പൊ​ലീ​സു​കാ​ർ​ക്ക്​ ‘കൂ​നി​​ന്മേ​ൽ കു​രു

തൃ​ശൂ​ർ: റോ​ഡു​ക​ളി​ൽ ട്രാ​ഫി​ക് മാ​ർ​ക്കി​ങ്ങു​ക​ൾ ഇ​ല്ലാ​ത്ത​തും റോ​ഡ് നി​ർ​മാ​ണ​ത്തി​ലെ അ​പാ​ക​ത​മൂ​ലം അ​പ​ക​ട​മു​ണ്ടാ​വു​ന്ന​തു​മാ​യ സ്ഥ​ല​ങ്ങ​ൾ ക​ണ്ടെ​ത്താ​ൻ പൊ​ലീ​സി​ന് നി​ർ​ദേ​ശം. സേ​ന​യി​ൽ വേ​ണ്ട​ത്ര അം​ഗ​ബ​ല​മി​ല്ലാ​തെ എ​ല്ലാ​വ​രും ഇ​ര​ട്ടി ജോ​ലി​ഭാ​രം അ​നു​ഭ​വി​ക്കു​മ്പോ​ഴാ​ണ് തൃ​ശൂ​ർ സി​റ്റി പൊ​ലീ​സ് ക​മീ​ഷ​ണ​റു​ടെ സ​ർ​ക്കു​ല​ർ. സ്റ്റേ​ഷ​ൻ​ത​ല​ത്തി​ൽ റോ​ഡ​രി​കി​ലെ​യും മ​ധ്യ​ത്തി​ലെ​യും മാ​ർ​ക്കി​ങ് ഇ​ല്ലാ​ത്ത സ്ഥ​ല​ങ്ങ​ൾ ക​ണ്ടെ​ത്തു​ക, പൊ​തു​മ​രാ​മ​ത്ത്, ദേ​ശീ​യ​പാ​ത, സം​സ്ഥാ​ന പാ​ത​ക​ളി​ലെ​യും ടാ​റി​ങ്ങും മ​ൺ​മാ​ർ​ജി​നും ത​മ്മി​ലു​ള്ള ഉ​യ​ര​വ്യ​ത്യാ​സം, ദൂ​ര​ക്കാ​ഴ്ച ത​ട​സ്സ​പ്പെ​ട​ൽ തു​ട​ങ്ങി​യ റോ​ഡ് നി​ർ​മാ​ണ അ​പാ​ക​ത​മൂ​ലം അ​പ​ക​ടം ഉ​ണ്ടാ​യ സ്ഥ​ല​ങ്ങ​ൾ ക​ണ്ടെ​ത്തു​ക, ഇ​ങ്ങ​നെ ക​ണ്ടെ​ത്തി​യ സ്ഥ​ല​ങ്ങ​ളു​ടെ വി​വ​ര​ങ്ങ​ളും അ​വി​ടെ​യു​ണ്ടാ​യ അ​പ​ക​ട​ങ്ങ​ളു​ടെ വി​വ​ര​ങ്ങ​ളും സ​ഹി​തം ബ​ന്ധ​പ്പെ​ട്ട ത​ദ്ദേ​ശ സ്ഥാ​പ​ന​ങ്ങ​ൾ, പൊ​തു​മ​രാ​മ​ത്ത്, ദേ​ശീ​യ​പാ​ത അ​തോ​റി​റ്റി​ക​ളെ​കൂ​ടി ഉ​ൾ​പ്പെ​ടു​ത്തി യോ​ഗം ചേ​ർ​ന്ന്​ ന​ട​പ​ടി എ​ടു​ക്കു​ക എ​ന്നി​വ​യാ​ണ്​ നി​ർ​ദേ​ശം.

ക​മീ​ഷ​ണ​റു​ടെ ഉ​ത്ത​ര​വ് പ്രാ​യോ​ഗി​ക​മ​ല്ലെ​ന്നാ​ണ് പൊ​ലീ​സു​കാ​ർ പ​റ​യു​ന്ന​ത്. ഇ​ത​ു​സം​ബ​ന്ധി​ച്ച് പൊ​തു​മ​രാ​മ​ത്ത്, ദേ​ശീ​യ​പാ​ത അ​തോ​റി​റ്റി​ക​ൾ​ക്കു​പോ​ലും കൃ​ത്യ​മാ​യ ധാ​ര​ണ ഉ​ണ്ടാ​വി​ല്ലെ​ന്നി​രി​ക്കെ​യാ​ണ് പൊ​ലീ​സി​ന്​ ‘പ​ണി’​കൊ​ടു​ത്തി​രി​ക്കു​ന്ന​ത്. വാ​ഹ​നാ​പ​ക​ട​ങ്ങ​ൾ​ക്ക്​ റോ​ഡു​ക​ളു​ടെ അ​ശാ​സ്ത്രീ​യ​ത കാ​ര​ണ​മാ​ണെ​ങ്കി​ൽ വ​കു​പ്പ് മേ​ധാ​വി​യെ​യും ക​രാ​റു​കാ​രെ​യും പ്ര​തി ചേ​ർ​ക്ക​ണ​മെ​ന്ന് നി​യ​മ​മു​ണ്ടെ​ങ്കി​ലും ‘അ​മി​ത​വേ​ഗ​വും അ​ശ്ര​ദ്ധ​യോ​ടെ​യു​ള്ള ഡ്രൈ​വി​ങ്ങും’​എ​ന്ന് എ​ഴു​തി​ച്ചേ​ർ​ത്ത് കു​രു​ക്കി​ലാ​ക്കു​ന്ന​താ​ണ് നി​ല​വി​ൽ പൊ​ലീ​സി​ന്‍റെ രീ​തി. മാ​സ​ങ്ങ​ൾ​ക്ക് മു​മ്പ്​ വാ​ടാ​ന​പ്പ​ള്ളി​യി​ൽ വെ​ള്ളം നി​റ​ഞ്ഞ റോ​ഡി​ലെ കു​ഴി​യി​ൽ വീ​ണ് ബൈ​ക്ക് യാ​ത്രി​ക​നാ​യ കു​ന്നം​കു​ള​ത്തെ യു​വാ​വ് മ​രി​ച്ച​തി​ലും മ​ണ്ണു​ത്തി-​വ​ട​ക്ക​ഞ്ചേ​രി ദേ​ശീ​യ​പാ​ത​യി​ലെ അ​പ​ക​ട മ​ര​ണ​ങ്ങ​ളി​ലും പൊ​ലീ​സ് ന​ൽ​കി​യ റി​പ്പോ​ർ​ട്ട് കോ​ട​തി​പോ​ലും രൂ​ക്ഷ​മാ​യി വി​മ​ർ​ശി​ച്ചി​രു​ന്നു.

നി​ല​വി​ൽ ആ​ളി​ല്ലാ​തെ ഇ​ര​ട്ടി ജോ​ലി​ഭാ​ര​ത്തി​ൽ വ​ല​യു​ക​യാ​ണ് പൊ​ലീ​സ്. തൃ​ശൂ​രി​ൽ കീ​ഴു​ദ്യോ​ഗ​സ്ഥ​രെ ബ​ലി​യാ​ടാ​ക്കി​യു​ള്ള പീ​ഡ​നം പ​രി​ധി വി​ട്ട നി​ല​യി​ലാ​ണ്. ക്രൈം​ബ്രാ​ഞ്ച് എ​സ്.​ഐ​യെ ക​ള്ള​ക്കേ​സി​ൽ കു​ടു​ക്കു​ന്ന ത​ര​ത്തി​ൽ വ​രെ എ​ത്തി. മേ​ലു​ദ്യോ​ഗ​സ്ഥ​രു​ടെ പീ​ഡ​നം കാ​ര​ണം കു​റെ​പ്പേ​ർ അ​വ​ധി​യി​ലാ​ണ്. ഉ​ള്ള​വ​ർ പ്രാ​ഥ​മി​കാ​വ​ശ്യം നി​ർ​വ​ഹി​ക്കാ​ൻ സ​മ​യ​മി​ല്ലാ​ത്ത വി​ധം നെ​ട്ടോ​ട്ട​ത്തി​ലാ​ണ്. പു​ഴ​ക്ക​ൽ, പാ​ല​ക്ക​ൽ തു​ട​ങ്ങി ട്രാ​ഫി​ക് ഡ്യൂ​ട്ടി​യി​ലാ​ണ് അ​ധി​ക​വും. ഒ​പ്പം രാ​ഷ്ട്രീ​യ​പാ​ർ​ട്ടി​ക​ളു​ടെ പ്ര​ക​ട​ന​ത്തി​നും പ​രി​പാ​ടി​ക​ൾ​ക്കും സു​ര​ക്ഷ​യൊ​രു​ക്ക​ലും. ക​ഴി​ഞ്ഞ ഓ​ണ​ക്കാ​ല​ത്ത്‌ പ്ര​ത്യേ​ക പ​ട്രോ​ളി​ങ്​ ഏ​ർ​പ്പെ​ടു​ത്തി ക​ന​ത്ത സു​ര​ക്ഷ​യും ജാ​ഗ്ര​ത​യി​ലു​മാ​ണെ​ന്ന് പൊ​ലീ​സ് അ​റി​യി​ച്ച ദി​വ​സ​മാ​ണ്​ തൃ​ശൂ​ർ ന​ഗ​ര​പ​രി​ധി​യി​ൽ​ത​ന്നെ ഇ​ര​ട്ട​ക്കൊ​ല​പാ​ത​കം ഉ​ണ്ടാ​യ​ത്.

കേ​സ് അ​ന്വേ​ഷ​ണ​ങ്ങ​ൾ​ക്ക് സ​മ​യ​മി​ല്ലെ​ന്ന് സേ​നാം​ഗ​ങ്ങ​ൾ പ​റ​യു​ന്നു. ട്രാ​ഫി​ക് ഡ്യൂ​ട്ടി പൊ​ലീ​സി​ന്‍റെ ചു​മ​ത​ല​യാ​ണെ​ങ്കി​ലും റോ​ഡു​ക​ളു​ടെ അ​ശാ​സ്ത്രീ​യ നി​ർ​മാ​ണ​വും ത​ക​ർ​ച്ച​യും കൃ​ത്യ​മാ​യ പ​രി​പാ​ല​ന​വും ഇ​ല്ലാ​ത്ത​താ​ണ് അ​പ​ക​ട​ങ്ങ​ൾ​ക്ക് പ്ര​ധാ​ന കാ​ര​ണം. ഇ​ത് പ​രി​ഹ​രി​ക്കാ​ൻ സ​ർ​ക്കാ​ർ​ത​ല​ത്തി​ൽ ബ​ന്ധ​പ്പെ​ട്ട വ​കു​പ്പു​ക​ളാ​ണ് ന​ട​പ​ടി​യെ​ടു​ക്കേ​ണ്ട​ത്. ട്രാ​ഫി​ക് ക്ര​മീ​ക​ര​ണ​ത്തി​ന്‍റെ ഭാ​ഗ​മാ​യി തൃ​ശൂ​ർ ന​ഗ​ര​ത്തി​ൽ സ്വ​രാ​ജ് റൗ​ണ്ടി​ൽ സി​ഗ്ന​ൽ തൂ​ണു​ക​ൾ സ്ഥാ​പി​ച്ച​ത് അ​നു​മ​തി​യി​ല്ലാ​തെ​യാ​ണെ​ന്ന്​ ക​ണ്ടെ​ത്തി കോ​ർ​പ​റേ​ഷ​ൻ നീ​ക്കി​യി​രു​ന്നു.