താൽക്കാലിക ജീവനക്കാർക്കും പരിചയ സർട്ടിഫിക്കറ്റിന് അവകാശം –മനുഷ്യാവകാശ കമീഷൻ
text_fieldsതൃശൂർ: താൽക്കാലിക ജോലി ചെയ്യുന്നവർക്കും പ്രവൃത്തിപരിചയ സർട്ടിഫിക്കറ്റിന് അവകാശമുണ്ടെന്ന് മനുഷ്യാവകാശ കമീഷൻ. പ്രവൃത്തിപരിചയ സർട്ടിഫിക്കറ്റ് നിഷേധിച്ചതിനെതിരെ തൊടുപുഴ കോ-ഓപറേറ്റിവ് സ്കൂൾ ഓഫ് ലോ ജീവനക്കാരനായിരുന്ന ഇരിങ്ങാലക്കുട പേഷ്കാർ റോഡ് വി. മൃത്യുഞ്ജയൻ സമർപ്പിച്ച പരാതിയിലാണ് കമീഷൻ ജുഡീഷ്യൽ അംഗം പി. മോഹനദാസിെൻറ ഉത്തരവ്. പരാതിക്കാരന് രണ്ടാഴ്ചക്കകം സർട്ടിഫിക്കറ്റ് നൽകാൻ കോളജ് പ്രിൻസിപ്പലിന് നിർദേശം നൽകി.
അതേസമയം, തന്നെ സർവിസിൽനിന്ന് അകാരണമായി പിരിച്ചുവിട്ടെന്ന പരാതിയിൽ ഇടപെടാൻ കമീഷൻ വിസമ്മതിച്ചു. അച്ചടക്ക നടപടിയുടെ ഭാഗമായുള്ള പിരിച്ചുവിടലായതിനാൽ അപ്പലേറ്റ് ഫോറത്തെ സമീപിക്കാൻ നിർദേശം നൽകി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.