തൃശൂർ-കുറ്റിപ്പുറം പാത അറ്റകുറ്റപ്പണിയിൽ വീഴ്ച ; എക്സിക്യൂട്ടിവ്​ എൻജിനീയർക്ക്​ സസ്​പെൻഷൻ

തൃ​ശൂ​ർ: റീ​ബി​ൽ​ഡ് കേ​ര​ള പ​ദ്ധ​തി​യി​ൽ​പെ​ടു​ത്തി പു​ന​രു​ദ്ധ​രി​ക്കു​ന്ന തൃ​ശൂ​ർ-​കു​റ്റി​പ്പു​റം റോ​ഡി​ന്‍റെ അ​റ്റ​കു​റ്റ​പ്പ​ണി​യി​ൽ വീ​ഴ്ച​വ​രു​ത്തി​യ​തി​ന് കെ.​എ​സ്.​ടി.​പി കു​റ്റി​പ്പു​റം ഡി​വി​ഷ​ൻ എ​ക്‌​സി​ക്യൂ​ട്ടി​വ് എ​ൻ​ജി​നീ​യ​ർ എ​സ്.​എം. അ​ഷ്റ​ഫി​നെ അ​ന്വേ​ഷ​ണ​വി​ധേ​യ​മാ​യി സ​സ്‌​പെ​ൻ​ഡ് ചെ​യ്തു. പ്ര​വൃ​ത്തി​യു​ടെ എ​സ്റ്റി​മേ​റ്റ് ത​യാ​റാ​ക്കി​യ​തി​ലും ടെ​ൻ​ഡ​ർ ചെ​യ്ത​തി​ലും ഉ​ദ്യോ​ഗ​സ്ഥ​ന്‍റെ ഭാ​ഗ​ത്തു​നി​ന്ന് ഗു​രു​ത​ര വീ​ഴ്ച​യു​ണ്ടാ​യ​താ​യി കെ.​എ​സ്.​ടി.​പി ചീ​ഫ് എ​ൻ​ജി​നീ​യ​ർ സ​ർ​ക്കാ​റി​ന് റി​പ്പോ​ർ​ട്ട് ന​ൽ​കി​യി​രു​ന്നു.

പാ​റ​മേ​ക്കാ​വ് മു​ത​ൽ തൃ​ശൂ​ർ ജി​ല്ലാ അ​തി​ർ​ത്തി​യാ​യ ക​ല്ലും​പു​റം വ​രെ 33 കി​ലോ​മീ​റ്റ​ർ ദൈ​ർ​ഘ്യ​മു​ള്ള സം​സ്ഥാ​ന പാ​ത റീ​ബി​ൽ​ഡ് കേ​ര​ള പ​ദ്ധ​തി​യി​ൽ ഉ​ൾ​പ്പെ​ടു​ത്തി പു​ന​രു​ദ്ധ​രി​ക്കാ​നാ​ണ് പൊ​തു​മ​രാ​മ​ത്ത് വ​കു​പ്പ് പ​ദ്ധ​തി ത​യാ​റാ​ക്കി​യ​ത്. പ്ര​വൃ​ത്തി​യി​ൽ വീ​ഴ്ച വ​രു​ത്തി​യ ആ​ദ്യ ക​രാ​റു​കാ​രെ നീ​ക്കം​ചെ​യ്തി​രു​ന്നു. റീ​ടെ​ൻ​ഡ​റി​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ന്നു​ണ്ടെ​ങ്കി​ലും അ​തു​വ​രെ ജ​ന​ങ്ങ​ൾ​ക്കു​ണ്ടാ​കു​ന്ന ബു​ദ്ധി​മു​ട്ടു​ക​ൾ ക​ണ​ക്കി​ലെ​ടു​ത്ത് അ​റ്റ​കു​റ്റ​പ്പ​ണി ന​ട​ത്താ​ൻ തീ​രു​മാ​നി​ച്ചു. ഇ​തി​ന്​ ത​യാ​റാ​ക്കി​യ എ​സ്റ്റി​മേ​റ്റി​ന്‍റെ ആ​ധി​കാ​രി​ക​ത ഉ​റ​പ്പാ​ക്കി സാ​ങ്കേ​തി​കാ​നു​മ​തി ന​ൽ​കു​ന്ന​തി​ലും ടെ​ൻ​ഡ​ർ ചെ​യ്യു​ന്ന​തി​ലും ഉ​ദ്യോ​ഗ​സ്ഥ​ന്‍റെ ഭാ​ഗ​ത്തു​നി​ന്ന് വീ​ഴ്ച സം​ഭ​വി​ച്ച​താ​യി ബോ​ധ്യ​പ്പെ​ട്ട​തി​നെ തു​ട​ർ​ന്നാ​ണ് ന​ട​പ​ടി.

വീ​ഴ്ച വ​രു​ത്തു​ന്ന ഉ​ദ്യോ​ഗ​സ്ഥ​ർ​ക്കെ​തി​രെ ക​ർ​ശ​ന ന​ട​പ​ടി​യെ​ടു​ക്കു​മെ​ന്ന് അ​വ​ലോ​ക​ന യോ​ഗ​ങ്ങ​ളി​ൽ മ​ന്ത്രി പി.​എ. മു​ഹ​മ്മ​ദ് റി​യാ​സ് മു​ന്ന​റി​യി​പ്പ് ന​ൽ​കി​യി​രു​ന്നു. തൃ​ശൂ​ർ-​കു​റ്റി​പ്പു​റം റോ​ഡി​ലെ അ​റ്റ​കു​റ്റ​പ്പ​ണി​ക്കെ​തി​രെ ആ​രോ​പ​ണ​ങ്ങ​ളു​യ​ർ​ന്ന സാ​ഹ​ച​ര്യ​ത്തി​ലാ​ണ് റി​പ്പോ​ർ​ട്ട് ന​ൽ​കാ​ൻ മ​ന്ത്രി ആ​വ​ശ്യ​പ്പെ​ട്ട​ത്.