സു​നി​ൽ​കു​മാ​റി​ന്റേ​യും ജോ​സ് വ​ള്ളൂ​രി​ന്റേ​യും ത​ട്ട​ക​ത്തി​ലെ വോ​ട്ട് ചോർച്ച മു​ന്ന​ണി​ക​ൾ​ക്ക് പ്ര​ഹ​രം

അ​ന്തി​ക്കാ​ട്: എ​ൽ.​ഡി.​എ​ഫ് സ്ഥാ​നാ​ർ​ഥി വി.​എ​സ്. സു​നി​ൽ​കു​മാ​റി​ന്റേ​യും ഡി.​സി.​സി. പ്ര​സി​ഡ​ന്റ് ജോ​സ് വ​ള്ളൂ​രി​ന്റേ​യും ത​ട്ട​ക​മാ​യ അ​ന്തി​ക്കാ​ട് ഇ​ട​ത് - വ​ല​ത് മു​ന്ന​ണി​ക​ൾ​ക്ക് വോ​ട്ട് കു​റ​ഞ്ഞ​ത് ക​ന​ത്ത പ്ര​ഹ​ര​മാ​യി. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫി​ലെ സി.​സി. മു​കു​ന്ദ​ൻ 28431 വോ​ട്ടു​ക​ളു​ടെ ഭൂ​രി​പ​ക്ഷ​ത്തി​ൽ വി​ജ​യി​ച്ച നാ​ട്ടി​ക മ​ണ്ഡ​ല​ത്തി​ൽ ഉ​ൾ​പ്പെ​ടു​ന്ന അ​ന്തി​ക്കാ​ട് സി.​പി.​എ​മ്മി​ന്റേ​യും സി.​പി.​ഐ​യു​ടേ​യും ശ​ക്തി​കേ​ന്ദ്ര​മാ​ണ്. ഇ​ട​ത് കോ​ട്ട​യാ​യ ഇ​വി​ടെ തു​ട​ർ​ച്ച​യാ​യി പ​ഞ്ചാ​യ​ത്ത് ഭ​ര​ണം എ​ൽ.​ഡി.​എ​ഫി​നാ​ണ്. നി​യ​മ​സ​ഭ തെ​ര​ഞ്ഞെ​ടു​പ്പി​ൽ നി​ർ​ണാ​യ​ക ഭൂ​രി​പ​ക്ഷ​മാ​ണ് പ​ഞ്ചാ​യ​ത്തി​ൽ ല​ഭി​ക്കാ​റ്.

തൊ​ട്ട​ടു​ത്ത പ​ഞ്ചാ​യ​ത്താ​യ താ​ന്ന്യം, പ​ഴു​വി​ൽ എ​ന്നി​വ​യും ഇ​ട​ത് ശ​ക്തി​കേ​ന്ദ്ര​ങ്ങ​ളാ​ണ്. ഇ​വി​ടേ​യും ഇ​ട​ത് കേ​ന്ദ്ര​ങ്ങ​ളെ ഞെ​ട്ടി​ച്ച് സു​രേ​ഷ് ഗോ​പി​യാ​ണ് ഭൂ​രി​പ​ക്ഷം നേ​ടി​യ​ത്. സു​നി​ൽ കു​മാ​റി​ന്റ വാ​ർ​ഡി​ൽ പോ​ലും കാ​ലി​ട​റി. സി.​സി. മു​കു​ന്ദ​ൻ എം.​എ​ൽ.​എ​യു​ടേ​യും നാ​ടാ​യി​ട്ടും വോ​ട്ടി​ൽ വി​ള്ള​ലു​ണ്ടാ​യി. വ​ൻ ഭൂ​രി​പ​ക്ഷം നേ​ടു​മെ​ന്ന് എം.​എ​ൽ.​എ ക​ഴി​ഞ്ഞ ദി​വ​സം പ​റ​ഞ്ഞി​രു​ന്നു. ജി​ല്ല​യി​ൽ സി.​പി.​ഐ​യു​ടെ ശ​ക്തി​കേ​ന്ദ്ര​മാ​ണ് അ​ന്തി​ക്കാ​ട്. നി​ര​വ​ധി നേ​താ​ക്ക​ളാ​ണ് സി.​പി.​ഐ​ക്കു​ള്ള​ത്.

വ​ൻ ഭൂ​രി​പ​ക്ഷം പ്ര​തീ​ക്ഷി​ച്ചി​ട​ത്ത് സു​രേ​ഷ്ഗോ​പി വ​ൻ കു​തി​പ്പു​ണ്ടാ​ക്കി​യ​താ​ണ് ഇ​ട​ത് മു​ന്ന​ണി നേ​താ​ക്ക​ളേ​യും പ്ര​വ​ർ​ത്ത​ക​രേ​യും ഞെ​ട്ടി​ച്ച​ത്. വോ​ട്ട് കു​റ​ഞ്ഞ​തും ക​ന​ത്ത തോ​ൽ​വി ഏ​റ്റു​വാ​ങ്ങി​യ​തും ഗൗ​ര​വ​മാ​യി ച​ർ​ച്ച ചെ​യ്യ​ണ​മെ​ന്നാ​ണ് ചി​ല നേ​താ​ക്ക​ൾ ആ​വ​ശ്യ​പ്പെ​ടു​ന്ന​ത്. വി.​എ​സ്. സു​നി​ൽ കു​മാ​റും ഇ​ക്കാ​ര്യം മാ​ധ്യ​മ പ്ര​വ​ർ​ത്ത​ക​രോ​ട് പ​റ​ഞ്ഞി​രു​ന്നു. എ​ൽ.​ഡി.​എ​ഫ് പ്ര​വ​ർ​ത്ത​ക​രി​ൽ സ്ത്രീ​ക​ളും യു​വാ​ക്ക​ളും ന​ല്ലൊ​രു പ​ങ്ക് സു​രേ​ഷ് ഗോ​പി​ക്ക് വോ​ട്ട് ചെ​യ്തി​ട്ടു​ണ്ടെ​ന്ന ക​ണ​ക്ക് കൂ​ട്ട​ലി​ലാ​ണ് നേ​തൃ​ത്വം. കോ​ൺ​ഗ്ര​സി​ലെ വോ​ട്ട് ചോ​ർ​ച്ച​യി​ലും ഡി.​സി.​സി പ്ര​സി​ഡ​ന്റി​നെ​തി​രെ പ്ര​ദേ​ശി​ക നേ​താ​ക്ക​ളു​ടെ അ​മ​ർ​ഷ​മു​ണ്ട്.