അ​പ​ക​ടം ഒ​ഴി​യാ​ത്ത മ​തി​ല​ക​ത്ത് നാ​ട്ടു​കാ​ർ ജീ​വ​ഭ​യ​ത്തി​ൽ

മ​തി​ല​കം: വാഹനാ പ​ക​ട​ങ്ങ​ൾ ഒ​ഴി​യാ​ത്ത മ​തി​ല​ക​ത്ത് നാ​ട്ടു​കാ​രും യാ​ത്രി​ക​രും ജീ​വ​ഭ​യ​ത്തി​ൽ. അ​പ​ക​ടം പ​തി​വാ​യി​ട്ടും അ​ന​ങ്ങാ​ത്ത അ​ധി​കാ​രി​ക​ൾ​ക്കെ​തി​രെ നാ​ട്ടു​കാ​ർ മ​തി​ല​കം പൊ​ലീ​സി​ൽ പ​രാ​തി ന​ൽ​കി. അ​പ​ക​ട പ​ര​മ്പ​ര​യി​ൽ ഒ​ടു​വി​ല​ത്തേ​താ​ണ് ശ​നി​യാ​ഴ്ച രാ​വി​ലെ ബ്ലോ​ക്ക് ഓ​ഫി​സ് പ​രി​സ​ര​ത്തു​ണ്ടാ​യ​ത്.

ദേ​ശീ​യ​പാ​ത നി​ർ​മാ​ണ​ത്തി​ന് കൊ​ണ്ടു​വ​ന്ന ക്രെ​യി​ൻ ക​യ​റി​യി​റ​ങ്ങി റോ​ഡ​രി​കി​ലൂ​ടെ ന​ട​ന്നു​പോ​യ യു​വ​തി​ക്ക് ഗു​ര​ത​ര​മാ​യി പ​രി​ക്കേ​റ്റു. കൂ​ടെ​യു​ണ്ടാ​യി​രു​ന്ന കു​ട്ടി ഭാ​ഗ്യം കൊ​ണ്ടാ​ണ് ര​ക്ഷ​പ്പെ​ട്ട​ത്. മ​തി​ല​കം പൊ​ലീ​സ് സ്റ്റേ​ഷ​നും ലീ​വേ​ജ് എ​ൻ​ജി​നി​യ​റി​ങ്ങി​നും ഇ​ട​യി​ൽ സ്ഥി​ര​മാ​യി അ​പ​ക​ട​മാ​ണ്.

ഈ ​ഭാ​ഗം കാ​ൽ​ന​ട യാ​ത്രി​ക​ർ​ക്കും ചെ​റു​വാ​ഹ​ന യാ​ത്രി​ക​ർ​ക്കും ഒ​ട്ടും സു​ര​ക്ഷി​ത​മ​ല്ലെ​ന്ന് നാ​ട്ടു​കാ​ർ ന​ൽ​കി​യ പ​രാ​തി​യി​ൽ ചൂ​ണ്ടി​ക്കാ​ട്ടി. സ്കൂ​ൾ വി​ദ്യാ​ർ​ഥി​ക​ളും പ്രാ​യ​മാ​യ​വ​രും സ്ത്രീ​ക​ളും സൈ​ക്കി​ൾ, ഇ​രു​ച​ക്ര​വാ​ഹ​ന യാ​ത്രി​ക​രു​മെ​ല്ലാം ഭ​യ​പ്പാ​ടോ​ടെ​യാ​ണ് ഇ​തു​വ​ഴി ന​ട​ന്നു​പോ​കു​ന്ന​ത്. ഇ​വി​ടെ സാം​സ്കാ​രി​ക പ്ര​വ​ർ​ത്ത​ക​നാ​യ ഒ​രു റി​ട്ട. അ​ധ്യാ​പ​ക​ന്റെ ജീ​വ​ൻ പൊ​ലി​ഞ്ഞി​ട്ട് അ​ധി​ക​കാ​ല​മാ​യി​ട്ടി​ല്ല.

ഗു​രു​ത​ര​ പ​രി​ക്കേ​റ്റ​വ​രും കു​റ​വ​ല്ല. റോ​ഡി​ന് വീ​തി​കു​റ​ഞ്ഞ ഈ ​ഭാ​ഗ​ത്ത് തു​റ​ന്ന കാ​ന​യും പ​ട​ർ​ന്ന് ക​യ​റി​യ കു​റ്റി​ക്കാ​ടും ഒ​പ്പം ജ​ൽ ജീ​വ​ൻ മി​ഷ​ന്റെ പൈ​പ്പി​ടാ​നാ​യി കു​ഴി​ച്ചെ​ടു​ത്ത ക​ല്ലും മ​ണു​മെ​ല്ലാം കൂ​ടി കി​ട​ക്കു​ന്ന​തും കാ​ര​ണം കാ​ൽ​ന​ട​ക്ക് പോ​ലും സ്ഥ​ല​മി​ല്ല. പ​ല​യി​ട​ത്തും റോ​ഡി​ലേ​ക്ക് ക​യ​റി​വേ​ണം ന​ട​ക്കാ​ൻ. വാ​ഹ​നം ഓ​ടി​ക്കു​ന്ന​വ​രും വ​ള​രെ പ്ര​യാ​സ​പ്പെ​ടു​ക​യാ​ണ്.

റോ​ഡ​രി​കി​ൽ ഇ​ട​ക്കി​ടെ കൊ​ടി​ക്കു​ത്തി​യും അ​ല്ലാ​തെ​യും ശ്ര​മ​ദാ​നം ന​ട​ത്തി​യെ​ന്ന് വ​രു​ത്തു​ന്ന​വ​ർ അ​പ​ക​ട​ങ്ങ​ൾ ഏ​റി​യ മേ​ഖ​ല​യി​ൽ കു​റ്റി​ക​ൾ റോ​ഡ​രി​ക് അ​പ​ഹ​രി​ച്ച് വ​ള​രു​ന്ന​ത് ക​ണ്ടി​ല്ലെ​ന്ന് ന​ടി​ക്കു​ക​യാ​ണ്. ദേ​ശീ​യ​പാ​ത നി​ർ​മാ​ണ വാ​ഹ​ന​ക്ക​ൾ ത​ല​ങ്ങും വി​ല​ങ്ങും ഓ​ടാ​ൻ തു​ട​ങ്ങി​യ​തോ​ടെ റോ​ഡി​ൽ ഭീ​തി​ജ​ന​ക​മാ​യ അ​വ​സ്ഥ​യാ​ണ്.

പ്ര​ദേ​ശ​ത്തെ അ​പ​ക​ട​ര​മാ​യ സ്ഥി​തി​വി​ശേ​ഷം ഉ​ത്ത​ര​വാ​ദി​ത്വ​പ്പെ​ട്ട ജ​ന​പ്ര​തി​നി​ധി​ക​ളും അ​വ​ഗ​ണി​ക്കു​ക​യാ​ണ്. ജ​ന​ങ്ങ​ളു​ടെ സു​ര​ക്ഷ ഉ​റ​പ്പാ​ക്കു​വാ​ൻ ശാ​ശ്വ​ത പ​രി​ഹാ​ര ന​ട​പ​ടി ഉ​ണ്ടാ​ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.