പഴഞ്ഞിയിൽ തെരുവുനായ്ക്കളുടെ ആക്രമണം; അഞ്ച് മുയലുകളെ കടിച്ചുകൊന്നു
text_fieldsപഴഞ്ഞിയിൽ തെരുവുനായ്ക്കൾ കടിച്ചുകൊന്ന
മുയലുകൾ
പഴഞ്ഞി: തെരുവുനായ്ക്കൾ കൂട്ടമായെത്തി വീട്ടിൽ വളർത്തിയിരുന്ന മുയലുകളെ കടിച്ചുകൊന്നു. പഴഞ്ഞി ഒറ്റതെങ്ങ് റോഡിന് സമീപം ചെറുവത്തൂര് ലിവിന്റെ വീട്ടിൽ വളർത്തിയിരുന്ന അഞ്ച് മുയലുകളെയാണ് നായ്ക്കള് കൊന്നൊടുക്കിയത്. കൂട്ടമായെത്തിയ പത്തോളം നായ്ക്കളാണ് മുയലുകളെ ആക്രമിച്ചതെന്ന് വീട്ടുകാർ പറയുന്നു. ഇരുമ്പ് വല തകര്ത്താണ് മുയലുകളെ ആക്രമിച്ചത്. ബഹളം കേട്ട് വീട്ടുകാര് ഉണര്ന്നെങ്കിലും നായ്ക്കളെ പേടിച്ച് പുറത്തിറങ്ങാനായില്ല.
ഈ മേഖലയിൽ തെരുവുനായ്ക്കളുടെ ആക്രമണം വർധിച്ചിരിക്കുകയാണ്. പട്ടിത്തടം പുലിക്കോട്ടിൽ എൽസിയുടെ വീട്ടിലെ മുയലിന്റെ കാൽ തെരുവുനായ്ക്കൾ കടിച്ച് പരിക്കേൽപ്പിച്ചിരുന്നു. ശബ്ദം കേട്ട് വീട്ടുകാർ ഉണർന്ന് ലൈറ്റിട്ടതോടെ ഇവ ഓടിപ്പോയി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.