ഏ​റ്റെ​ടു​ക്കാ​ൻ സ​ർ​ക്കാ​ർ ഉ​ത്ത​ര​വി​ട്ട ആ​ന​യെ ഉ​ത്സ​വ​ത്തി​ന് എ​ഴു​ന്ന​ള്ളി​ച്ചു

തൃ​ശൂ​ർ: ആ​ന​ചി​കി​ത്സ കേ​ന്ദ്ര​ത്തി​ലേ​ക്ക് മാ​റ്റാ​ൻ സു​പ്രീം​കോ​ട​തി നി​ർ​ദേ​ശി​ച്ച കൊ​മ്പ​ൻ ഊ​ട്ടോ​ളി പ്ര​സാ​ദി​നെ അ​ന​ധി​കൃ​ത​മാ​യി ഉ​ത്സ​വ​ത്തി​ന് എ​ഴു​ന്ന​ള്ളി​ച്ച​താ​യി പ​രാ​തി. തൃ​ക്കാ​ർ​ത്തി​ക ആ​ഘോ​ഷ​ത്തോ​ട​നു​ബ​ന്ധി​ച്ച് ഊ​ര​കം ക്ഷേ​ത്ര​ത്തി​ലാ​ണ് രാ​വി​ലെ​യും ഉ​ച്ച​ക​ഴി​ഞ്ഞു​മാ​യി എ​ഴു​ന്ന​ള്ളി​ച്ച​തെ​ന്നാ​ണ് വ​നം​വ​കു​പ്പി​ന് ഹെ​റി​റ്റേ​ജ് അ​നി​മ​ൽ ടാ​സ്ക്ഫോ​ഴ്സ് ന​ൽ​കി​യ പ​രാ​തി​യി​ലു​ള്ള​ത്. ആ​ന​യു​ടെ ആ​രോ​ഗ്യ​സ്ഥി​തി മോ​ശ​മാ​ണെ​ന്നും കാ​ലി​ന് ത​ള​ർ​ച്ച​യു​ണ്ടെ​ന്നു​മ​ട​ക്കം ക​ണ്ടെ​ത്തി ചി​കി​ത്സ​യു​ടെ ഭാ​ഗ​മാ​യാ​ണ് കോ​ട​നാ​ട് ആ​ന​ചി​കി​ത്സ കേ​ന്ദ്ര​ത്തി​ലേ​ക്ക് മാ​റ്റാ​ൻ ചീ​ഫ് വൈ​ൽ​ഡ് ലൈ​ഫ് വാ​ർ​ഡ​ൻ ഒ​രു​മാ​സം മു​മ്പ് ഉ​ത്ത​ര​വി​ട്ട​ത്.

ആ​ന​ക​ളെ കൊ​ണ്ടു​പോ​കാ​നാ​യി സു​പ്രീം​കോ​ട​തി നി​ർ​ദേ​ശ​പ്ര​കാ​രം രൂ​പ​വ​ത്ക​രി​ച്ച ഹൈ​പ​വേ​ഡ് ക​മ്മി​റ്റി​യു​ടെ നി​ർ​ദേ​ശ​പ്ര​കാ​ര​മാ​യി​രു​ന്നു ചീ​ഫ് വൈ​ൽ​ഡ് ലൈ​ഫ് വാ​ർ​ഡ​ൻ ഊ​ട്ടോ​ളി പ്ര​സാ​ദി​നെ ഏ​റ്റെ​ടു​ക്കാ​ൻ ഉ​ത്ത​ര​വി​ട്ട​ത്. എ​ഴു​ന്ന​ള്ളി​പ്പു​ക​ളി​ലോ മ​റ്റ് ആ​വ​ശ്യ​ങ്ങ​ൾ​ക്കോ ഉ​പ​യോ​ഗി​ക്ക​രു​തെ​ന്ന​ത​ട​ക്കം ക​ർ​ശ​ന നി​ർ​ദേ​ശം ഉ​ത്ത​ര​വി​ലു​ണ്ടാ​യി​രു​ന്നു. എ​ന്നാ​ൽ, ഇ​ത് ധി​ക്ക​രി​ച്ചാ​ണ് എ​ഴു​ന്ന​ള്ളി​പ്പി​ൽ പ​ങ്കെ​ടു​പ്പി​ച്ച​ത്. സ​ർ​ക്കാ​ർ ഉ​ത്ത​ര​വി​ന് പി​ന്നി​ൽ ആ​ന​യെ ഗു​ജ​റാ​ത്തി​ലേ​ക്ക് ക​ട​ത്താ​നു​ള്ള നീ​ക്ക​മാ​ണെ​ന്നും ആ​ന ഉ​ട​മ സം​ഘ​ട​ന​നേ​താ​വി​ന്റെ പ്ര​തി​കാ​ര ന​ട​പ​ടി​യാ​ണെ​ന്നും ആ​രോ​പി​ച്ച് ഉ​ട​മ ഊ​ട്ടോ​ളി കൃ​ഷ്ണ​ൻ​കു​ട്ടി രം​ഗ​ത്ത് വ​ന്നു​വെ​ങ്കി​ലും അ​ടു​ത്ത​ദി​വ​സം​ത​ന്നെ ആ​ന​യെ ഗു​ജ​റാ​ത്തി​ലേ​ക്ക് ചി​കി​ത്സ​ക്ക് കൊ​ണ്ടു​പോ​കു​ന്ന​തി​ന് വ​നം​വ​കു​പ്പി​നോ​ട് അ​നു​മ​തി തേ​ടി​യ ക​ത്തും വ​നം​വ​കു​പ്പി​ന്റെ അ​ന്വേ​ഷ​ണ റി​പ്പോ​ർ​ട്ടും പു​റ​ത്തു​വ​ന്ന​തോ​ടെ ആ​രോ​പ​ണം തി​രി​ച്ച​ടി​ച്ചി​രു​ന്നു.

പി​ന്നാ​ലെ ആ​ന​യെ വി​ൽ​ക്കാ​ൻ ഇ​ട​നി​ല​ക്കാ​ര​നു​മാ​യി വി​ല പേ​ശു​ന്ന ഫോ​ൺ സം​ഭാ​ഷ​ണ​വും പു​റ​ത്തു​വ​ന്ന​തും വി​വാ​ദ​മാ​യി. രാ​ജ്യ​ത്ത് ആ​ന​ക്ക​ട​ത്തും ആ​ന​ക്കൈ​മാ​റ്റ​വും വി​ൽ​പ​ന​യും പാ​ടി​ല്ലെ​ന്നി​രി​ക്കെ​യാ​യി​രു​ന്നു വി​ൽ​ക്കാ​നു​ള്ള ശ്ര​മം. എ​ഴു​ന്ന​ള്ളി​ക്കാ​ൻ ഫി​റ്റ്ന​സ് സ​ർ​ട്ടി​ഫി​ക്ക​റ്റ്, ക​ല​ക്ട​ർ ചെ​യ​ർ​മാ​നാ​യു​ള്ള നാ​ട്ടാ​ന നി​രീ​ക്ഷ​ണ സ​മി​തി​യു​ടെ അ​നു​മ​തി, പൊ​ലീ​സ്, വ​നം​വ​കു​പ്പ് അ​നു​മ​തി​ക​ളെ​ല്ലാം വേ​ണം. ചി​കി​ത്സ​ക്കാ​യി ഏ​റ്റെ​ടു​ക്കാ​ൻ സ​ർ​ക്കാ​ർ ഉ​ത്ത​ര​വി​ട്ട ആ​ന​ക്ക് ഈ ​അ​നു​മ​തി​ക​ളൊ​ന്നും ന​ൽ​കാ​നാ​വി​ല്ല. ക​ർ​ശ​ന നി​യ​മ​ന​ട​പ​ടി​യു​ണ്ടാ​വ​ണ​മെ​ന്നും അ​ടി​യ​ന്ത​ര​മാ​യി ആ​ന​യെ ഏ​റ്റെ​ടു​ത്ത് ചി​കി​ത്സ ല​ഭ്യ​മാ​ക്ക​ണ​മെ​ന്നും ഹെ​റി​റ്റേ​ജ് അ​നി​മ​ൽ ടാ​സ്ക്​​ഫോ​ഴ്സ് ആ​വ​ശ്യ​പ്പെ​ട്ടു. 30 വ​ർ​ഷം മു​മ്പു​ണ്ടാ​യ പ​രി​ക്കാ​ണ് പ്ര​സാ​ദി​ന്റെ കാ​ലി​ലെ വ​ള​വി​ന് കാ​ര​ണ​മാ​യ​ത്. ഇ​ത് രൂ​ക്ഷ​മാ​വു​ന്നു​വെ​ന്നാ​ണ് ക​ണ്ടെ​ത്ത​ൽ. ഈ ​സാ​ഹ​ച​ര്യ​ത്തി​ലാ​ണ് ചി​കി​ത്സ​ക്കാ​യി ഏ​റ്റെ​ടു​ക്കാ​ൻ സു​പ്രീം​കോ​ട​തി നി​യോ​ഗി​ച്ച ഉ​ന്ന​താ​ധി​കാ​ര സ​മി​തി​യു​ടെ നി​ർ​ദേ​ശ​പ്ര​കാ​രം സ​ർ​ക്കാ​ർ ഉ​ത്ത​ര​വ്.