എന്നുണരും ഈ അടുക്കളകൾ

തൃ​ശൂ​ർ: ​എ​ന്തു ചെ​യ്യ​ണ​മെ​ന്ന​റി​യാ​തെ അ​ര​ക്ഷി​താ​വ​സ്ഥ​യി​ൽ നാ​ളു​ക​ൾ ത​ള്ളി​നീ​ക്കു​ക​യാ​ണ്​ ഹോ​ട്ട​ൽ ഉ​ട​മ​ക​ൾ. മൊ​ത്തം ഹോ​ട്ട​ലു​ക​ളി​ൽ 30 ശ​ത​മാ​നം മാ​ത്ര​മേ നാ​ളി​തു​വ​രെ പ്ര​വ​ർ​ത്ത​നം തു​ട​ങ്ങി​യി​ട്ടു​ള്ളൂ. നി​യ​ന്ത്ര​ണ​ങ്ങ​ളെ​ത്തു​ട​ർ​ന്ന്​ അ​നു​വ​ദ​നീ​യ​മാ​യ പാ​ർ​സ​ൽ, ടേ​ക്ക് എ​വേ സം​വി​ധാ​ന​ങ്ങ​ളി​ലാ​ണ്​ പ്ര​തീ​ക്ഷ. പാ​ർ​സ​ലു​ക​ൾ ഏ​റെ​യും നോ​ൺ​വെ​ജ്​ - അ​റേ​ബ്യ​ൻ വി​ഭ​വ​ങ്ങ​ളൊ​രു​ക്കു​ന്ന ഹോ​ട്ട​ലു​ക​ൾ​ക്കാ​ണ്. മ​റ്റു​ ഹോ​ട്ട​ലു​ക​ൾ ത​ട്ടി​യും മു​ട്ടി​യും ത​ള്ളി​നീ​ക്കു​ന്നു​വെ​ന്ന്​ മാ​ത്രം. ഇ​തി​ന്​ പു​റ​മെ​യാ​ണ്​ ഓ​ൺ​ലൈ​ൻ ഭ​ക്ഷ്യ​വി​ത​ര​ണ​ക്കാ​രു​ടെ ചൂ​ഷ​ണം. മൊ​ത്തം തു​ക​യു​ടെ 30 ശ​ത​മാ​നം കി​ഴി​വാ​ണ്​ മി​ക്ക ഓ​ൺ​ലൈ​ൻ ക​മ്പ​നി​ക​ളും ആ​വ​ശ്യ​പ്പെ​ടു​ക. ഇ​തി​ൽ നി​ന്നാ​ണ്​ അ​വ​ർ ഓ​ഫ​റു​ക​ൾ പ്ര​ഖ്യാ​പി​ക്കു​ന്ന​തും. മാ​ത്ര​മ​ല്ല, അ​വ​രി​ൽ നി​ന്ന്​ പ​ണ​മെ​ത്താ​ൻ മാ​സം ക​ഴി​യേ​ണ്ടി​വ​രു​ന്നു​ണ്ടെ​ന്ന്​ ഹോ​ട്ട​ലു​ട​മ​ക​ൾ പ​റ​യു​ന്നു.

കൂ​ടു​ത​ൽ ഇ​ള​വു​ക​ൾ പ്ര​ഖ്യാ​പി​ച്ച​പ്പോ​ഴും ഹോ​ട്ട​ൽ മേ​ഖ​ല​ക്ക് നി​യ​ന്ത്ര​ണം തു​ട​രു​ന്ന​തി​നാ​ൽ തൊ​ഴി​ൽ ന​ഷ്​​ട​പ്പെ​ട്ട് ക​ഷ്​​ട​പ്പെ​ടു​ക​യാ​ണ് ആ​യി​ര​ക്ക​ണ​ക്കി​ന് തൊ​ഴി​ലാ​ളി കു​ടും​ബ​ങ്ങ​ൾ. ബാ​ങ്ക് വാ​യ്പ തി​രി​ച്ച​ട​വ്, വാ​ട​ക, വൈ​ദ്യു​തി ബി​ല്ലു​ക​ൾ എ​ന്നി​വ താ​ങ്ങാ​നാ​വാ​തെ ഹോ​ട്ട​ലു​ട​മ​ക​ളും ക​ടു​ത്ത സാ​മ്പ​ത്തി​ക പ്ര​തി​സ​ന്ധി​യി​ലാ​ണ്.

ബി​വ​റേ​ജ​സ് ഔ​ട്ട്​​ലെ​റ്റു​ക​ളി​ൽ അ​ട​ക്കം വ​ലി​യ ആ​ൾ​ക്കൂ​ട്ട​വും തി​ര​ക്കു​മു​ള്ള പ​ശ്ചാ​ത്ത​ല​ത്തി​ൽ ഹോ​ട്ട​ലു​ക​ൾ​ക്ക് നി​യ​ന്ത്ര​ണം തു​ട​രു​ന്ന​തി​ൽ ഹോ​ട്ട​ലു​ട​മ​ക​ൾ പ്ര​തി​ഷേ​ധ​ത്തി​ലാ​ണ്. ട്രി​പ്ൾ ലോ​ക് ഡൗ​ൺ ദി​വ​സ​ങ്ങ​ളി​ൽ പാ​ർ​സ​ൽ ന​ൽ​ക​രു​തെ​ന്ന നി​ർ​ദേ​ശം യു​ക്തി​ക്ക് നി​ര​ക്കു​ന്ന​ത​ല്ലെ​ന്നും നി​യ​ന്ത്ര​ണം കാ​ര​ണം ഭൂ​രി​പ​ക്ഷം ഹോ​ട്ട​ലു​ക​ളും റ​സ്‌​റ്റാ​റ​ൻ​റു​ക​ളും അ​ട​ഞ്ഞു​കി​ട​ക്കു​ക​യാ​ണെ​ന്നും ചൂ​ണ്ടി​ക്കാ​ട്ടി ഹോ​ട്ട​ൽ ആ​ൻ​ഡ് റ​സ്‌​റ്റാ​റ​ൻ​റ്​ അ​സോ​സി​യേ​ഷ​ൻ സ​ർ​ക്കാ​റി​ന് നി​വേ​ദ​നം ന​ൽ​കി​യി​രു​ന്നു.

സീ​റ്റി​ങ്​ ക​പ്പാ​സി​റ്റി​യു​ടെ 50 ശ​ത​മാ​നം ഇ​രി​പ്പി​ട​ങ്ങ​ളി​ലെ​ങ്കി​ലും ആ​ളു​ക​ളെ പ്ര​വേ​ശി​പ്പി​ക്ക​ണ​മെ​ന്നും ടി.​പി.​ആ​ർ 16 ശ​ത​മാ​ന​ത്തി​ന് താ​ഴെ​യു​ള്ള പ്ര​ദേ​ശ​ങ്ങ​ളി​ൽ തു​റ​ന്ന് പ്ര​വ​ർ​ത്തി​ക്കാ​ൻ അ​നു​വ​ദി​ക്ക​ണ​മെ​ന്നും രാ​ത്രി ഒ​മ്പ​ത​ര വ​രെ പ്ര​വ​ർ​ത്ത​നാ​നു​മ​തി നീ​ട്ട​ണ​മെ​ന്നും ആ​വ​ശ്യം ഉ​ന്ന​യി​ച്ചി​ട്ടു​ണ്ട്.

ഓ​ൺ​ലൈ​ൻ ഭ​ക്ഷ​ണ വി​ത​ര​ണ​ക്കാ​രു​ടെ ചൂ​ഷ​ണം മ​റി​ക​ട​ക്കാ​ൻ ഹോ​ട്ട​ലു​ട​മ​ക​ളു​ടെ സം​ഘ​ട​ന 'ര​സോ​യി' എ​ന്ന ആ​പ്​ പു​റ​ത്തി​റ​ക്കി​യി​ട്ടു​ണ്ട്. കോ​ർ​പ​റേ​ഷ​ൻ മേ​ഖ​ല​യി​ൽ മാ​ത്ര​മാ​ണ്​ ഇ​പ്പോ​ൾ സേ​വ​നം.

അ​സോ​സി​യേ​ഷ​ന്​ കീ​ഴി​ലെ ഹോ​ട്ട​ലു​ക​ളി​ൽ നി​ന്ന്​ ഭ​ക്ഷ​ണം ആ​വ​ശ്യ​ക്കാ​രി​ലെ​ത്തി​ക്കാ​ൻ ആ​പ്​ കൂ​ടു​ത​ൽ ജ​ന​പ്രി​യ​മാ​കാ​നു​ള്ള വ​ഴി​ക​ൾ തേ​ടു​ക​യാ​ണ്​ ഇ​വ​ർ.