ആരെയും അറിയിക്കാതെ തൃശൂർ മേയറും കൂട്ടരും റഷ്യൻ യാത്രയിൽ

തൃ​ശൂ​ർ: അ​പ്ര​തീ​ക്ഷി​ത​മാ​യി വ​ന്നെ​ത്തി​യ മേ​യ​ർ പ​ദ​വി​ക്ക് പി​ന്നാ​ലെ തു​ട​ങ്ങി​യ​താ​ണ് തൃ​ശൂ​ർ ​മേ​യ​ർ എം.​കെ. വ​ർ​ഗീ​സ് സൃ​ഷ്ടി​ക്കു​ന്ന വി​വാ​ദ​ങ്ങ​ൾ. ലോ​ക്സ​ഭ തെ​ര​ഞ്ഞെ​ടു​പ്പി​ലെ ബി.​ജെ.​പി പി​ന്തു​ണ​യു​മാ​യി ബ​ന്ധ​പ്പെ​ട്ടു​യ​ർ​ന്ന വി​വാ​ദ​ങ്ങ​ൾ ഒ​രു​വി​ധം കെ​ട്ട​ട​ങ്ങി​വ​രു​ന്ന​തി​ന് മു​മ്പ് പു​തി​യ വി​വാ​ദ​ത്തി​ൽ പെ​ട്ടി​രി​ക്കു​ക​യാ​ണ് അ​ദ്ദേ​ഹം. ഉ​ത്ത​ര​വാ​ദ​പ്പെ​ട്ട ആ​രെ​യും അ​റി​യി​ക്കാ​തെ​യു​ള്ള വി​ദേ​ശ​യാ​ത്ര​യാ​ണ് നി​ല​വി​ൽ വി​വാ​ദ​മാ​യി​രി​ക്കു​ന്ന​ത്. ക​ഴി​ഞ്ഞ​ദി​വ​സ​ങ്ങ​ളി​ൽ മേ​യ​റെ തി​ര​ഞ്ഞു​ന​ട​ന്ന​വ​ർ പ​ര​സ്പ​രം സം​സാ​രി​ച്ച​പ്പോ​ഴാ​ണ് മേ​യ​റും കൂ​ട്ട​രും റ​ഷ്യ​ൻ പ​ര്യ​ട​ന​ത്തി​ലാ​ണെ​ന്ന വി​വ​രം അ​റി​യു​ന്ന​ത്. എ​ന്നാ​ൽ, ഭ​ര​ണ​ക​ക്ഷി​യി​ലെ അം​ഗ​ങ്ങ​ളോ മ​റ്റ് കോ​ർ​പ​റേ​ഷ​ൻ ഉ​ദ്യോ​ഗ​സ്ഥ​രോ എ​ന്തി​നേ​റെ ഡെ​പ്യൂ​ട്ടി മേ​യ​ർ എം.​എ​ൽ. റോ​സി ​പോ​ലും യാ​​ത്രാ​വി​വ​ര​ങ്ങ​ൾ അ​റി​ഞ്ഞി​ട്ടി​ല്ല.

റ​ഷ്യ​യി​ലെ ഒ​രു മേ​യ​റു​ടെ ക്ഷ​ണ​പ്ര​കാ​ര​മാ​ണ് മേ​യ​ർ, സ്ഥി​രം​സ​മി​തി അ​ധ്യ​ക്ഷ​ൻ വ​ർ​ഗീ​സ് ക​ണ്ടം​കു​ള​ത്തി, കോ​ർ​പ​റേ​ഷ​ൻ സെ​ക്ര​ട്ട​റി എ​ന്നി​വ​ർ യാ​ത്ര തി​രി​ച്ചി​രി​ക്കു​ന്ന​ത്. യാ​ത്ര​യെ സം​ബ​ന്ധി​ച്ച ഒ​രു​വി​വ​ര​ങ്ങ​ളും കൗ​ൺ​സി​ലി​ൽ ച​ർ​ച്ച ചെ​യ്യു​ക​യോ മ​റ്റ് ബ​ന്ധ​പ്പെ​ട്ട​വ​രെ അ​റി​യി​ക്കു​ക​യോ ചെ​യ്തി​ട്ടി​ല്ല. ഔ​ദ്യോ​ഗി​ക യാ​ത്ര​യാ​ണെ​ങ്കി​ൽ വി​വ​രം മ​റ​ച്ചു​വെ​ക്കേ​ണ്ട കാ​ര്യം എ​ന്താ​ണെ​ന്ന ചോ​ദ്യ​മാ​ണ് പ്ര​തി​പ​ക്ഷം ഉ​യ​ർ​ത്തു​ന്ന​ത്. പ​ത്ത് ദി​വ​സ​ത്തേ​ക്കാ​ണ് യാ​ത്ര എ​ന്നാ​ണ് അ​റി​യാ​ൻ ക​ഴി​ഞ്ഞ​ത്. ഔ​ദ്യോ​ഗി​ക യാ​ത്ര​ക്ക് എ​ന്തി​നാ​ണ് ര​ഹ​സ്യ സ്വ​ഭാ​വം എ​ന്ന ചോ​ദ്യം ഭ​ര​ണ​ക​ക്ഷി അം​ഗ​ങ്ങ​ളും ഉ​യ​ർ​ത്തു​ന്നു​ണ്ട്. പ്ര​ധാ​ന​പ്പെ​ട്ട അ​ദാ​ല​ത്തു​ക​ൾ അ​ട​ക്കം ന​ട​ക്കു​ന്ന സ​മ​യ​ത്തെ മേ​യ​റു​ടെ വി​ദേ​ശ​യാ​ത്ര കോ​ർ​പ​റേ​ഷ​ൻ പ്ര​വ​ർ​ത്ത​ന​ങ്ങ​ൾ ത​ട​സ്സ​പ്പെ​ടാ​ൻ ഇ​ട​യാ​ക്കി​യെ​ന്നും ചി​ല​ർ ആ​രോ​പി​ക്കു​ന്നു. ഈ ​മാ​സം 29നാ​ണ് സം​ഘം യാ​ത്ര ക​ഴി​ഞ്ഞ് മ​ട​ങ്ങി​​യെ​ത്തു​ക.

ലോ​ക്സ​ഭ തെ​ര​ഞ്ഞെ​ടു​പ്പു​കാ​ല​ത്ത് ബി.​ജെ.​പി സ്ഥാ​നാ​ർ​ഥി സു​രേ​ഷ് ഗോ​പി​ക്ക് അ​നു​കൂ​ല​മാ​യി മേ​യ​ർ സം​സാ​രി​ച്ച​ത് സി.​പി.​ഐ വ​ലി​യ വി​ഷ​യ​മാ​യി ഇ​ട​തു​മു​ന്ന​ണി​യി​ൽ ഉ​യ​ർ​ത്തി​യി​രു​ന്നു. എ​ന്നാ​ൽ, തെ​ര​ഞ്ഞെ​ടു​പ്പി​നു​ശേ​ഷം ബി.​ജെ.​പി ജ​യി​ച്ച​പ്പോ​ഴും മു​ന്ന​ണി​യെ വ​ക​വെ​ക്കാ​തെ സു​രേ​ഷ് ഗോ​പി​ക്ക് ശ​ക്ത​മാ​യ പി​ന്തു​ണ ന​ൽ​കു​മെ​ന്നും മേ​യ​ർ പ്ര​ഖ്യാ​പി​ച്ചു. ഇ​തോ​ടെ സി.​പി.​ഐ സ്ഥാ​നാ​ർ​ഥി വി.​എ​സ്. സു​നി​ൽ കു​മാ​ർ അ​ട​ക്കം മേ​യ​റു​ടെ രാ​ജി ആ​വ​ശ്യ​പ്പെ​ട്ട് രം​ഗ​ത്തെ​ത്തി​യി​രു​ന്നു. തു​ട​ർ​ന്ന് സി.​പി.​എം ജി​ല്ല ക​മ്മി​റ്റി ഓ​ഫി​സി​ലേ​ക്ക് വി​ളി​ച്ചു​വ​രു​ത്തി വി​ശ​ദീ​ക​ര​ണം ചോ​ദി​ച്ചെ​ങ്കി​ലും നി​ല​പാ​ട് മാ​റ്റാ​നൊ​ന്നും മേ​യ​ർ ത​യാ​റാ​യി​ല്ല. മേ​യ​റെ പി​ണ​ക്കി​യാ​ൽ കോ​ർ​പ​റേ​ഷ​ൻ അ​ധി​കാ​രം ന​ഷ്ട​മാ​കും എ​ന്ന​തി​നാ​ൽ ഇ​ട​തു​മു​ന്ന​ണി​യും വി​ഷ​യ​ത്തി​ൽ ക​ണ്ണ​ട​ച്ച മ​ട്ടാ​ണ്.

സീ​റ്റ് ന​ൽ​കാ​ത്ത​തി​ന്റെ പേ​രി​ൽ കോ​ൺ​ഗ്ര​സ് വി​ട്ട് സ്വ​ത​ന്ത്ര​നാ​യി മ​ത്സ​രി​ച്ച എം.​കെ. വ​ർ​ഗീ​സി​നെ പി​ന്തു​ണ​ച്ച് മേ​യ​ർ സ്ഥാ​നം വാ​ഗ്ദാ​നം ന​ൽ​കി​യ​തി​ലൂ​ടെ​യാ​ണ് ഇ​ട​തു​പ​ക്ഷ​ത്തി​ന് തൃ​ശൂ​ർ കോ​ർ​പ​റേ​ഷ​ന്റെ ഭ​ര​ണം പി​ടി​ക്കാ​നാ​യ​ത്. മേ​യ​റാ​യി സ്ഥാ​ന​മേ​റ്റ​തു​മു​ത​ൽ ഇ​ട​തു നി​ല​പാ​ടു​ക​ൾ​ക്ക് തീ​ർ​ത്തും ക​ട​ക​വി​രു​ദ്ധ​മാ​യ നി​ല​പാ​ടു​ക​ളാ​ണ് എം.​കെ. വ​ർ​ഗീ​സ് സ്വീ​ക​രി​ച്ചു​പോ​രു​ന്ന​തെ​ന്ന് ഇ​ട​തു​നേ​താ​ക്ക​ൾ ത​ന്നെ പ​റ​യു​ന്നു. കോ​ര്‍പ​റേ​ഷ​ന്‍ പ​തി​നാ​റാം ഡി​വി​ഷ​ന്‍ നെ​ട്ടി​ശ്ശേ​രി​യി​ല്‍നി​ന്ന് സ്വ​ത​ന്ത്ര​നാ​യി വി​ജ​യി​ച്ച എം.​കെ. വ​ര്‍ഗീ​സ് ഇ​രു​മു​ന്ന​ണി​ക​ൾ​ക്കും വ്യ​ക്ത​മാ​യ ഭൂ​രി​പ​ക്ഷ​മി​ല്ലാ​ത്ത​തി​നെ തു​ട​ർ​ന്ന് സ്റ്റാ​ർ ആ​കു​ക​യാ​യി​രു​ന്നു. യു.​ഡി.​എ​ഫി​ലെ എ​ന്‍.​എ. ഗോ​പ​കു​മാ​റി​നെ​ക്കാ​ൾ ര​ണ്ട് വോ​ട്ടി​ന്റെ ഭൂ​രി​പ​ക്ഷ​ത്തി​ലാ​ണ് വ​ര്‍ഗീ​സ് എ​ൽ.​ഡി.​എ​ഫ് പി​ന്തു​ണ​യി​ൽ മേ​യ​ര്‍ സ്ഥാ​ന​ത്തേ​ക്ക് തെ​ര​ഞ്ഞെ​ടു​ക്ക​പ്പെ​ട്ട​ത്.

പൊ​ലീ​സ് ത​ന്നെ സ​ല്യൂ​ട്ട് ചെ​യ്യു​ന്നി​ല്ല, സ്കൂ​ൾ ഉ​ദ്ഘാ​ട​ന​ത്തി​ന്റെ ഫ്ല​ക്സ് ബോ​ർ​ഡി​ൽ ത​ന്റെ ചി​ത്രം ചെ​റു​താ​യി പോ​യി എ​ന്നീ വി​ഷ​യ​ങ്ങ​ളി​ലും മേ​യ​ർ നേ​ര​ത്തേ വി​വാ​ദ​ങ്ങ​ളി​ൽ പെ​ട്ടി​രു​ന്നു.