സൂ​ര്യ​ൻ വ​ല്ലാ​ത്ത ചൂടിലാ

തൃ​ശൂ​ർ: ജി​ല്ല​യി​ൽ ക​ന​ത്ത ചൂ​ട് തു​ട​രു​ന്നു. വി​ല​ങ്ങ​ൻ​കു​ന്നി​ൽ ഇ​ന്ന​ലെ രേ​ഖ​പ്പെ​ടു​ത്തി​യ​ത് 39 ഡി​ഗ്രി ചൂ​ടാ​ണ്. ചാ​ല​ക്കു​ടി (36.6), കു​ന്നം​കു​ളം (37.5), ലോ​വ​ർ ഷോ​ള​യാ​ർ (30.4), പീ​ച്ചി (37.8), പെ​രി​ങ്ങ​ൽ​കു​ത്ത് (35.3), വെ​ള്ളാ​നി​ക്ക​ര (37.9), ഏ​നാ​മാ​ക്ക​ൽ (32.6), വൈ​ന്ത​ല (36.3) എ​ന്നി​ങ്ങ​നെ​യാ​ണ് വി​വി​ധ സ്ഥ​ല​ങ്ങ​ളി​ൽ ഞാ​യ​റാ​ഴ്ച രേ​ഖ​പ്പെ​ടു​ത്തി​യ ഉ​യ​ർ​ന്ന താ​പ​നി​ല.

ക​ന​ത്ത ചൂ​ടി​​നെ തു​ട​ർ​ന്ന് ജി​ല്ല ഭ​ര​ണ​കൂ​ടം ദി​വ​സ​ങ്ങ​ൾ​ക്ക് മു​മ്പു​ത​ന്നെ ജാ​ഗ്ര​താ നി​ർ​ദേ​ശം പു​റ​പ്പെ​ടു​വി​ച്ചി​രു​ന്നു. പു​റം​ജോ​ലി​ക​ൾ ചെ​യ്യു​ന്ന​വ​രു​ടെ ജോ​ലി​സ​മ​യ​വും പു​ന​ക്ര​മീ​ക​രി​ച്ചി​രു​ന്നു. വ​ള​ർ​ത്തു മൃ​ഗ​ങ്ങ​ളു​ടെ കാ​ര്യ​ത്തി​ലും ക​രു​ത​ൽ വേ​ണ്ട സ​മ​യ​മാ​ണി​ത്. മാ​ർ​ച്ചി​ലേ​ക്ക് ക​ട​ക്കു​ന്ന​തോ​ടെ ചൂ​ട് കൂ​ടു​ത​ൽ ക​ഠി​ന​മാ​കും. എ​ങ്കി​ലും പ​ത്താം തീ​യ​തി​ക്ക് ശേ​ഷം വേ​ന​ൽ മ​ഴ പ്ര​തീ​ക്ഷി​ക്കു​ന്നു​ണ്ട്. ക​ഴി​ഞ്ഞ ദി​വ​സം ജി​ല്ല​യു​ടെ ചി​ല പ്ര​ദേ​ശ​ങ്ങ​ളി​ൽ ചാ​റ്റ​ൽ മ​ഴ ല​ഭി​ച്ചി​രു​ന്നു.

പാ​ല​ക്കാ​ട​ൻ കാ​റ്റ് ജി​ല്ല​യി​ൽ പ​ല ഭാ​ഗ​ത്തും ശ​ക്ത​മാ​യി വീ​ശി​യി​രു​ന്നു. എ​ന്നാ​ൽ, ഇ​പ്പോ​ൾ ഇ​ത് നി​ല​ച്ച മ​ട്ടാ​ണ്. രാ​ത്രി ത​ണു​പ്പി​ലും കു​റ​വ് വ​ന്ന് തു​ട​ങ്ങി​യി​ട്ടു​ണ്ട്. ജി​ല്ല​യു​ടെ പ​ല പ്ര​ദേ​ശ​ങ്ങ​ളും വ​ര​ൾ​ച്ച​യു​ടെ പി​ടി​യി​ലേ​ക്ക് പോ​കു​ന്ന​തി​ൽ ആ​ശ​ങ്ക ശ​ക്ത​മാ​ണ്.