ന​മാ​യി​രു​ന്ന​തെ​ന്നും രേ​ണു പ​ങ്കു​വ​ച്ചു.