കടലാഴമുള്ള പാട്ടുമായി അവരെത്തി; ലക്ഷദ്വീപിന്‍റെ സംഗീതവുമായി ‘പുള്ളിപ്പറവ’

തൃ​ശൂ​ർ: ‘അ​ന്ന ബി​ട് അ​ന്ന ബി​ട് ഹേ​യ് ഗു​ണീ​സ, ക​രേ നി​ന്ന​വ​നോ​ട് പ​റേ​യ് ഗു​ണീ​സ’ (എ​ന്നെ വി​ടാ​ൻ ക​ര​യി​ൽ നി​ൽ​ക്കു​ന്ന​വ​നോ​ട് പ​റ​യാ​ൻ കു​രു​ങ്ങി​യ മീ​ൻ ചൂ​ണ്ട​യോ​ട് പ​റ​യു​ക​യാ​ണ്- ല​ക്ഷ​ദ്വീ​പി​ലെ നാ​ട​ൻ പാ​ട്ട്). ക​ട​ലി​ന്റെ താ​രാ​ട്ടു​പാ​ട്ട് കേ​ട്ടു​റ​ങ്ങി​യും ഉ​ണ​രു​ക​യും ചെ​യ്യു​ന്ന ജ​ന​ത​യു​ടെ ശ്വാ​സ​നി​ശ്വാ​സ​ങ്ങ​ളി​ൽ​നി​ന്ന് ഉ​തി​ർ​ന്നു​വീ​ണ ഇ​ത്ത​രം നാ​ട​ൻ​പാ​ട്ടു​ക​ളെ വേ​ദി​യി​ലെ​ത്തി​ക്കു​ന്ന കി​ൽ​ത്താ​ൻ സ്വ​ദേ​ശി​ക​ളാ​യ ഷ​ഫീ​ഖ് കി​ൽ​ത്താ​ൻ, ഷ​ബീ​റ​ലി എ​ന്നി​വ​രോ​ടൊ​പ്പ​മാ​ണ് ക​ര​യി​ലെ (കേ​ര​ള​ക്ക​ര​യെ ദ്വീ​പു​കാ​ർ പ​റ​യു​ന്ന​ത്) വേ​ദി​ക​ൾ.

ആ​ഴി ആ​ർ​ക്കൈ​വി​ന്റെ ഭാ​ഗ​മാ​യി ‘പു​ള്ളി​പ്പ​റ​വ’ സം​ഗീ​ത​ക്കൂ​ട്ടാ​യ്മ​യു​ടെ പേ​രി​ലാ​ണ് ല​ക്ഷ​ദ്വീ​പ് നാ​ട​ൻ പാ​ട്ടു​ക​ളു​മാ​യി ഷ​ഫീ​ഖും ഷ​ബീ​റ​ലി​യും ബു​ധ​നാ​ഴ്ച തൃ​ശൂ​രി​ൽ ഇ​റ്റ്ഫോ​ക് നാ​ട​ക​വേ​ദി​യി​ലെ​ത്തി​യ​ത്. ക​ഴി​ഞ്ഞ മൂ​ന്ന് വ​ർ​ഷ​ത്തെ ല​ക്ഷ​ദ്വീ​പി​ന്റെ നാ​ട​ൻ പാ​ട്ടു​ക​​ളെ​ത്തേ​ടി​യു​ള്ള അ​റി​വു​ക​ളും അ​നു​ഭ​വ​ങ്ങ​ളും ഏ​റെ​യു​ണ്ട് ഇ​രു​വ​ർ​ക്കും.

മ​ല​ബാ​ർ മാ​പ്പി​ള​പ്പാ​ട്ടി​ന്റെ സ്വാ​ധീ​ന​മേ​റെ​യു​ള്ള ഡോ​ളി​പ്പാ​ട്ടാ​ണ് ദ്വീ​പി​ൽ കൂ​ടു​ത​ൽ പ്ര​ചാ​ര​മു​ള്ള​തെ​ന്ന് ഇ​വ​ർ പ​റ​യു​ന്നു. മു​സ്‍ലിം ജീ​വി​ത​വു​മാ​യി ബ​ന്ധ​പ്പെ​ട്ട സൂ​ഫി സ്വാ​ധീ​ന​മു​ള്ള പാ​ട്ടാ​ണി​ത്. ഇ​വ​യി​ൽ മ​ല​യാ​ളം പാ​ട്ടു​ക​ളു​ടെ സ്വാ​ധീ​നം ഏ​റെ​യാ​ണ്. ക​ട​ലി​ൽ​നി​ന്ന് ന​ല്ല കാ​റ്റ് വീ​ശു​മ്പോ​ൾ ക​ട​ലി​ൽ പോ​യ ഓ​ട​ങ്ങ​ൾ തി​രി​ച്ചു​വ​രു​ന്ന​ത് കാ​ത്ത് സ്ത്രീ​ക​ൾ ര​ണ്ടാം മു​ണ്ടി​ന്റെ കോ​ന്ത​ല നീ​ട്ടി​പ്പി​ടി​ച്ച് പാ​ടു​ന്ന പാ​ട്ടു​ണ്ട്- കാ​റ്റു​വി​ളി​പ്പാ​ട്ട്.

ത​ന​ത് സ്വ​ഭാ​വ​മു​ള്ള ആ​ക്ഷേ​പ​ഹാ​സ്യം തു​ളു​മ്പു​ന്ന പാ​ട്ടു​ണ്ടാ​യി​രു​ന്നു- ഫി​രാ​യി​പ്പാ​ട്ട്. ഐ​ഷ സു​ൽ​ത്താ​ന അ​ഭി​ന​യി​ച്ച ‘ഫ്ല​ഷ്’ സി​നി​മ​യി​ൽ ല​ക്ഷ​ദ്വീ​പി​ലെ ത​ന​ത് പാ​ട്ടാ​യ ‘പ​ക്കി​രി​ച്ചി​പ്പാ​ട്ട്’ ഷ​ഫീ​ഖ് കി​ൽ​ത്താ​ൻ എ​ഴു​തി പാ​ടി​യ​ത് ജ​ന​ശ്ര​ദ്ധ പി​ടി​ച്ചു​പ​റ്റി​യി​രു​ന്നു.

നാ​ട​ൻ​പാ​ട്ടു​ക​ളു​ടെ സൂ​ക്ഷി​പ്പു​കാ​രാ​യി ദ്വീ​പി​ൽ ഉ​ണ്ടാ​യി​രു​ന്ന ചി​ല കു​ടും​ബ​ങ്ങ​ൾ ദ്വീ​പു​ക​ൾ തോ​റും മാ​റി താ​മ​സി​ച്ച് പാ​ടി വ​ന്നി​രു​ന്നു. അ​തി​നാ​ലാ​കാം ദ്വീ​പു​സ​മൂ​ഹ​ങ്ങ​ൾ​ക്ക് സാ​മാ​ന്യ​മാ​യി ഒ​രേ സം​ഗീ​ത​പാ​ര​മ്പ​ര്യം കൈ​വ​ന്ന​ത് എ​ന്ന് രേ​ഖ​പ്പെ​ടു​ത്തി​യി​ട്ടു​ണ്ട്. ഒ​ട്ടു​മി​ക്ക പാ​ട്ടു​ക​ളും വീ​ണ്ടെ​ടു​ക്കാ​ൻ ക​ഴി​യാ​ത്ത​വ​ണ്ണം ന​ഷ്ട​പ്പെ​ട്ടു.

ല​ക്ഷ​ദ്വീ​പി​ലെ ത​ന​ത് പാ​ട്ടു​ക​ളെ തി​രി​​ച്ചെ​ടു​ക്കാ​നു​ള്ള ശ്ര​മ​ത്തി​ന്റെ ഭാ​ഗ​മാ​യി ക​വി അ​ൻ​വ​ർ അ​ലി, സു​മം​ഗ​ല ദാ​മോ​ദ​ര​ൻ എ​ന്നി​വ​രു​ടെ നേ​തൃ​ത്വ​ത്തി​ൽ സി.​എ​സ്. വെ​ങ്കി​ടേ​ശ്വ​ര​ൻ, റി​യാ​സ് കോ​മു തു​ട​ങ്ങി​യ​വ​ര​ട​ങ്ങി​യ സം​ഘ​മാ​ണ് പു​ള്ളി​പ്പ​റ​വ’ സം​ഗീ​ത​സം​ഘം രൂ​പ​വ​ത്ക​രി​ച്ച​തും ഷ​ഫീ​ഖി​നെ​യും ഷ​ബീ​റ​ലി​യെ​യും മു​ൻ നി​ര​യി​ലെ​ത്തി​ച്ച​തും.

ഖ​വാ​ലി ഗാ​ന​ങ്ങ​ൾ പാ​ടു​ന്ന ‘കെ​ഹ​ർ​വ’ ട്രൂ​പ്പി​ന്റെ ഭാ​ഗ​മാ​യി​രു​ന്നു അ​ന്ന് ഷ​ഫീ​ഖും ഷ​ബീ​റ​ലി​യും. ദ്വീ​പി​ലെ നാ​ട​ൻ​പാ​ട്ടു​ക​ൾ ഹാ​ർ​മോ​ണി​യം, ത​ബ​ല തു​ട​ങ്ങി​യ​വ ഉ​പ​യോ​ഗി​ച്ച് പാ​ടി ഇ​വ​ർ ജ​ന​പ്രി​യ​രാ​യി​രു​ന്നു. കേ​ര​ള​ത്തി​ലും സം​ഗീ​ത​പ​രി​പാ​ടി​ക​ൾ അ​വ​ത​രി​പ്പി​ച്ചു.

ഇ​തി​നി​ടെ ചി​ല മ​ല​യാ​ള സം​ഗീ​ത സം​വി​ധാ​യ​ക​രും സ​മീ​പി​ച്ച​താ​യി ഷ​ഫീ​ഖ് പ​റ​ഞ്ഞു. ല​ക്ഷ​ദ്വീ​പി​ലെ ക​ഥാ​പാ​ട്ടു​ക​ളെ സ​മാ​ഹ​രി​ക്കു​ന്ന ഘ​ട്ട​മാ​ണ് അ​ടു​ത്ത​ത്. ഞോ​ള​യു​ടെ പാ​ട്ട്, പു​ള്ളി​പ്പ​റ​വ​യു​ടെ ക​ഥ, അ​പ്പ​ൽ നീ​ര കു​ടി​ച്ച ക​ഥ തു​ട​ങ്ങി​യ​വ സാ​ധാ​ര​ണ​യാ​യി കേ​ട്ടു​വ​രാ​റു​ള്ള​താ​ണ്. ഇ​ത്ത​രം ഗ​ണ​ത്തി​ലു​ള്ള​വ​യെ ചി​ട്ട​പ്പെ​ടു​ത്താ​നു​ള്ള ശ്ര​മ​വും ന​ട​ന്നു​വ​രു​ന്നു​ണ്ട്.