മ​ല​യാ​ളി അ​ധ്യാ​പി​ക​ക്ക് ഇം​ഗ്ലീ​ഷ് സാ​ഹി​ത്യ​ത്തി​ൽ അം​ഗീ​കാ​രം

ബം​ഗ​ളൂ​രു: ഗു​ജ​റാ​ത്ത് സാ​ഹി​ത്യ അ​ക്കാ​ദ​മി​യും മോ​ട്ടി​വേ​ഷ​ന​ൽ സ്ട്രി​പ്പും ചേ​ർ​ന്ന് ഏ​ർ​പ്പെ​ടു​ത്തി​യ സാ​ഹി​ത്യ പ്ര​ശ​സ്തി പ​ത്ര​ത്തി​ന് ബം​ഗ​ളൂ​രു​വി​ലെ അ​ധ്യാ​പി​ക​യും ക​വ​യ​ത്രി​യു​മാ​യ ശ്രീ​ക​ല പി. ​വി​ജ​യ​ൻ അ​ർ​ഹ​യാ​യി. തൃ​ശൂ​ർ ചൊ​വ്വ​ല്ലൂ​ർ സ്വ​ദേ​ശി​നി​യാ​യ ശ്രീ​ക​ല പി. ​വി​ജ​യ​ൻ ബം​ഗ​ളൂ​രു സൗ​ന്ദ​ര്യ സെ​ൻ​ട്ര​ൽ സ്കൂ​ളി​ലെ മാ​ത്ത​മാ​റ്റി​ക്സ് അ​ധ്യാ​പി​ക​യാ​ണ്.

160ല​ധി​കം രാ​ജ്യ​ങ്ങ​ളി​ൽ​നി​ന്നു​ള്ള എ​ഴു​ത്തു​കാ​രു​ടെ ഫോ​റ​മാ​ണ് മോ​ട്ടി​വേ​ഷ​ന​ൽ സ്ട്രി​പ്. ഇ​ന്ത്യ​യു​ടെ 75ാം സ്വാ​ത​ന്ത്ര്യ​ദി​ന​ത്തി​ൽ 82 രാ​ജ്യ​ങ്ങ​ളി​ൽ​നി​ന്നു​ള്ള 440 ക​വി​ക​ളെ​യാ​ണ് പ്ര​ശം​സാ​പ​ത്രം ന​ൽ​കി ആ​ദ​രി​ച്ച​ത്. ക​വി​താ​പ​ര​മാ​യ കൃ​ത്യ​ത​യും ലോ​ക​സാ​ഹി​ത്യ​ത്തോ​ടു​ള്ള സ​മ​ർ​പ്പ​ണ​വും സാ​ഹി​ത്യ​സം​ഭാ​വ​ന​ക​ളുമാ​ണ് ശ്രീ​ക​ല​യെ ഈ ​പു​ര​സ്കാ​ര​ത്തി​ന് അ​ർ​ഹ​യാ​ക്കി​യ​ത്.

ശ്രീ​ക​ല​യു​ടെ നി​ര​വ​ധി ഇം​ഗ്ലീ​ഷ് ക​വി​ത​ക​ൾ നി​ര​വ​ധി സാ​ഹി​ത്യ​ജേ​ണ​ലു​ക​ളി​ൽ ഇ​തി​നോ​ട​കം പ്ര​സി​ദ്ധീ​ക​രി​ച്ചി​ട്ടു​ണ്ട്. 'സോ​ൾ ഇ​ൻ ഹോ​ൾ' ക​വി​ത സമാഹാരവും പ്ര​സി​ദ്ധീ​ക​രി​ച്ചി​ട്ടു​ണ്ട്. 'അ​മോ​റ​സ് മ്യൂ​സി​ങ്സ്' എ​ന്ന പു​സ്ത​കം അ​ടു​ത്ത​മാ​സം പു​റ​ത്തി​റ​ങ്ങും. ബം​ഗ​ളൂ​രു​വി​ൽ ഐ.​ടി ക​മ്പ​നി​യി​ൽ ജോ​ലി​ചെ​യ്യു​ന്ന അ​ജ​യ്കു​മാ​റാ​ണ് ഭ​ർ​ത്താ​വ്. അ​നു​ശ്രീ, അ​ദ്വൈ​ത് എ​ന്നി​വ​ർ മ​ക്ക​ളാ​ണ്.