ധർമനും കുടുംബവും അന്തിയുറങ്ങുന്നത് ചോർന്നൊലിക്കുന്ന കുടിലിൽ

ത​ളി​ക്കു​ളം: പ്ര​ള​യ​ത്തി​ൽ ന​ശി​ച്ച ഓ​ല​പ്പു​ര കെ​ട്ടി​മേ​ഞ്ഞെ​ങ്കി​ലും മ​ത്സ്യ​ത്തൊ​ഴി​ലാ​ളി​യാ​യ ധ​ർ​മ​നും പെ​ൺ​മ​ക്ക​ളു​മ​ട​ങ്ങു​ന്ന കു​ടും​ബം അ​ന്തി​യു​റ​ങ്ങു​ന്ന​ത് ചോ​ർ​ന്നൊ​ലി​ക്കു​ന്ന ടാ​ർ​പ്പാ​യ വി​രി​ച്ച കു​ടി​ലി​ൽ. ദ​ലി​ത് വി​ഭാ​ഗ​ത്തി​ൽ​പെ​ട്ട കു​റു​പ്പ​ൻ പു​ര​യ്ക്ക​ൽ ധ​ർ​മ​ൻ പ​ത്ത് വ​ർ​ഷം മു​മ്പാ​ണ് ത​ളി​ക്കു​ളം മു​റ്റി​ച്ചൂ​ർ പാ​ല​ത്തി​ന് സ​മീ​പം മൂ​ന്ന് സെ​ന്റ് സ്ഥ​ലം വാ​ങ്ങി കു​ടി​ൽ കെ​ട്ടി താ​മ​സം തു​ട​ങ്ങി​യ​ത്. ഭാ​ര്യ ക​ന​ക​യും ര​ണ്ട് പെ​ൺ​മ​ക്ക​ളും മ​ക​നു​മ​ട​ങ്ങു​ന്ന​താ​ണ് കു​ടും​ബം.

ധ​ർ​മ​ൻ ക​ട​ലി​ലും ക​നോ​ലി പു​ഴ​യി​ലും മ​ത്സ്യം പി​ടി​ച്ചാ​ണ് ക​ഴി​ഞ്ഞി​രു​ന്ന​ത്. ഇ​തി​നി​ട​യി​ൽ ഒ​രു മ​ക​ൾ ഷാ​ലി​യു​ടെ വി​വാ​ഹം ന​ട​ത്തി. 2018ലെ ​പ്ര​ള​യ​കാ​ല​ത്ത് പ്ര​ദേ​ശ​ത്തെ വീ​ടു​ക​ൾ മു​ങ്ങി​യ​തോ​ടെ ഇ​വ​ർ ക്യാ​മ്പി​ലേ​ക്ക് താ​മ​സം മാ​റ്റി. വെ​ള്ള​മൊ​ഴി​ഞ്ഞ് ക്യാ​മ്പ് വി​ട്ടു​വ​ന്നെ​ങ്കി​ലും കൂ​ര നി​ലം പൊ​ത്തി​യി​രു​ന്നു. വീ​ട് നി​ർ​മി​ക്കാ​ൻ ബ​ന്ധ​പ്പെ​ട്ട​വ​ർ​ക്ക് അ​പേ​ക്ഷ ന​ൽ​കി​യെ​ങ്കി​ലും ത​ഴ​യ​പ്പെ​ട്ടു. ഇ​തോ​ടെ പി​ന്നീ​ട് ഓ​ല കെ​ട്ടി ഇ​വി​ടെ ത​ന്നെ താ​മ​സം തു​ട​ർ​ന്നു.

ധ​ർ​മ​നെ സ​ഹാ​യി​ക്കാ​ൻ ഭാ​ര്യ ക​ന​ക​യും വ​ള്ള​ത്തി​ൽ പോ​യാ​യി​രു​ന്നു പു​ഴ​യി​ൽ മീ​ൻ​പി​ടി​ത്തം. ഭാ​ര്യ വ​ള്ളം തു​ഴ​യും. ധ​ർ​മ​ൻ വ​ല വി​രി​ക്കും. ഇ​തി​നി​ടെ നെ​ഞ്ചു​വേ​ദ​ന അ​നു​ഭ​വ​പ്പെ​ട്ട് ധ​ർ​മ​ൻ ആ​ശു​പ​ത്രി​യി​ലാ​യി. ഭാ​ര്യ​ക്ക് കാ​ലു വേ​ദ​ന മൂ​ലം വ​ള്ളം തു​ഴ​യാ​നും പ്ര​യാ​സ​മാ​യി. ഇ​തോ​ടെ പ​ണി​ക്ക് പോ​കാ​ൻ പ​റ്റാ​ത്ത അ​വ​സ്ഥ​യാ​ണ്. മ​ക​നും പ​ണി​യി​ല്ല. ഇ​തി​നി​ട​യി​ൽ വീ​ട് ദ്ര​വി​ച്ചു. ഓ​ല​പ്പു​ല കെ​ട്ടി മേ​യാ​ൻ നി​ർ​വാ​ഹ​മി​ല്ലാ​ത്ത​തി​നാ​ൽ ചോ​ർ​ന്നൊ​ലി​ച്ച വീ​ടി​ന് മേ​ലെ ടാ​ർ​പ്പാ​യ വി​രി​ച്ചാ​ണ് ക​ഴി​യു​ന്ന​ത്. നാ​ട്ടി​ക പ​ഞ്ചാ​യ​ത്തി​ലെ ആ​റാം വാ​ർ​ഡി​ൽ താ​മ​സി​ക്കു​ന്ന ധ​ർ​മ​ൻ ലൈ​ഫ് പ​ദ്ധ​തി പ്ര​കാ​രം വീ​ട് നി​ർ​മി​ക്കാ​ൻ അ​പേ​ക്ഷ ന​ൽ​കി​യ​പ്പോ​ൾ ഒ​ന്നാ​മ​താ​യാ​ണ് പ​രി​ഗ​ണി​ച്ച​ത്.

ഫി​ഷ​റീ​സ് വ​കു​പ്പ് വ​ഴി​യും വീ​ട് പാ​സാ​യി. എ​ന്നാ​ൽ തീ​ര​ദേ​ശ നി​യ​മം പ​റ​ഞ്ഞ് അ​ധി​കൃ​ത​ർ ത​ഴ​ഞ്ഞു. പു​ഴ​യു​ടെ 47 മീ​റ്റ​ർ അ​ടു​ത്താ​ണ് വീ​ട്. ഇ​തു ചൂ​ണ്ടി​ക്കാ​ട്ടി​യാ​ണ് ത​ഴ​ഞ്ഞ​ത്. ഇ​തി​നി​ട​യി​ൽ സു​ഹൃ​ത്തി​ന്റെ വീ​ട് താ​മ​സി​ക്കാ​ൻ ന​ൽ​കി​യെ​ങ്കി​ലും സു​ഹൃ​ത്ത് ഗ​ൾ​ഫി​ൽ നി​ന്ന് വ​ന്ന​തോ​ടെ ധ​ർ​മ​നും കു​ടും​ബ​ത്തി​നും ഓ​ല​ക്കു​ടി​ലി​ലേ​ക്ക് ത​ന്നെ താ​മ​സം മാ​റ്റേ​ണ്ടി​വ​ന്നു. പ്ര​ദേ​ശ​മാ​ണെ​ങ്കി​ൽ ഇ​ഴ​ജ​ന്തു​ക്ക​ളു​ടെ താ​വ​ള​മാ​ണ്. ഭാ​ര്യ​യും മ​ക്ക​ളു​മ​ട​ക്കം ഭ​യ​പ്പാ​ടി​ലാ​ണ് കു​ടി​ലി​ൽ അ​ന്തി​യു​റ​ങ്ങു​ന്ന​ത്. വീ​ട് എ​ന്ന സ്വ​പ്നം പൂ​വ​ണി​യാ​ൻ തീ​ര​ദേ​ശ നി​യ​മം പ​റ​ഞ്ഞ് അ​ധി​കൃ​ത​ർ ത​ട​സ്സം നി​ന്ന​തോ​ടെ മു​ഖ്യ​മ​ന്ത്രി​യു​ടെ ന​വ​കേ​ര​ള സ​ദ​സ്സി​ൽ അ​പേ​ക്ഷ ന​ൽ​കി​യി​രി​ക്കു​ക​യാ​ണ് ധ​ർ​മ​ൻ.