പദ്ധതി വിഹിത വിനിയോഗത്തിൽ പകുതിപോലുമെത്താതെ തൃ​ശൂ​ർ ജില്ല

തൃ​ശൂ​ർ: സാ​മ്പ​ത്തി​ക വ​ർ​ഷം അ​വ​സാ​നി​ക്കാ​ൻ ര​ണ്ട് മാ​സം ശേ​ഷി​ക്കേ വാ​ർ​ഷി​ക പ​ദ്ധ​തി വി​നി​യോ​ഗ​ത്തി​ൽ ജി​ല്ല ഏ​റെ പി​ന്നി​ൽ. ത​ദ്ദേ​ശ സ്ഥാ​പ​ന​ങ്ങ​ളു​ടെ 2022 -23 വാ​ര്‍ഷി​ക പ​ദ്ധ​തി പു​രോ​ഗ​തി അ​വ​ലോ​ക​നം ചെ​യ്ത ജി​ല്ല ആ​സൂ​ത്ര​ണ സ​മി​തി യോ​ഗ​ത്തി​ലാ​ണ് ക​ണ​ക്ക് അ​വ​ത​രി​പ്പി​ച്ച​ത്. ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് പി.​കെ. ഡേ​വി​സ് അ​ധ്യ​ക്ഷ​ത വ​ഹി​ച്ചു.

വാ​ര്‍ഷി​ക പ​ദ്ധ​തി വി​ഹി​തം ചെ​ല​വ​ഴി​ക്കു​ന്ന​തി​ല്‍ സം​സ്ഥാ​ന​ത​ല​ത്തി​ല്‍ നാ​ലാം സ്ഥാ​ന​മാ​ണ് ജി​ല്ല​ക്ക്. 35.03 ശ​ത​മാ​ന​മാ​ണ് ജി​ല്ല​യു​ടെ വാ​ര്‍ഷി​ക പ​ദ്ധ​തി നി​ർ​വ​ഹ​ണം. കോ​ർ​പ​റേ​ഷ​ൻ 40.06 ശ​ത​മാ​നം, ന​ഗ​ര​സ​ഭ​ക​ൾ 31.60 ശ​ത​മാ​നം, ബ്ലോ​ക്ക് പ​ഞ്ചാ​യ​ത്തു​ക​ൾ 33.62 ശ​ത​മാ​നം, ജി​ല്ല പ​ഞ്ചാ​യ​ത്ത് 25.02 ശ​ത​മാ​നം, ഗ്രാ​മ​പ​ഞ്ചാ​യ​ത്തു​ക​ൾ 36.93 ശ​ത​മാ​നം എ​ന്നി​ങ്ങ​നെ​യാ​ണ് ത​ദ്ദേ​ശ​സ്ഥാ​പ​ന ത​ല​ത്തി​ലെ വാ​ർ​ഷി​ക പ​ദ്ധ​തി നി​ർ​വ​ഹ​ണം.

50 ശ​ത​മാ​ന​ത്തി​ന് മു​ക​ളി​ൽ അ​ഞ്ച് ഗ്രാ​മ​പ​ഞ്ചാ​യ​ത്തു​ക​ളാ​ണു​ള്ള​ത്. അ​ള​ഗ​പ്പ​ന​ഗ​റാ​ണ് ഒ​ന്നാ​മ​ത്. 30 ശ​ത​മാ​ന​ത്തി​ൽ താ​ഴെ​യു​ള്ള 14 ഗ്രാ​മ​പ​ഞ്ചാ​യ​ത്തു​ക​ളു​ടെ പ​ദ്ധ​തി നി​ർ​വ​ഹ​ണം സം​ബ​ന്ധി​ച്ച് യോ​ഗം ച​ർ​ച്ച ചെ​യ്തു. ഈ ​പ​ഞ്ചാ​യ​ത്തു​ക​ളെ പ​ദ്ധ​തി നി​ർ​വ​ഹ​ണ​ത്തി​ന്റെ കാ​ര്യ​ത്തി​ൽ മു​ന്നോ​ട്ടു​കൊ​ണ്ടു​വ​രു​ന്ന​തി​ന്റെ ഭാ​ഗ​മാ​യി ജി​ല്ല ആ​സൂ​ത്ര​ണ സ​മി​തി​യു​ടെ നേ​തൃ​ത്വ​ത്തി​ൽ ഓ​ൺ​ലൈ​നാ​യി യോ​ഗം ചേ​രാ​ൻ തീ​രു​മാ​ന​മാ​യി.

വാ​ർ​ഷി​ക പ​ദ്ധ​തി ഭേ​ദ​ഗ​തി അം​ഗീ​കാ​ര​വും യോ​ഗ​ത്തി​ൽ അ​ജ​ണ്ട​യാ​യി. ആ​കെ ആ​റ് പ​ഞ്ചാ​യ​ത്തു​ക​ളാ​ണ് പ​ദ്ധ​തി ഭേ​ദ​ഗ​തി​ക്ക് സ​മ​ർ​പ്പി​ച്ച​ത്. ഫീ​ക്ക​ൽ സ്ല​ഡ്ജ് ട്രീ​റ്റ്മെ​ന്റ് പ്ലാ​ന്റ് സ്ഥാ​പി​ക്കേ​ണ്ട​തി​ന്റെ ആ​വ​ശ്യ​ക​ത സം​ബ​ന്ധി​ച്ച് യോ​ഗം ച​ർ​ച്ച ചെ​യ്തു. ശു​ഭാ​പ്തി പ​ദ്ധ​തി​യു​മാ​യി ബ​ന്ധ​പ്പെ​ട്ട് ജി​ല്ല​ത​ല​ത്തി​ൽ എ​ക്സ്പേ​ർ​ട്ട് ക​മ്മി​റ്റി രൂ​പ​വ​ത്ക​രി​ക്കാ​ൻ തീ​രു​മാ​നി​ച്ചി​രു​ന്നു.

ഈ ​ക​മ്മി​റ്റി​ക്കും ജി​ല്ല ആ​സൂ​ത്ര​ണ സ​മി​തി അം​ഗീ​കാ​രം ന​ൽ​കി. യോ​ഗ​ത്തി​ൽ ജി​ല്ല പ്ലാ​നി​ങ് ഓ​ഫി​സ​ർ എ​ൻ.​കെ. ശ്രീ​ല​ത, പ്ലാ​നി​ങ് ബോ​ർ​ഡ് അം​ഗം എം.​ആ​ർ. അ​നൂ​പ് കി​ഷോ​ർ, ത​ദ്ദേ​ശ സ്ഥാ​പ​ന പ്ര​തി​നി​ധി​ക​ൾ, മ​റ്റ് ഉ​ദ്യോ​ഗ​സ്ഥ​ർ എ​ന്നി​വ​ർ പ​ങ്കെ​ടു​ത്തു.