ടൈ​ൽ പാ​കി​യ റോ​ഡി​ൽ വ​ഴു​ക്ക​ൽ; യാ​ത്ര ദു​ഷ്ക​രം

കാ​ഞ്ഞാ​ണി: റോ​ഡി​ൽ ടൈ​ൽ​സ് വി​രി​ച്ച​തി​നാ​ൽ മ​ഴ​യി​ൽ വെ​ള്ളം കെ​ട്ടി​നി​ന്ന് വ​ഴു​ക്ക​ൽ മൂ​ലം ഇ​രു​ച​ക്ര വാ​ഹ​ന​ങ്ങ​ൾ തെ​ന്നി​വീ​ണ് അ​പ​ക​ടം വ​ർ​ധി​ച്ചു. മ​ണ​ലൂ​ർ പ​ഞ്ചാ​യ​ത്ത് ഓ​ഫി​സി​നോ​ട് ചേ​ർ​ന്നു​ള്ള മ​ഹാ​ത്മ റോ​ഡി​ലാ​ണ് ഈ ​ദു​ര​വ​സ്ഥ. അ​ശാ​സ്ത്രീ​യ​മാ​യ നി​ർ​മാ​ണ​മാ​ണ് റോ​ഡ് ഉ​പ​യോ​ഗി​ക്കാ​ൻ പ​റ്റാ​താ​ക്കി​യ​തെ​ന്നാ​ണ് നാ​ട്ടു​കാ​രു​ടെ ആ​രോ​പ​ണം. അ​രി​കു​ക​ളി​ലൂ​ടെ വെ​ള്ളം ഒ​ഴു​കി​പ്പോ​കാ​ൻ സൗ​ക​ര്യ​മി​ല്ലാ​തെ റോ​ഡ് മു​ഴു​വ​ൻ ടൈ​ൽ വി​രി​ച്ച​താ​ണ് അ​പ​ക​ട​ക്കെ​ണി​യാ​യി​രി​ക്കു​ന്ന​ത്. മ​ഴ​യി​ൽ റോ​ഡി​ൽ നി​റ​യു​ന്ന വെ​ള്ളം കൃ​ത്യ​മാ​യി ഒ​ഴു​കി​പ്പോ​കു​ന്നി​ല്ല. ടൈ​ൽ​സ് വി​രി​ച്ച​തി​ന്റെ അ​ടി​യി​ലും വെ​ള്ള​മാ​ണ്.

പ​തി​വാ​യി വെ​ള്ളം കെ​ട്ടി​നി​ൽ​ക്കു​ന്ന​തു​മൂ​ലം പാ​യ​ൽ നി​റ​ഞ്ഞ് വ​ഴു​ക്കി ഉ​പ​യോ​ഗ​ശൂ​ന്യ​മാ​ണ് റോ​ഡ്. കാ​ൽ​ന​ട​യാ​ത്ര​ക്കാ​രും വ​ഴു​തി വീ​ഴു​ന്ന​ത് പ​തി​വാ​ണ്. ഇ​തു​മൂ​ലം പ്ര​ദേ​ശ​ത്തെ നി​ര​വ​ധി വീ​ട്ടു​കാ​രാ​ണ് യാ​ത്രാ​സൗ​ക​ര്യ​മി​ല്ലാ​തെ ദു​രി​ത​ത്തി​ലാ​യി​രി​ക്കു​ന്ന​ത്. വി​ദ്യാ​ർ​ഥി​ക​ള​ട​ക്കം ഏ​റെ പ​ണി​പ്പെ​ട്ടാ​ണ് ഇ​തി​ലൂ​ടെ പോ​കു​ന്ന​ത്. നി​ർ​മാ​ണ​സ​മ​യ​ത്ത് ത​ന്നെ റോ​ഡി​ന്റെ അ​ശാ​സ്ത്രീ​യ​ത പ​ഞ്ചാ​യ​ത്ത് അം​ഗ​ത്തെ​യും ക​രാ​റു​കാ​രെ​യും ബോ​ധ്യ​പ്പെ​ടു​ത്തി​യി​രു​ന്നു​വെ​ന്നും അ​ത് വ​ക​വെ​ക്കാ​തെ നി​ർ​മ്മാ​ണം ന​ട​ത്തു​ക​യാ​യി​രു​ന്നു​വെ​ന്നും നാ​ട്ടു​കാ​ർ പ​റ​യു​ന്നു. റോ​ഡ് ഉ​യ​ർ​ത്തി അ​രി​കി​ൽ കാ​ന നി​ർ​മി​ച്ചാ​ലേ ഈ ​പാ​ത ഉ​പ​യോ​ഗി​ക്കാ​നാ​കൂ എ​ന്ന അ​വ​സ്ഥ​യാ​ണ്.