അ​വ​ഗ​ണ​ന ശ​ക്ത​ൻ സ്റ്റാ​ൻ​ഡ്​ വി​ട്ടു​പോ​ക​ണം

തൃ​ശൂ​ർ: മൂ​ന്ന് ഏ​ക്ക​റി​ൽ നി​റ​ഞ്ഞു​നി​ൽ​ക്കു​ന്ന ശ​ക്ത​ൻ ബ​സ് സ്റ്റാ​ൻ​ഡി​ന് ഇ​നി​യും ശാ​പ​മോ​ക്ഷ​മാ​യി​ല്ല. പ്ര​തി​ദി​നം ആ​യി​ര​ക്ക​ണ​ക്കി​ന് യാ​ത്ര​ക്കാ​ർ വ​ന്നു​പോ​കു​ന്ന മ​ധ്യ​കേ​ര​ള​ത്തി​ലെ സു​പ്ര​ധാ​ന ബ​സ് സ്റ്റാ​ൻ​ഡി​ന് അ​വ​ഗ​ണ​ന മാ​ത്ര​മാ​ണു​ള്ള​ത്. ന​വീ​ക​ര​ണം ക​ഴി​ഞ്ഞ് വ​ട​ക്കേ സ്റ്റാ​ൻ​ഡ് ത​ല​യെ​ടു​പ്പോ​ടെ നി​ല​കൊ​ള്ളു​​മ്പോ​ഴാ​ണ് ശ​ക്ത​നോ​ട് അ​വ​ഗ​ണ​ന തു​ട​രു​ന്ന​ത്.

നേ​ര​ത്തേ ആ​യി​ര​ത്തോ​ളം ബ​സു​ക​ൾ വ​ന്നു​പോ​യി​രു​ന്ന സ്റ്റാ​ൻ​ഡി​ൽ കോ​വി​ഡി​ന് പി​ന്നാ​ലെ ബ​സു​ക​ൾ കു​റ​ഞ്ഞു​വെ​ങ്കി​ൽ യാ​ത്ര​ക്കാ​രി​ൽ കു​റ​വ് പ്ര​ക​ട​മ​ല്ല. എ​ന്നി​ട്ടും കാ​ലോ​ചി​ത​മാ​യ മാ​റ്റ​മോ ന​വീ​ക​ര​ണ​മോ ന​ട​ത്താ​തെ വ​ർ​ഷ​ങ്ങ​ൾ​ക്ക​പ്പു​റ​മു​ള്ള പ​ശ്ചാ​ത്ത​ല സൗ​ക​ര്യം മാ​ത്ര​മാ​ണു​ള്ള​ത്.

വ​ർ​ഷ​ങ്ങ​ൾ​ക്ക് മു​മ്പ് വ​ട​ക്കു​ഭാ​ഗ​ത്തെ കോ​ൺ​ക്രീ​റ്റ്​​വ​ത്​​ക​ര​ണം മാ​ത്ര​മാ​ണ്​ അ​വ​സാ​നം ന​ട​ന്ന ന​വീ​ക​ര​ണ പ്ര​വ​ർ​ത്ത​നം. ഇ​തി​നോ​ട്​ അ​നു​ബ​ന്ധി​ച്ച്​ വ​ട​ക്കു​ഭാ​ഗ​ത്ത്​ ടൈ​ൽ പാ​കു​ക​യു​മു​ണ്ടാ​യി. അ​തേ​സ​മ​യം, തെ​ക്കു​ഭാ​ഗ​ത്ത്​ ഇ​പ്പോ​ഴും ഒ​രു ന​വീ​ക​ര​ണ​വും ഉ​ണ്ടാ​യി​ട്ടി​ല്ല. ഈ ​ഭാ​ഗ​ത്ത്​ ടാ​ർ പോ​യി അ​സ്ഥി​വാ​രം വ​രെ കാ​ണു​ന്ന നി​ല​യി​ലാ​ണ്​ പ​ല​ഭാ​ഗ​ത്തും.

സ്റ്റാ​ൻ​ഡി​ൽ നി​റ​ഞ്ഞ വാ​രി​ക്കു​ഴി​ക​ൾ ഇ​പ്പോ​ഴും തീ​ർ​ക്കാ​നാ​യി​ട്ടി​ല്ല. ഇ​ട​ക്കി​ടെ ബ​സ് ഉ​ട​മ​ക​ളും ജീ​വ​ന​ക്കാ​രും പ്ര​തി​ഷേ​ധം തീ​ർ​ക്കു​മ്പോ​ൾ ടാ​ർ പൂ​ശു​ന്ന​ത​ല്ലാ​തെ ശാ​ശ്വ​ത പ​രി​ഹാ​രം ഇ​നി​യും ന​ട​ത്തി​യി​ട്ടി​ല്ല. സ്റ്റാ​ന്‍ഡി​ല്‍നി​ന്ന് ബ​സു​ക​ള്‍ പു​റ​ത്തേ​ക്കി​റ​ങ്ങു​ന്ന ഭാ​ഗ​ത്തെ റോ​ഡ് പൊ​ളി​ഞ്ഞ് വ​മ്പ​ൻ ഗ​ർ​ത്ത​ങ്ങ​ളു​ണ്ട്.

ഇ​തു​വ​ഴി വ​രു​ന്ന ബ​സു​ക​ള്‍ കു​ഴി​യി​ല്‍ വീ​ഴു​ന്ന​ത് പ​തി​വാ​ണ്. യാ​ത്ര​ക്കാ​ർ​ക്ക് ഇ​രി​ക്കാ​നു​ള്ള ഇ​രി​പ്പി​ട​ങ്ങ​ളും ശു​ഷ്ക​മാ​ണ്. ഉ​ള്ള​വ​യി​ൽ കു​റെ എ​ണ്ണം ന​ശി​ച്ച​നി​ല​യി​ലു​മാ​ണ്. ഇ​ത​ര അ​വ​ശ്യ സൗ​ക​ര്യ​ങ്ങ​ളും അ​നു​കൂ​ല​മ​ല്ല. സ്ത്രീ​ക​ൾ​ക്ക് പ്ര​ത്യേ​ക ഇ​രി​പ്പി​ട സൗ​ക​ര്യ​വും അ​ന്യ​മാ​ണ്. രാ​ത്രി​യാ​യാ​ൽ അ​വ​ശ്യം വേ​ണ്ട ലൈ​റ്റു​ക​ളും പ​രി​മി​ത​മാ​ണ്.

ജീ​വ​ന​ക്കാ​ർ​ക്ക് പ്രാ​ഥ​മി​കാ​വ​ശ്യ​ങ്ങ​ൾ നി​ർ​വ​ഹി​ക്കാ​നും മ​തി​യാ​യ സൗ​ക​ര്യ​മി​ല്ല. ഇ​ത്ത​രം അ​സൗ​ക​ര്യ​ങ്ങ​ളി​ൽ വീ​ർ​പ്പു​മു​ട്ടു​ന്ന സ്റ്റാ​ൻ​ഡി​ൽ ഇ​ത​ര സം​സ്ഥാ​ന​ങ്ങ​ളി​ൽ നി​ന്നു​ള്ള നി​രോ​ധി​ത പു​ക​യി​ല വ​സ്തു​ക്ക​ളും ക​ഞ്ചാ​വ് അ​ട​ക്കം എ​ത്തു​ന്നു​ണ്ട്. അ​ക്ര​മ​സം​ഭ​വ​ങ്ങ​ളും റി​പ്പോ​ർ​ട്ട് ചെ​യ്യു​ന്നു​മു​ണ്ട്. മി​ക​ച്ച രീ​തി​യി​ൽ ​ന​വീ​ക​ര​ണം ന​ട​ത്തി നി​രീ​ക്ഷ​ണ സം​വി​ധാ​ന​ങ്ങ​ൾ ഒ​രു​ക്കി ശ​ക്ത​ൻ സ്റ്റാ​ൻ​ഡി​നെ വീ​ണ്ടെ​ടു​ക്ക​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം.