കുളമുണ്ട്, വെള്ളവുമുണ്ട്; എത്തിപ്പെടാന്‍ വഴിയില്ല; വെ​ള്ള​ത്തി​നാ​യി നെ​ട്ടോ​ട്ട​മോ​ടി ജനങ്ങൾ

വെ​ള്ളി​ക്കു​ള​ങ്ങ​ര: വേ​ന​ല്‍ച്ചൂ​ട് ക​ടു​ത്ത​തോ​ടെ പ​ല​യി​ട​ങ്ങ​ളി​ലും ജ​ന​ങ്ങ​ള്‍ വെ​ള്ള​ത്തി​നാ​യി നെ​ട്ടോ​ട്ട​മോ​ടു​മ്പോ​ള്‍ മ​ല​യോ​ര​ത്തെ ജ​ല​സ​മൃ​ദ്ധ​മാ​യ പൊ​തു​കു​ളം ആ​ര്‍ക്കും പ്ര​യോ​ജ​ന​പ്പെ​ടാ​തെ അ​വ​ഗ​ണ​ന​യി​ല്‍ കി​ട​ക്കു​ന്നു. വെ​ള്ളി​ക്കു​ള​ങ്ങ​ര തേ​ശേ​രി​കു​ള​മാ​ണ് ന​വീ​ക​ര​ണം പാ​തി​വ​ഴി​യി​ല്‍ നി​ല​ച്ച് അ​വ​സ്ഥ​യി​ല്‍ കി​ട​ക്കു​ന്ന​ത്. പ​ല ഘ​ട്ട​ങ്ങ​ളി​ലാ​യി ല​ക്ഷ​ങ്ങ​ള്‍ ചെ​ല​ഴി​ച്ചി​ട്ടും നാ​ട്ടു​കാ​ര്‍ക്ക് ഉ​പ​കാ​ര​പ്പെ​ടാ​തെ കി​ട​ക്കു​ക​യാ​ണ് നൂ​റ്റാ​ണ്ടോ​ളം പ​ഴ​ക്ക​മു​ള്ളക്കു​ളം.

ക​ട്ടി​പ്പൊ​ക്കം പ്ര​ദേ​ശ​ത്തോ​ടു ചേ​ര്‍ന്നു​ള്ള ജ​ല​സ​മൃ​ദ്ധ​മാ​യ കു​ളം ന​വീ​ക​രി​ച്ചെ​ടു​ത്താ​ല്‍ വേ​ന​ല്‍ക്കാ​ല​ത്ത് രൂ​ക്ഷ​മാ​യ ജ​ല​ക്ഷാ​മം അ​നു​ഭ​വി​ക്കു​ന്ന മേ​ഖ​ല​യി​ലെ ജ​ന​ങ്ങ​ള്‍ക്ക് ഏ​റെ ഉ​പ​കാ​ര​പ്ര​ദ​മാ​കു​മെ​ന്ന് നാ​ട്ടു​കാ​ര്‍ പ​റ​യു​ന്നു. ഒ​രു​കാ​ല​ത്ത് വെ​ള​ളി​ക്കു​ള​ങ്ങ​ര​യി​ല്‍ നെ​ല്‍കൃ​ഷി ന​ട​ന്നി​രു​ന്ന​ത് തേ​ശേ​രി​കു​ള​ത്തി​ലെ വെ​ള്ള​ത്തെ ആ​ശ്ര​യി​ച്ചാ​യി​രു​ന്നു. ഇ​പ്പോ​ഴ​ത്തെ വെ​ള്ളി​ക്കു​ള​ങ്ങ​ര ബ​സ് സ്റ്റാ​ൻ​ഡ്, ഗ​വ. യു.​പി സ്‌​കൂ​ള്‍ എ​ന്നി​വ സ്ഥി​തി ചെ​യ്യു​ന്ന പ്ര​ദേ​ശ​ങ്ങ​ള്‍ക്കു സ​മീ​പം നേ​ര​ത്തേ നെ​ല്‍പ്പാ​ട​ങ്ങ​ളാ​യി​രു​ന്നു. തേ​ശേ​രി​കു​ള​ത്തി​ല്‍നി​ന്ന് തോ​ടു​വ​ഴി​യെ​ത്തി​യി​രു​ന്ന വെ​ള്ള​മാ​ണ് അ​ക്കാ​ല​ത്ത് ഇ​വി​ടെ നെ​ല്‍കൃ​ഷി​ക്കു​പ​യോ​ഗി​ച്ചി​രു​ന്ന​ത്.

അ​ര​നൂ​റ്റാ​ണ്ട് മു​മ്പ് വെ​ള്ളി​ക്കു​ള​ങ്ങ​ര​ക്ക് കി​ഴ​ക്കു​ള്ള കാ​ടു​ക​ളി​ല്‍ കൂ​പ്പു​പ​ണി ന​ട​ന്നി​രു​ന്ന​പ്പോ​ള്‍ ത​ടി വ​ലി​ക്കാ​ന്‍ വ​ന്നി​രു​ന്ന ആ​ന​ക​ളെ കു​ളി​പ്പി​ക്കാ​ന്‍ കൊ​ണ്ടു​വ​ന്നി​രു​ന്ന​ത് തേ​ശേ​രി കു​ള​ത്തി​ലാ​യി​രു​ന്നെ​ന്ന് മു​തി​ര്‍ന്ന​വ​ര്‍ ഓ​ര്‍ക്കു​ന്നു. ഇ​വി​ടെ പാ​ട​ങ്ങ​ള്‍ ഇ​ല്ലാ​താ​വു​ക​യും വീ​ടു​ക​ള്‍ ഉ​യ​രു​ക​യും ചെ​യ്ത​പ്പോ​ള്‍ തേ​ശേ​രി​കു​ളം വി​സ്തൃ​തി​യി​ലാ​യി.

ആ​രും ഉ​പ​യോ​ഗി​ക്കാ​തെ പാ​ഴ്ച​ടി​ക​ളും പു​ല്ലും മൂ​ടി നാ​ശോ​ന്മു​ഖ​മാ​യ കു​ളം പു​ന​രു​ദ്ധ​രി​ക്ക​ണ​മെ​ന്ന് ആ​വ​ശ്യ​മു​യ​ര്‍ന്ന​തോ​ടെ ര​ണ്ട് പ​തി​റ്റാ​ണ്ടു മു​മ്പ് ഇ​തി​ന് ഫ​ണ്ട് അ​നു​വ​ദി​ക്ക​പ്പെ​ട്ടു. മു​ക്കാ​ല്‍ ഏ​ക്ക​റോ​ളം വി​സ്തൃ​തി​യു​ള്ള കു​ള​ത്തി​ലെ മ​ണ്ണും ച​ളി​യും നീ​ക്കി വ​ശ​ങ്ങ​ള്‍ ക​രി​ങ്ക​ല്‍ കെ​ട്ടി സം​ര​ക്ഷി​ക്കു​ന്ന പ​ണി​ക​ള്‍ ആ​രം​ഭി​ച്ചെ​ങ്കി​ലും പാ​തി​വ​ഴി​യി​ല്‍ സ്തം​ഭി​ക്കു​ക​യാ​യി​രു​ന്നു. കു​ള​ത്തി​ലേ​ക്ക് വ​ഴി​യി​ല്ലാ​ത്ത​തും ഇ​റ​ങ്ങാ​ന്‍ പ​ട​വു​ക​ളി​ല്ലാ​ത്ത​തും മൂ​ലം കു​ള​ത്തി​ലെ ജ​ല​സ​മൃ​ദ്ധി ക​ണ്ടു​നി​ല്‍ക്കാ​നേ ഇ​പ്പോ​ള്‍ നാ​ട്ടു​കാ​ര്‍ക്കാ​വു​ന്നു​ള്ളൂ. കു​ള​ത്തി​ന്റെ ന​വീ​ക​ര​ണ​ത്തി​നാ​യി അ​ടു​ത്ത​കാ​ല​ത്ത് 34 ല​ക്ഷം രൂ​പ​യു​ടെ എ​സ്റ്റി​മേ​റ്റ് ത​യാ​റാ​ക്കി സ​മ​ര്‍പ്പി​ക്ക​പ്പെ​ട്ടെ​ങ്കി​ലും കു​ള​ത്തി​ലേ​ക്ക് വ​ഴി ഇ​ല്ലാ​ത്ത​തി​നാ​ല്‍ പ​ദ്ധ​തി​ക്ക് അം​ഗീ​കാ​രം ല​ഭി​ച്ചി​ല്ല.

വേ​ന​ല്‍ക്കാ​ല​മാ​യാ​ല്‍ ക​ടു​ത്ത ജ​ല​ക്ഷാ​മം അ​നു​ഭ​വി​ക്കു​ന്ന ക​ട്ടി​പൊ​ക്കം പ്ര​ദേ​ശ​ത്തോ​ടു ചേ​ര്‍ന്നാ​ണ് തേ​ശേ​രി കു​ള​മു​ള്ള​ത്. നേ​ര​ത്തേ ഉ​ണ്ടാ​യി​രു​ന്ന പൊ​തു​വ​ഴി പു​ന​രു​ദ്ധ​രി​ച്ച് കു​ള​ത്തി​ന്റെ ന​വീ​ക​ര​ണം പൂ​ര്‍ത്തി​യാ​ക്കു​ക​യും സൗ​ന്ദ​ര്യ​വ​ത്ക​രി​ക്കു​ക​യും വേ​ണ​മെ​ന്നാ​ണ് ആ​വ​ശ്യ​മു​യ​

രു​ന്ന​ത്.