തൃ​ശൂ​ർ പൊ​ലീ​സി​ന്റെ വ​ഴി​വി​ട്ട പ്ര​വ​ർ​ത്ത​ന​ങ്ങ​ൾ മു​ഖ്യ​മ​ന്ത്രി​ക്ക​രി​കി​ൽ

തൃ​ശൂ​ർ: സി​റ്റി പൊ​ലീ​സി​ന്റെ പ്ര​വ​ർ​ത്ത​ന​ങ്ങ​ളി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ന് ക​ടു​ത്ത അ​തൃ​പ്തി. ജി​ല്ല​യി​ലെ സ​മീ​പ​കാ​ല സം​ഭ​വ​ങ്ങ​ളെ​ക്കു​റി​ച്ച് പൊ​ലീ​സ് അ​സോ​സി​യേ​ഷ​ൻ നേ​താ​ക്ക​ൾ മു​ഖ്യ​മ​ന്ത്രി​യെ​യും സി.​പി.​എം നേ​തൃ​ത്വ​ത്തെ​യും പ​രാ​തി അ​റി​യി​ച്ചു. ക​മീ​ഷ​ണ​റ​ട​ക്ക​മു​ള്ള ഉ​ന്ന​ത ഉ​ദ്യോ​ഗ​സ്ഥ​രു​ടെ ‘തോ​ന്നി​വാ​സ​ത്തി​ൽ ബ​ലി​യാ​ടു​ക​ളാ​വു’​ക​യാ​ണ് ത​ങ്ങ​ളെ​ന്ന ഗു​രു​ത​ര പ​രാ​തി​യാ​ണ് അ​സോ​സി​യേ​ഷ​ൻ നേ​തൃ​ത്വം അ​റി​യി​ച്ചി​രി​ക്കു​ന്ന​ത്.

മേ​ലു​ദ്യോ​ഗ​സ്ഥ​രു​ടെ തെ​റ്റാ​യ ന​ട​പ​ടി​യി​ൽ എ​സ്.​ഐ പ​ദ​വി​യി​ലു​ള്ള ഉ​ദ്യോ​ഗ​സ്ഥ​നെ പൊ​തു​സ്ഥ​ല​ത്ത് മ​ദ്യ​പി​ച്ചു​വെ​ന്ന് കാ​ണി​ച്ച് ക​ള്ള​ക്കേ​സെ​ടു​ത്ത​താ​ണ് ഒ​ടു​വി​ല​ത്തേ​ത്. സി​റ്റി ക്രൈം​ബ്രാ​ഞ്ച് എ​സ്.​ഐ ടി.​ആ​ർ ആ​മോ​ദി​ന്റെ ഭാ​ര്യ ന​ൽ​കി​യ പ​രാ​തി​യി​ൽ ഡി.​ജി.​പി​യോ​ട് മു​ഖ്യ​മ​ന്ത്രി വി​ശ​ദീ​ക​ര​ണം തേ​ടി. ഇ​തോ​ടൊ​പ്പം അ​സോ​സി​യേ​ഷ​ൻ നേ​താ​ക്ക​ളി​ൽ​നി​ന്നും വി​വ​ര​ങ്ങ​ൾ തേ​ടി​യി​ട്ടു​ണ്ട്.

അ​ങ്കി​ത് അ​ശോ​ക​ൻ ചു​മ​ത​ല​യേ​റ്റ​ശേ​ഷ​മാ​ണ് സി​റ്റി പൊ​ലീ​സി​ൽ ഇ​ത്ര​യേ​റെ കെ​ടു​കാ​ര്യ​സ്ഥ​ത‍യു​ണ്ടാ​യതെ​ന്ന പ​രാ​തി​യാ​ണ് സേ​നാം​ഗ​ങ്ങ​ൾ​ക്ക്. ഇ​ക്ക​ഴി​ഞ്ഞ പൂ​രം ക്ര​മ​സ​മാ​ധാ​ന​പാ​ല​ന​ത്തി​ല​ട​ക്കം സം​ഭ​വി​ച്ച പി​ഴ​വു​ക​ൾ മാ​സ​ങ്ങ​ൾ​ക്കി​പ്പു​റ​വും തു​ട​രു​ക​യാ​ണ്. ക​മീ​ഷ​ണ​റേ​റ്റി​ന്റെ ചു​റ്റ​ള​വി​ലെ പൊ​ലീ​സ് സ്റ്റേ​ഷ​നു​ക​ളി​ൽ ത​ന്നെ ഉ​ദ്യോ​ഗ​സ്ഥ അ​ലം​ഭാ​വ​മാ​ണ്. ചേ​രി​പ്പോ​ര് പൊ​ലീ​സ് സേ​ന​യെ നി​ർ​വീ​ര്യ​മാ​ക്കി.

ക​ഞ്ചാ​വു​മാ​യി പൊ​ലീ​സ് പി​ടി​കൂ​ടി​യ പ്ര​തി, ത​ന്റെ പോ​ക്ക​റ്റി​ൽ പൊ​ലീ​സ് ക​ഞ്ചാ​വി​ട്ട് കേ​സെ​ടു​ക്കു​ക​യാ​യി​രു​ന്നു​വെ​ന്ന് പ​രാ​തി​പ്പെ​ട്ടി​ട്ട് അ​ധി​കം ദി​വ​സ​മാ​യി​ട്ടി​ല്ല. ഇ​തി​നെ സാ​ധൂ​ക​രി​ച്ചാ​ണ് ര​ഹ​സ്യാ​ന്വേ​ഷ​ണ വി​ഭാ​ഗ​വും റി​പ്പോ​ർ​ട്ട് ന​ൽ​കി​യ​ത്. ഇ​തോ​ടെ കേ​സെ​ടു​ത്ത എ​സ്.​ഐ​യും സി.​പി.​ഒ​യും കെ​ണി​യി​ലാ​യി.

കാ​പ്പ ചു​മ​ത്തി നാ​ട് ക​ട​ത്ത​പ്പെ​ട്ട ക്രി​മി​ന​ലി​ന്റെ പ​രാ​തി​യി​ൽ ഏ​ഴ് പൊ​ലീ​സു​കാ​രും ന​ട​പ​ടി നേ​രി​ട്ടു. ന​ഗ​ര​ത്തി​ലെ ബാ​റി​ന് സ​മീ​പ​ത്തു​നി​ന്ന് മ​ദ്യ​പി​ച്ച് ല​ക്കു​കെ​ട്ട നി​ല​യി​ലാ​യി​രു​ന്ന ബൈ​ക്ക് യാ​ത്രി​ക​നെ ബൈ​ക്ക് ക​സ്റ്റ​ഡി​യി​ലെ​ടു​ത്ത് രാ​ത്രി​യി​ൽ വ​ഴി​യി​ൽ ഇ​റ​ക്കി​വി​ട്ട സം​ഭ​വ​മു​ണ്ടാ​യി.

ഇ​തി​ൽ എ​സ്.​ഐ അ​ട​ക്ക​മു​ള്ള​വ​ർ​ക്കെ​തി​രെ ന​ട​പ​ടി​യു​ണ്ടാ​യി. ജ​യി​ലി​ലേ​ക്ക് അ​യ​ച്ച പ്ര​തി​യു​ടെ ബാ​ഗി​ൽ സ്വ​ർ​ണാ​ഭ​ര​ണം ക​ണ്ടെ​ത്തി​യ സം​ഭ​വ​ത്തി​ൽ വ്യാ​ജ​കേ​സെ​ടു​ത്തെ​ന്ന ആ​രോ​പ​ണ​ത്തി​ലും പൊ​ലീ​സു​കാ​ർ പ്ര​തി​ക്കൂ​ട്ടി​ലാ​യി ന​ട​പ​ടി നേ​രി​ട്ടു.

ചേ​രി​പ്പോ​രി​ൽ സേ​നാം​ഗ​ങ്ങ​ളെ ഭി​ന്നി​പ്പി​ച്ച​തി​നൊ​പ്പം നി​ർ​വീ​ര്യ​മാ​ക്കു​ക​യും ചെ​യ്തു. ഒ​രു​കാ​ല​ത്ത് ഗു​ണ്ട​ക​ൾ അ​ട​ക്കി​വാ​ണ തൃ​ശൂ​രി​നെ ജി​ല്ല​യി​ലെ പൊ​ലീ​സി​ന്റെ ശ്ര​മ​ക​ര​മാ​യ പ്ര​വ​ർ​ത്ത​ന​ത്തി​ലൂ​ടെ​യാ​ണ് ഒ​തു​ക്കി​യ​ത്. എ​ന്നാ​ൽ, ഇ​ക്ക​ഴി​ഞ്ഞ ഓ​ണ​നാ​ളു​ക​ളി​ൽ ന​ഗ​ര പ​രി​ധി​യി​ൽ ഗു​ണ്ടാ-​ക​ഞ്ചാ​വ് സം​ഘ​ങ്ങ​ൾ ന​ട​ത്തി​യ​ത് ഇ​ര​ട്ട​ക്കൊ​ല​പാ​ത​ക​മാ​ണ്. പ്ര​തി​ക​ളെ 24 മ​ണി​ക്കൂ​റി​ന​കം പി​ടി​കൂ​ടി​യ​താ​ണ് വ​ലി​യ വി​മ​ർ​ശ​ന​ത്തി​ന് ഇ​ട​യാ​ക്കാ​തി​രു​ന്ന​ത്.

പൊ​തു​സ്ഥ​ല​ത്ത് മ​ദ്യ​പി​ച്ചെ​ന്ന് കാ​ണി​ച്ച് നി​ര​പ​രാ​ധി​യാ​യ ഉ​ദ്യോ​ഗ​സ്ഥ​നെ സ​സ്പെ​ൻ​ഡ് ചെ​യ്ത​പ്പോ​ൾ, പൊ​തു​സ​മൂ​ഹ​ത്തി​ൽ സേ​ന​യെ​യും വ്യ​ക്തി​യെ​യും പ​ര​സ്യ​മാ​യി അ​പ​മാ​നി​ച്ച കു​റ്റം ചെ​യ്ത നി​യ​മ​പാ​ല​ക​നാ​യ സി.​ഐ​യെ ഉ​ദ്യോ​ഗ​സ്ഥ​ർ സം​ര​ക്ഷി​ക്കു​ക​യാ​ണെ​ന്ന് സേ​നാം​ഗ​ങ്ങ​ൾ ആ​രോ​പി​ക്കു​ന്ന.

ആ​ളി​ല്ലാ​തെ ജീ​വ​ന​ക്കാ​ർ നെ​ട്ടോ​ട്ട​മോ​ടു​മ്പോ​ഴാ​ണ് മേ​ലു​ദ്യോ​ഗ​സ്ഥ​രു​ടെ ത​ൻ​പ്ര​മാ​ണി​ത്ത​ത്തി​ന് കീ​ഴു​ദ്യോ​ഗ​സ്ഥ​ർ ബ​ലി​യാ​ടാ​വു​ന്ന​ത്. ഇ​നി അ​ങ്ങ​നെ നീ​ങ്ങാ​നി​ല്ലെ​ന്ന നി​ല​പാ​ടി​ലാ​ണ് സേ​നാം​ഗ​ങ്ങ​ൾ.