നീ​ന്ത​ൽ മ​ത്സ​ര​ത്തി​നെത്തിയ വി​ദ്യാ​ർ​ഥി​ കൂ​ട്ടം തെ​റ്റി​യയെത്തി​യ​ത് 25 കി​ലോ​മീ​റ്റ​ർ അ​ക​ലെ

തൃ​ശൂ​ർ: കൂ​ട്ടം​തെ​റ്റി വ​ഴി​യ​റി​യാ​തെ കി​ലോ​മീ​റ്റ​റു​ക​ൾ ക​ട​ന്നു​പോ​യ വി​ദ്യാ​ർ​ഥി​യെ മി​നി​റ്റു​ക​ൾ​ക്ക​കം ക​ണ്ടെ​ത്തി പൊ​ലീ​സ്. തൃ​ശൂ​ർ അ​ക്വാ​ട്ടി​ക് കോം​പ്ല​ക്സി​ൽ ന​ട​ക്കു​ന്ന ജി​ല്ല​ത​ല നീ​ന്ത​ൽ മ​ത്സ​ര​ത്തി​ൽ പ​ങ്കെ​ടു​ക്കാ​ൻ അ​ധ്യാ​പ​ക​രോ​ടൊ​പ്പം ഒ​രു സ്കൂ​ളി​ൽ​നി​​ന്ന്​ തൃ​ശൂ​ർ ന​ഗ​ര​ത്തി​ലെ​ത്തി​യ പ​ത്ത് കു​ട്ടി​ക​ളി​ലൊ​രാ​ളെ​യാ​ണ്​ ഞാ​യ​റാ​ഴ്ച കാ​ണാ​താ​യ​ത്.

മ​ത്സ​ര​ശേ​ഷം വി​ദ്യാ​ർ​ഥി​ക​ൾ ശ​ക്ത​ൻ ബ​സ് സ്റ്റാ​ൻ​ഡി​ൽ എ​ത്തി​യ​പ്പോ​ഴാ​ണ് ഒ​രു വി​ദ്യാ​ർ​ഥി​യു​ടെ കു​റ​വു​ണ്ടെ​ന്ന് അ​റി​ഞ്ഞ​ത്. ഉ​ട​ൻ സ്റ്റാ​ൻ​ഡി​ൽ ഡ്യൂ​ട്ടി​യി​ലു​ണ്ടാ​യി​രു​ന്ന സി​വി​ൽ പൊ​ലീ​സ് ഓ​ഫി​സ​ർ ഒ.​വി. സാ​ജ​നെ വി​വ​ര​മ​റി​യി​ച്ചു. പൊ​ലീ​സു​ദ്യോ​ഗ​സ്ഥ​ൻ ഉ​ട​ൻ ത​ന്നെ വി​വ​രം ക​ൺ​ട്രോ​ൾ റൂ​മി​ലേ​ക്ക് കൈ​മാ​റി. കാ​ണാ​താ​യ കു​ട്ടി​യു​ടെ ഫോ​ട്ടോ ബ​സു​ക​ളി​ലെ ഡ്രൈ​വ​ർ​മാ​ർ​ക്കും ക​ണ്ട​ക്ട​ർ​മാ​ർ​ക്കും അ​യ​ച്ചു​കൊ​ടു​ത്തു.

ഇ​തോ​ടെ​യാ​ണ് ഒ​ന്നു​മ​റി​യാ​തെ യാ​ത്ര തു​ട​ർ​ന്നി​രു​ന്ന കു​ട്ടി​യെ ക​ണ്ടെ​ത്തി​യ​ത്. സ​ബ് ഇ​ൻ​സ്പെ​ക്ട​ർ വി.​എ​സ്. സു​നി​ൽ​കു​മാ​ർ, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ ഒ.​വി. സാ​ജ​ൻ, റ​ബീ​ക്ക് റ​ഹ്മാ​ൻ, അ​പ്പു സു​രേ​ഷ് എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു വി​ദ്യാ​ർ​ഥി​ക്ക് വേ​ണ്ടി​യു​ള്ള തി​ര​ച്ചി​ൽ.