തൃ​ശൂ​ർ കോ​ർ​പ​റേ​ഷ​ൻ ബ​ജ​റ്റ്: ഭൂ​മി​യി​ല്ലാ​ത്ത​വ​ർ​ക്ക്​ ഭൂ​മി; ഭൂ​മി​യു​ള്ള ഭ​വ​ന ര​ഹി​ത​ർ​ക്ക്​ വീ​ട്​

തൃ​ശൂ​ർ: സ്വ​ന്ത​മാ​യി ഭൂ​മി​യി​ല്ലാ​ത്ത​വ​ർ​ക്ക് ഭൂ​മി​യും ര​ണ്ട്​ സെ​ന്‍റെ​​ങ്കി​ലും ഭൂ​മി​യു​ള്ള​വ​ർ​ക്ക്​ വീ​ട് നി​ർ​മി​ക്കാ​ൻ ധ​ന​സ​ഹാ​യ​വും അ​നു​വ​ദി​ക്കാ​ൻ 25 കോ​ടി രൂ​പ വ​ക​യി​രു​ത്തി​യ​ത്​ ഉ​ൾ​പ്പെ​ടെ പ്ര​ഖ്യാ​പ​ന​ങ്ങ​ളു​മാ​യി തൃ​ശൂ​ർ കോ​ർ​പ​റേ​ഷ​ൻ ഭ​ര​ണ​സ​മി​തി​യു​ടെ അ​വ​സാ​ന ​ബ​ജ​റ്റ്​ ഡെ​പ്യൂ​ട്ടി മേ​യ​ർ എം.​എ​ൽ. റോ​സി അ​വ​ത​രി​പ്പി​ച്ചു. ബ​ജ​റ്റി​ൽ വി​വി​ധ ഇ​ള​വു​ക​ളും ആ​നു​കൂ​ല്യ​ങ്ങ​ളും പ്ര​ഖ്യാ​പി​ച്ചി​ട്ടു​ണ്ട്.

ഭൂ​മി വാ​ങ്ങാ​ൻ 10 കോ​ടി രൂ​പ​യും ഫ്ലാ​റ്റ് നി​ർ​മാ​ണ​ത്തി​ന്​ അ​ഞ്ച്​ കോ​ടി​യും വീ​ട് നി​ർ​മാ​ണ​ത്തി​ന്​ 10 കോ​ടി​യു​മാ​ണ് നീ​ക്കി​വെ​ച്ചി​രി​ക്കു​ന്ന​ത്. കു​രി​യ​ച്ചി​റ​യി​ലും ചി​യ്യാ​ര​ത്തു​മാ​ണ്​ ഫ്ലാ​റ്റ്​ സ​മു​ച്ച​യം നി​ർ​മി​ക്കാ​ൻ ഉ​ദ്ദേ​ശി​ക്കു​ന്ന​ത്. കോ​ർ​പ​റേ​ഷ​ൻ കെ​ട്ടി​ട​ങ്ങ​ൾ വാ​ട​ക​ക്ക് എ​ടു​ത്ത 2400ഓ​ളം പേ​രു​ടെ ആ​റ്​ മാ​സ​ത്തെ വാ​ട​ക ര​ജ​ത ജൂ​ബി​ലി വ​ർ​ഷ​ത്തി​ന്‍റെ ഭാ​ഗ​മാ​യി ഒ​ഴി​വാ​ക്കും. അ​ഞ്ച്​ ശ​ത​മാ​നം വെ​ള്ള​ക്ക​രം സ​ബ്സി​ഡി ന​ൽ​കും. 7600 പേ​ർ​ക്ക് 7.5 ശ​ത​മാ​നം സൗ​രോ​ർ​ജ സ​ബ്സി​ഡി ന​ൽ​കാ​ൻ അ​ഞ്ച്​ കോ​ടി രൂ​പ വ​ക​യി​രു​ത്തി.

കോ​ർ​പ​റേ​ഷ​ൻ പ​രി​ധി​യി​ലെ നി​ർ​ധ​ന​രാ​യ ഡ​യാ​ലി​സി​സ് രോ​ഗി​ക​ൾ​ക്ക്​ സൗ​ജ​ന്യ ഡ​യാ​ലി​സി​സ് ന​ട​ത്തി​ക്കൊ​ടു​ക്കും. ഇ​തി​ന്​ അ​ഞ്ച്​ കോ​ടി രൂ​പ നീ​ക്കി​വെ​ച്ചു. 500 പെ​ൺ​കു​ട്ടി​ക​ളു​ടെ വി​വാ​ഹ​ത്തി​ന് ധ​ന​സ​ഹാ​യം ന​ൽ​കാ​ൻ അ​ഞ്ച്​ കോ​ടി രൂ​പ വ​ക​യി​രു​ത്തി. 10,000 സൗ​ജ​ന്യ കു​ടി​വെ​ള്ള ക​ണ​ക്ഷ​ൻ ന​ൽ​കും.

ഇ​തി​ന്​ 19 കോ​ടി രൂ​പ​യാ​ണ്​ വി​ഹി​തം. റോ​ഡു​ക​ൾ, പാ​ല​ങ്ങ​ൾ എ​ന്നി​വ​ക്ക്​ 55 ഡി​വി​ഷ​നും 75 ല​ക്ഷം രൂ​പ വീ​തം മാ​റ്റി​വെ​ച്ചു. അ​ടു​ത്ത സാ​മ്പ​ത്തി​ക വ​ർ​ഷം പ്ര​ധാ​ന റോ​ഡു​ക​ൾ ബി.​എം ബി.​സി രീ​തി​യി​ൽ നി​ർ​മി​ക്കാ​ൻ 20 കോ​ടി​യും റെ​യി​ൽ​വേ സ്റ്റേ​ഷ​ൻ-​കെ.​എ​സ്.​ആ​ർ.​ടി.​സി-​ശ​ക്‌​ത​ൻ എ​ല​വേ​റ്റ​ഡ് വാ​ക്ക​ലേ​റ്റ​ർ പ​ദ്ധ​തി ന​ട​പ്പാ​ക്കു​ന്ന​തി​നെ​ക്കു​റി​ച്ച് പ​ഠ​നം ന​ട​ത്താ​ൻ 15 കോ​ടി​യും അ​നു​വ​ദി​ച്ചു. ഗ​താ​ഗ​ത​ത്തി​ര​ക്ക്​ ഒ​ഴി​വാ​ക്കാ​ൻ ഡ​ൽ​ഹി​യി​ലും മ​റ്റു​മു​ള്ള ഈ ​സം​വി​ധാ​നം കെ.​എ​സ്.​ആ​ർ.​ടി.​സി​യു​ടെ​യും റെ​യി​ൽ​വേ​യു​ടെ​യും അം​ഗീ​കാ​ര​ത്തോ​ടെ ന​ട​പ്പാ​ക്കാ​നാ​ണ്​ ഉ​ദ്ദേ​ശി​ക്കു​ന്ന​ത്.

ഇ​ക്കോ ടൂ​റി​സ​ത്തി​ന്​ അ​ഞ്ച്​ കോ​ടി, ലൈ​റ്റ് ഫോ​ർ ലൈ​ഫി​ന്​ 10 കോ​ടി, ടാ​ഗോ​ർ സെ​ന്‍റി​ന​റി മോ​ടി​യാ​ക്കാ​ൻ 10 കോ​ടി, ചെ​മ്പു​ക്കാ​വ് ഷോ​പ്പി​ങ് കോം​പ്ല​ക്സി​ന്​ 50 ല​ക്ഷം, ഒ​ല്ലൂ​ർ ജ​ങ്ഷ​ൻ വി​ക​സ​ന​ത്തി​നും ക​ച്ച​വ​ട​ക്കാ​രു​ടെ പു​ന​ര​ധി​വാ​സ​ത്തി​നും 10 കോ​ടി എ​ന്നി​ങ്ങ​നെ അ​നു​വ​ദി​ച്ചു. ലാ​ലൂ​രി​ൽ കോ​ൺ​ക്രീ​റ്റ് സ്‌​മോ​ൾ ക്രി​മ​​റ്റോ​റി​യം നി​ർ​മാ​ണ​ത്തി​ന്​ ഒ​രു കോ​ടി രൂ​പ ന​ൽ​കും. ലാ​ലൂ​രി​ലെ ഐ.​എം. വി​ജ​യ​ൻ സ്പോ​ർ​ട്സ് കോം​പ്ല​ക്സ് നി​ർ​മാ​ണം പൂ​ർ​ത്തി​യാ​ക്കാ​ൻ അ​ഞ്ച്​ കോ​ടി രൂ​പ വ​ക​യി​രു​ത്തി.

എം.​ജി റോ​ഡ് വി​ക​സ​ന​ത്തി​ന്​ 10 കോ​ടി​യും മാ​റ്റാം​പു​റ​ത്ത് ടൗ​ൺ​ഷി​പ്പി​ന് അ​ഞ്ച്​ കോ​ടി​യും നീ​ക്കി​വെ​ച്ചു. മാ​ലി​ന്യ സം​സ്ക​ര​ണ പ്ലാ​ന്‍റ്​ നി​ർ​മാ​ണം പൂ​ർ​ത്തി​യാ​ക്കാ​ൻ 15 ല​ക്ഷം ന​ൽ​കും. ശ​ക്ത​ൻ ന​ഗ​ർ വി​ക​സ​ന​ത്തി​ന്​ 12 കോ​ടി, ജ​ങ്ഷ​ൻ വി​ക​സ​ന​ത്തി​ന്​ ഒ​രു കോ​ടി, കു​രി​യ​ച്ചി​റ​യി​ൽ ആ​ധു​നി​ക അ​റ​വു​ശാ​ല നി​ർ​മാ​ണ​ത്തി​ന്​ 15 കോ​ടി, എം.​എ​ൽ.​ഡി സീ​വ​റേ​ജ് പ്ലാ​ന്‍റ്​ സ്ഥാ​പി​ക്കാ​ൻ 60 കോ​ടി എ​ന്നി​ങ്ങ​നെ തു​ക അ​നു​വ​ദി​ച്ചി​ട്ടു​ണ്ട്.

രോ​ഗീ​സൗ​ഹൃ​ദ ആ​രോ​ഗ്യ പ​രി​പാ​ല​ന​ത്തി​ന്​ 30 കോ​ടി രൂ​പ​യാ​ണ് അ​നു​വ​ദി​ച്ച​ത്. കോ​ർ​പ​റേ​ഷ​ൻ ജ​ന​റ​ൽ ആ​ശു​പ​ത്രി​ക്ക് ഏ​ഴ്​ കോ​ടി രൂ​പ ന​ൽ​കും. വി​ദ്യാ​ഭ്യാ​സം-​കാ​യി​കം മേ​ഖ​ല​ക്ക് 22 കോ​ടി, ലേ​ണി​ങ് സി​റ്റി​ക്ക്​ 15 കോ​ടി, ല​ഹ​രി വി​രു​ദ്ധ കാ​മ്പ​യി​ന്​ 50 ല​ക്ഷം, പ​ട്ടി​ക​ജാ​തി ക്ഷേ​മ​ത്തി​ന്​ 15 കോ​ടി എ​ന്നി​ങ്ങ​നെ നീ​ക്കി​​വെ​ച്ചു.

ഉ​ൽ​പാ​ദ​ന മേ​ഖ​ല​ക്ക് 35 കോ​ടി​യും കാ​ർ​ഷി​ക മേ​ഖ​ല​ക്ക് 20.5 കോ​ടി​യു​മു​ണ്ട്. 1215, 70,17,000 രൂ​പ വ​ര​വും 18,59,41,000 രൂ​പ നീ​ക്കി​യി​രി​പ്പും പ്ര​തീ​ക്ഷി​ക്കു​ന്ന​താ​ണ്​ ബ​ജ​റ്റ്. മേ​യ​ർ എം.​കെ. വ​ർ​ഗീ​സ് യോ​ഗ​ത്തി​ൽ അ​ധ്യ​ക്ഷ​ത വ​ഹി​ച്ചു. ബ​ജ​റ്റി​​ന്മേ​ൽ ച​ർ​ച്ച വ്യാ​ഴാ​ഴ്ച ന​ട​ക്കും.