മാറ്റങ്ങളോടെ കുടമാറ്റം

തൃ​ശൂ​ർ: പൂ​ര​ത്തി​ലെ ഏ​റ്റ​വും ആ​ക​ർ​ഷ​ക​മാ​യ ഇ​ന​മാ​ണ് കു​ട​മാ​റ്റം. അ​ങ്ങേ​യ​റ്റം മ​ത്സ​രാ​വേ​ശ​ത്തി​ലു​ള്ള ഒ​ന്ന​ര മ​ണി​ക്കൂ​ർ നീ​ണ്ട കു​ട​മാ​റ്റ​ത്തി​നാ​ണ് ഇ​ക്കു​റി തൃ​ശൂ​ർ പൂ​രം സാ​ക്ഷ്യം വ​ഹി​ച്ച​ത്. ഇ​ല​ഞ്ഞി​ത്ത​റ മേ​ളം ക​ഴി​ഞ്ഞ് തി​രു​വ​മ്പാ​ടി​യു​ടെ 15 ഗ​ജ​വീ​ര​ന്മാ​ർ തെ​ക്കേ​ന​ട​യി​ലൂ​ടെ പു​റ​ത്തെ​ത്തി. ശ​ക്ത​ൻ ത​മ്പു​രാ​നെ വ​ണ​ങ്ങി തെ​ക്കേ​ന​ട​ക്ക് അ​ഭി​മു​ഖ​മാ​യി പാ​റ​മേ​ക്കാ​വി​ന്റെ ആ​ന​ക​ൾ​കൂ​ടി അ​ണി​നി​ര​ന്ന​തോ​ടെ ജ​ന​സ​ഞ്ച​യം ഇ​ള​കി​മ​റി​ഞ്ഞു. വൈ​കീ​ട്ട്​ ആ​റ് മ​ണി​യോ​ടെ കു​ട​മാ​റ്റം ആ​രം​ഭി​ച്ചു. മ​യി​ൽ​പ്പീ​ലി​യും പ​ല​വ​ർ​ണ ബ​ഹു​നി​ല കു​ട​ക​ളും ന​ന്ദി​കേ​ശ​നും ച​ന്ദ്ര​ക്ക​ലാ​ധ​ര​നും പ​ര​മ​ശി​വ​നും ഒ​ക്കെ​യാ​യി ഒ​രു​കൂ​ട്ട​ർ അ​ണി​നി​ര​ന്ന​പ്പോ​ൾ ഹ​നു​മാ​ൻ സ്വാ​മി​യും ​വി​വി​ധ രീ​തി​യി​ലു​ള്ള ശ്രീ​രാ​മ​നും ഒ​ക്കെ​യാ​യി മ​റു​വി​ഭാ​ഗം മ​റു​പ​ടി ന​ൽ​കി.

കു​ട​ക​ൾ​ക്കു പ​ക​രം എ​ൽ.​ഇ.​ഡി​യി​ലു​ള്ള ബ​ഹു​രൂ​പ​ങ്ങ​ളും ഇ​രു​വി​ഭാ​ഗ​ങ്ങ​ളും മ​ത്സ​രി​ച്ചു​യ​ർ​ത്തി. ഐ.​എ​സ്.​ആ​ർ.​ഒ, ച​ന്ദ്ര​യാ​ൻ എ​ന്നി​വ​യും കു​ട​മാ​റ്റ​ത്തി​ന്റെ ഭാ​ഗ​മാ​യി വാ​നി​ലു​യ​ർ​ന്നു. എ​ല്ലാ വ​ർ​ഷ​വും വ്യ​ത്യ​സ്ത​മാ​യ കു​ട​ക​ൾ അ​വ​ത​രി​പ്പി​ക്കാ​ൻ ഇ​രു വി​ഭാ​ഗ​വും ശ്ര​മി​ക്കാ​റു​ണ്ട്. ഇ​ക്കു​റി​യും അ​ത് ആ​വ​ർ​ത്തി​ച്ചു. ചെ​റി​യ വെ​ടി​ക്കെ​ട്ടോ​ടെ കു​ട​മാ​റ്റം ഏ​ഴ​ര​ക്ക് അ​വ​സാ​നി​ച്ചു. ഇ​തോ​ടെ പ​ക​ൽ​പൂ​രം പൂ​ർ​ണ​മാ​യി.