വടക്കേക്കാട്ട് വ്യാപാര കേന്ദ്രത്തിന് തീപിടിച്ചു; 20 ല​ക്ഷം രൂ​പ​യു​ടെ ന​ഷ്​​ടം

വ​ട​ക്കേ​ക്കാ​ട്: സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ന് സ​മീ​പം സ്വ​കാ​ര്യ ഉ​ട​മ​സ്ഥ​ത​യി​ലു​ള്ള വ്യാ​പാ​ര സ​മു​ച്ച​യ​ത്തി​ന് തീ​പി​ടി​ച്ചു. താ​ഴെ നി​ല​യി​ലെ ടൂ​വീ​ല​ർ വ​ർ​ക്ക് ഷോ​പ്പും ക്ലീ​നി​ങ് കെ​മി​ക്ക​ൽ​സ് ക​ട​യും ക​ത്തി​ന​ശി​ച്ചു. ബു​ധ​നാ​ഴ്ച രാ​വി​ലെ പ​തി​നൊ​ന്ന​ര​യോ​ടെ​യാ​ണ് കെ​ട്ടി​ട​ത്തി​ൽ​നി​ന്ന്​ പു​ക ഉ​യ​രു​ന്ന​ത് പി​ന്നി​ലെ ഹോ​ളോ​ബ്രി​ക്സ് ക​മ്പ​നി ജീ​വ​ന​ക്കാ​ർ ക​ണ്ട​ത്. ഇ​വ​ർ അ​റി​യി​ച്ച​തോ​ടെ ക​ട​ക​ളി​ലു​ള്ള​വ​രും മു​ക​ൾ​നി​ല​യി​ലെ യൂ​നി​യ​ൻ ബാ​ങ്ക് ജീ​വ​ന​ക്കാ​രും ഇ​ട​പാ​ടു​കാ​രും പു​റ​ത്തേ​ക്കോ​ടി ര​ക്ഷ​പ്പെ​ട്ടു. ബ​ഹ​ളം കേ​ട്ട് ഓ​ടി​ക്കൂ​ടി​യ​വ​ർ​ക്ക് പൊ​ട്ടി​ത്തെ​റി ഭ​യ​ന്ന് നോ​ക്കി​നി​ൽ​ക്കാ​നേ ക​ഴി​ഞ്ഞു​ള്ളൂ.

ഗു​രു​വാ​യൂ​രി​ൽ നി​ന്നും കു​ന്നം​കു​ള​ത്തു​നി​ന്നും അ​ഗ്​​നി​ശ​മ​ന സേ​ന എ​ത്തി​യാ​ണ് അ​ണ​ച്ച​ത്. നാ​ലാം​ക​ല്ല് വി.​എ​സ്. സ​ത്യ​െൻറ വോ​ൾ​ട്ട് 69 എ​ന്ന പേ​രി​ലു​ള്ള സ്ഥാ​പ​ന​ത്തി​ൽ അ​ക​ത്തും പു​റ​ത്തു​മാ​യി വെ​ച്ചി​രു​ന്ന എ​ട്ട്​ ബൈ​ക്കു​ക​ളും സ്പെ​യ​ർ പാ​ർ​ട്​​സും ച​മ്മ​നൂ​ര് പ്ര​ദീ​പി​െൻറ പ്രെ​മി​ക കെ​മി​ക്ക​ൽ​സി​ലെ വ​സ്തു​ക്ക​ളും മു​ഴു​വ​ൻ ചാ​ര​മാ​യി. ബാ​ങ്കി​ലെ ശീ​തീ​ക​ര​ണി​ക​ൾ​ക്ക് ഭാ​ഗി​ക​മാ​യി കേ​ടു പ​റ്റി. തീ​പ്പൊ​രി​യാ​ണ് അ​പ​ക​ട​കാ​ര​ണ​മെ​ന്നും 20 ല​ക്ഷം രൂ​പ​യു​ടെ ന​ഷ്​​ട​മു​ണ്ടെ​ന്നു​മാ​ണ് പ്രാ​ഥ​മി​ക വി​ല​യി​രു​ത്ത​ൽ.

ഫ​യ​ർ ലീ​ഡി​ങ് ഓ​ഫി​സ​ർ വൈ​ശാ​ഖ്, അ​സി. സ്​​റ്റേ​ഷ​ൻ ഓ​ഫി​സ​ർ രാ​ജ സു​ബ്ര​ഹ്മ​ണ്യ​ൻ, അ​ബ്ബാ​സ്, പ്ര​കാ​ശ​ൻ, സ​നി​ൽ, സു​മേ​ഷ് എ​ന്നി​വ​ർ ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി. എ​സ്.​ഐ രാ​ജീ​വി​െൻറ നേ​തൃ​ത്വ​ത്തി​ൽ വ​ട​ക്കേ​ക്കാ​ട് പൊ​ലീ​സും സ്ഥ​ല​ത്തെ​ത്തി സ്ഥി​തി​ഗ​തി​ക​ൾ നി​യ​ന്ത്രി​ച്ചു.