പൂരം പൊടി പൂരം: എങ്ങും ആവേശാരവം

തൃ​ശൂ​ര്‍: മേ​ളം​കൊ​ണ്ട്, ആ​സ്വാ​ദ​നം​കൊ​ണ്ട്, ആ​വേ​ശം​കൊ​ണ്ട്, ല​ഹ​രി​കൊ​ണ്ട്, സ​ന്തോ​ഷം​കൊ​ണ്ട് തൃ​ശൂ​ർ പ​ക​രം വീ​ട്ടു​ന്ന കാ​ഴ്ച​യാ​ണ്​ പൂ​ര​ന​ഗ​രി​യി​ൽ ക​ണ്ട​ത്. ര​ണ്ട് വ​ർ​ഷ​മാ​യി അ​ട​ക്കി​പ്പി​ടി​ച്ച ആ​വേ​ശാ​ര​വം കു​ട​മാ​റ്റ​ത്തി​ന്‍റെ അ​വ​സാ​ന​ത്തി​ൽ പെ​യ്ത മ​ഴ​യെ​പോ​ലും കണക്കിലെടുക്കാതെ അ​ല​ക​ട​ലാ​യി. ഘ​ട​ക​പൂ​ര​ങ്ങ​ളി​ലും മ​ഠ​ത്തി​ൽ വ​ര​വി​ലും പു​റ​പ്പാ​ടി​ലും ഇ​ല​ഞ്ഞി​ത്ത​റ​യി​ലും കു​ട​മാ​റ്റ​ത്തി​ലും വെ​ടി​ക്കെ​ട്ടി​ലും മാ​ത്ര​മ​ല്ല, ന​ട​വ​ഴി​ക​ളി​ലും കൂ​ടി​ക്കാ​ഴ്ച​ക​ളി​ലു​മെ​ല്ലാം പൂ​ര​മാ​യി​രു​ന്നു.

പൊ​ലീ​സി​ന്‍റെ​യും ജി​ല്ല ഭ​ര​ണ​കൂ​ട​ത്തി​ന്‍റെ​യും ക്ര​മീ​ക​ര​ണ​ങ്ങ​ൾ​ക്ക്​ അ​പ്പു​റ​മാ​യ​തി​രു​ന്നു പൂ​ര​പ്രേ​മി​ക​ളു​ടെ കു​ത്തൊ​ഴു​ക്ക്. പു​ല​ർ​ച്ച പെ​യ്ത മ​ഴ ആ​ശ​ങ്ക​യു​ണ്ടാ​ക്കി​യെ​ങ്കി​ലും വി​ട​വാ​ങ്ങി. പ​ക്ഷേ മാ​നം വെ​ളു​ക്കാ​ൻ കൂ​ട്ടാ​ക്കി​യി​രു​ന്നി​ല്ല. വെ​യി​ലും മ​ഞ്ഞും മ​ഴ​യു​മേ​ൽ​ക്കാ​തെ​യെ​ത്തു​ന്നെ​ന്ന സ​ങ്ക​ൽ​പം തി​രു​ത്തി ചാ​റ്റ​ൽ​മ​ഴ കൊ​ണ്ടാ​ണ് ക​ണി​മം​ഗ​ലം ശാ​സ്താ​വ് വ​ട​ക്കു​ന്നാ​ഥ​നി​ലേ​ക്കെ​ത്തി​യ​ത്.

ഏ​ഴ​ര​യോ​ടെ എ​ട്ട് ആ​ന​യു​ടെ അ​ക​മ്പ​ടി​യോ​ടെ എ​ത്തി​യ ക​ണി​മം​ഗ​ലം ശാ​സ്താ​വ് എ​ട്ട​ര​യോ​ടെ മേ​ളം ക​ലാ​ശി​ച്ചു​വെ​ങ്കി​ലും ഒ​മ്പ​തോ​ടെ​യാ​ണ് മ​ട​ങ്ങി​യ​ത്. പി​ന്നാ​ലെ ചെ​​മ്പൂ​​ക്കാ​​വ്, പ​​ന​​മു​​ക്കും​​പ​​ള്ളി, കാ​​ര​​മു​​ക്ക്, ലാ​​ലൂ​​ർ, ചൂ​​ര​​ക്കോ​​ട്ടു​​കാ​​വ്, അ​​യ്യ​​ന്തോ​​ൾ, നെ​​യ്ത​​ല​​ക്കാ​​വ്​ തു​ട​ങ്ങി​യ ദേ​വ​ത​ക​ൾ ക്ഷേ​ത്ര​ത്തി​ലെ​ത്തി വ​ട​ക്കു​ന്നാ​ഥ​നെ വ​ണ​ങ്ങി​യി​റ​ങ്ങി. ഘ​ട​ക​പൂ​ര​ങ്ങ​ളു​ടെ ശ്രീ​മൂ​ല​സ്ഥാ​ന​ത്തെ മേ​ളം കൊ​ട്ടി​ക്ക​യ​റ്റം വേ​റൊ​രു പൂ​ര​ലോ​ക​മാ​ണ്​ ഒ​രു​ക്കി​യ​ത്. പ​തി​നൊ​ന്ന​ര​യോ​ടെ മ​ഠ​ത്തി​ന് മു​ന്നി​ൽ കോ​ങ്ങാ​ട് മ​ധു പ​തി​കാ​ല​ത്തി​ൽ തി​മി​ല​യി​ൽ താ​ള​മി​ട്ടു. താ​ള​വ​ട്ട​ങ്ങ​ൾ മു​റു​കി ആ​ൽ​മ​ര​ത്ത​ണ​ലി​ൽ വാ​ദ്യ​ക​ല​കാ​ര​ന്മാ​രു​ടെ വി​രു​ന്നൂ​ട്ടി​നെ ആ​സ്വാ​ദ​ക​ർ ഹൃ​ദ​യ​ത്തി​ലാ​ണ്​ ഏ​റ്റു​വാ​ങ്ങി​യ​ത്. ഇ​തി​ന​കം പൂ​ര​ന​ഗ​രി ജ​ന​സാ​ഗ​ര​മാ​യി​ക്ക​ഴി​ഞ്ഞി​രു​ന്നു. ന​ടു​വി​ലാ​ലി​ൽ പ​ഞ്ച​വാ​ദ്യം അ​വ​സാ​നി​പ്പി​ച്ച് പാ​ണ്ടി​മേ​ള​ത്തി​ന്‍റെ അ​ക​മ്പ​ടി​യോ​ടെ വ​ട​ക്കും‌​ന്നാ​ഥ​നി​ലേ​ക്ക് കി​ഴ​ക്കൂ​ട്ട് അ​നി​യ​ൻ മാ​രാ​രു​ടെ പ്ര​മാ​ണ​ത്തി​ൽ ഭ​ഗ​വ​തി എ​ഴു​ന്ന​ള്ളി. 12ഓ​ടെ പാ​റ​മേ​ക്കാ​വ് ഭ​ഗ​വ​തി​യു​ടെ പു​റ​ത്തേ​ക്കെ​ഴു​ന്ന​ള്ള​ത്ത് പ്രൗ​ഢ​മാ​യി​രു​ന്നു. ക്ഷേ​ത്ര​ത്തി​ന് മു​ന്നി​ൽ നി​ര​ന്ന ആ​ന​ക​ൾ​ക്ക് മു​ന്നി​ൽ പി​ന്നെ മേ​ള​പ്പെ​രു​മ​ഴ. ചെ​റി​യ കു​ട​മാ​റ്റം. ആ​ർ​ത്തു​വി​ളി​ച്ച് ജ​ന​ക്കൂ​ട്ടം. സ​മ​യം നീ​ങ്ങി​യ​ത് അ​റി​ഞ്ഞി​ല്ല, മേ​ളം കാ​ല​ഭേ​ദ​ങ്ങ​ൾ ക​ട​ന്നു​പോ​യ​തോ​ടെ മേ​ള​വും നീ​ള​മേ​റി. പി​ന്നീ​ട് തേ​ക്കി​ൻ‌​കാ​ട്ടി​ലൂ​ടെ പാ​ണ്ടി​മേ​ള​ത്തി​ന്റെ ചെ​മ്പ​ട താ​ള​ത്തി​ൽ എ​ത്തു​ന്ന ഭ​ഗ​വ​തി​ക്ക് 15 ആ​ന അ​ക​മ്പ​ടി. പ​ക്ഷേ മേ​ളം മു​റു​കി​യ​തി​നൊ​പ്പം ആ​സ്വാ​ദ​ക​രും ചേ​ർ​ന്ന​തോ​ടെ സ​മ​യം വൈ​കി. 2.10ന് ​തു​ട​ങ്ങേ​ണ്ട പെ​രു​വ​നം കു​ട്ട​ൻ മാ​രാ​രും സം​ഘ​വും അ​വ​ത​രി​പ്പി​ക്കേ​ണ്ട ഇ​ല​ഞ്ഞി​ത്ത​റ മേ​ളം പ​തി​വ് സ​മ​യ​വും ക​ട​ന്ന​തോ​ടെ കാ​ത്തി​രു​ന്ന​വ​രു​ടെ ക്ഷ​മ​കെ​ടു​ന്ന നി​ല​യി​ലെ​ത്തി​യ​പ്പോ​ഴേ​ക്കും പെ​രു​വ​ന​വും സം​ഘ​വും നി​ര​ന്നു. തു​ട​ർ​ന്നു​ള്ള ര​ണ്ടേ​കാ​ൽ മ​ണി​ക്കൂ​ർ മേ​ള​ക്ക​മ്പ​ക്കാ​ർ ഇ​ള​കി​മ​റി​ഞ്ഞു. വൈ​കീ​ട്ട് അ​ഞ്ചോ​ടെ മേ​ളം ക​ലാ​ശി​ച്ച് തെ​ക്കോ​ട്ടി​റ​ങ്ങി. ഈ ​സ​മ​യ​ത്ത് ശ്രീ​മൂ​ല സ്ഥാ​ന​ത്ത് തി​രു​വ​മ്പാ​ടി​യു​ടെ പാ​ണ്ടി​മേ​ളം കി​ഴ​ക്കൂ​ട്ട് അ​നി​യ​ൻ മാ​രാ​രു​ടെ നേ​തൃ​ത്വ​ത്തി​ൽ കാ​ലം പൂ​ർ​ത്തി​യാ​ക്കി. ആ​ദ്യം പാ​റ​മേ​ക്കാ​വും പി​ന്നാ​ലെ തി​രു​വ​മ്പാ​ടി​യും തെ​ക്കോ​ട്ടി​റ​ങ്ങി.

കു​ട​മാ​റ്റ​ത്തി​ൽ ഇ​രു​വി​ഭാ​ഗ​വും വി​സ്മ​യ​ങ്ങ​ൾ മാ​റ്റി മ​ത്സ​രി​ക്കു​മ്പോ​ൾ ആ​ൾ​ക്ക​ട​ൽ ഇ​ര​മ്പി​യാ​ർ​ത്തു. അ​വ​സാ​ന നി​മി​ഷ​ങ്ങ​ളി​ൽ പെ​യ്ത മ​ഴ​യി​ലും ജ​ന​ത​യു​ടെ ആ​വേ​ശം ചോ​ർ​ന്നി​ല്ല. സ്ത്രീ​ക​ൾ​ക്കും കു​ട്ടി​ക​ൾ​ക്കും പൂ​ര​വും കു​ട​മാ​റ്റ​വും സു​ര​ക്ഷി​ത​മാ​യി കാ​ണാ​ൻ പ്ര​ത്യേ​ക സൗ​ക​ര്യ​മൊ​രു​ക്കി​യി​രു​ന്നു. കു​ട​മാ​റ്റ​ക്കാ​ഴ്ച​ക​ൾ പൂ​ർ​ത്തി​യാ​ക്കി ആ​ന​ക​ൾ​ക്കൊ​പ്പം ആ​ളു​ക​ളും പി​രി​ഞ്ഞു. പു​ല​ര്‍ച്ച ആ​കാ​ശ​പ്പൂ​ര​ത്തി​നാ​യു​ള്ള കാ​ത്തി​രി​പ്പ്. ഘ​ട​ക​പൂ​ര​ങ്ങ​ളു​ടെ ആ​വ​ർ​ത്ത​നം, അ​ർ​ധ​രാ​ത്രി പാ​റ​മേ​ക്കാ​വി​ന്‍റെ പ​ഞ്ച​വാ​ദ്യം. ബു​ധ​നാ​ഴ്ച പ​ക​ല്‍പൂ​രം കൊ​ട്ടി അ​വ​സാ​നി​ക്കു​ന്ന​തോ​ടെ തി​രു​വ​മ്പാ​ടി-​പാ​റ​മേ​ക്കാ​വ് ഭ​ഗ​വ​തി​മാ​ര്‍ ഉ​പ​ചാ​രം ചൊ​ല്ലി പി​രി​യും. ഇ​തോ​ടെ പൂ​ര​ച്ച​ട​ങ്ങു​ക​ൾ​ക്ക് സ​മാ​പ​ന​മാ​കും. നാ​ലാ​യി​ര​ത്തോ​ളം പൊ​ലീ​സു​കാ​രാ​ണ്​ സു​ര​ക്ഷ​ക്കു​ള്ള​ത്. അ​തി​സു​ര​ക്ഷാ മേ​ഖ​ല​യാ​യ ക്ഷേ​ത്രം, മൈ​താ​നം, സ്വ​രാ​ജ് റൗ​ണ്ട് പ്ര​ദേ​ശ​ങ്ങ​ളെ അ​ഞ്ച് മേ​ഖ​ല​യാ​യി വി​ഭ​ജി​ച്ചാ​ണ് നി​യ​ന്ത്ര​ണം. സി.​സി ടി.​വി കാ​മ​റ​ക​ൾ അ​ട​ക്കം സ​ജ്ജീ​ക​രി​ച്ച് പൊ​ലീ​സി​ന്റെ സ​മ്പൂ​ർ​ണ നി​രീ​ക്ഷ​ണ​ത്തി​ലാ​ണ് ന​​ഗ​രം.

'കഥ' തിരുത്തി കണിമംഗലം ശാസ്താവിന്‍റെ വരവ്

തൃ​ശൂ​ർ: പ​റ​ഞ്ഞും കേ​ട്ടും പ​രി​ച​യ​പ്പെ​ട്ട ക​ഥ​ക​ൾ തി​രു​ത്തി ഇ​ട​വേ​ള​യി​ട്ടെ​ത്തി​യ പൂ​രം. വെ​യി​ലും മ​ഞ്ഞും മ​ഴ​യു​മേ​ൽ​ക്കാ​തി​രി​ക്കാ​ൻ പു​ല​രും മു​മ്പേ ആ​ദ്യ​മെ​ത്തു​ന്ന ദേ​വ​ത​യാ​ണ് ക​ണി​മം​ഗ​ലം ശാ​സ്താ​വെ​ന്നാ​ണ് സ​ങ്ക​ൽ​പം. എ​ന്നാ​ൽ, ഇ​ക്കു​റി ചാ​റ്റ​ൽ​മ​ഴ കൊ​ണ്ടാ​ണ് ക​ണി​മം​ഗ​ലം ശാ​സ്താ​വ് വ​ട​ക്കു​ന്നാ​ഥ​നി​ലെ​ത്തി​യ​ത്. തി​ങ്ക​ളാ​ഴ്ച ക​ണി​മം​ഗ​ല​ത്തു​നി​ന്ന്​ പു​റ​പ്പെ​ട്ട് ന​ഗ​ര​ത്തി​ൽ കു​ള​ശ്ശേ​രി ക്ഷേ​ത്ര​ത്തി​ൽ വി​ശ്ര​മി​ക്കു​ന്ന ശാ​സ്താ​വ്​ പൂ​ര​നാ​ളി​ൽ പു​ല​ർ​ച്ച​യാ​ണ് വ​ട​ക്കു​ന്നാ​ഥ​നി​ലേ​ക്ക് പു​റ​പ്പെ​ടു​ക. രാ​ത്രി ര​ണ്ട് ത​വ​ണ​യാ​യി മ​ഴ പെ​യ്ത​തോ​ടെ ചെ​റി​യ ആ​ശ​ങ്ക​യു​ണ്ടാ​യി​രു​ന്നു​വെ​ങ്കി​ലും പു​ല​രും മു​മ്പേ മ​ഴ​യൊ​ഴി​ഞ്ഞ ആ​ശ്വാ​സ​ത്തി​ലാ​യി​രു​ന്നു. എ​ഴു​ന്ന​ള്ളി​പ്പ് വ​ട​ക്കു​ന്നാ​ഥ​നി​ലേ​ക്ക് ക​യ​റു​ന്ന​തോ​ടെ​യാ​യി​രു​ന്നു പി​ന്നെ മ​ഴ പെ​യ്ത​ത്. ചാ​റ്റ​ൽ മ​ഴ​ക്ക് പി​ന്നാ​ലെ ആ​ന ഇ​ട​യു​ക​യും ചെ​യ്തു. ത​ലേ ദി​വ​സം നെ​യ്ത​ല​ക്കാ​വ് ഭ​ഗ​വ​തി തു​റ​ന്നി​ട്ട തെ​ക്കേ ഗോ​പു​ര വാ​തി​ലി​ലൂ​ടെ​യാ​ണ് ക​ണി​മം​ഗ​ലം ശാ​സ്താ​വ് പൂ​ര​ത്തി​ൽ പ​ങ്കെ​ടു​ക്കു​ന്ന​ത്. ശാ​സ്ത ക്ഷേ​ത്ര​മാ​ണെ​ങ്കി​ലും ദേ​വ​ഗു​രു​വാ​യ ബൃ​ഹ​സ്പ​തി​യാ​ണ്‌ പ്ര​തി​ഷ്ഠ എ​ന്നാ​ണ്‌ വി​ശ്വാ​സം. പൂ​ര​നാ​ളി​ൽ ആ​ദ്യം ചു​വ​ടു​വെ​ക്കാ​നു​ള്ള അ​വ​കാ​ശം ശാ​സ്താ​വി​ന് വി​ധി​ച്ച് ന​ൽ​കി​യ​ത് പൂ​രം രൂ​പ​ക​ൽ​പ​ന ചെ​യ്ത ശ​ക്ത​ൻ ത​മ്പു​രാ​നാ​ണ്. ദേ​വ​ഗു​രു​വാ​യ​തി​നാ​ൽ വ​ട​ക്കു​ന്നാ​ഥ​നെ വ​ണ​ങ്ങു​ക​യോ പ്ര​ദ​ക്ഷി​ണം വെ​യ്ക്കു​ക​യോ ചെ​യ്യാ​ത്ത ഏ​ക ഘ​ട​ക​പൂ​ര​മാ​ണി​തെ​ന്ന പ്ര​ത്യേ​ക​ത​യു​മു​ണ്ട്.

ഹൃ​ദ്യം, ഭ​ക്ത്യാ​ദ​രം; തി​രു​വ​മ്പാ​ടി​യു​ടെ മ​ഠ​ത്തി​ൽ വ​ര​വ്

തൃ​ശൂ​ര്‍: ഹൃ​ദ്യ​വും ഭ​ക്ത്യാ​ദ​ര​വോ​ടെ​യു​മാ​യി​രു​ന്നു തി​രു​വ​മ്പാ​ടി​യു​ടെ മ​ഠ​ത്തി​ലേ​ക്കു​ള്ള വ​ര​വ്. തി​രു​വ​മ്പാ​ടി ക​ണ്ണ​നാ​ണ് ഭ​ഗ​വ​തി​യു​ടെ തി​ട​മ്പേ​റ്റി പു​റ​ത്തേ​ക്കി​റ​ങ്ങി​യ​ത്. യാ​ത്ര​യാ​ക്കാ​നെ​ത്തി​യ പൂ​ര​പ്രേ​മി​ക​ളും ത​ട്ട​ക​വാ​സി​ക​ളും ഭ​ഗ​വ​തി​യെ പു​ഷ്പ​വൃ​ഷ്ടി ന​ട​ത്തി ആ​ര്‍പ്പും ആ​ര​വ​വു​മാ​യി വ​ര​വേ​റ്റു. വ​ര​ടി​യം ജ​യ​റാ​മും കീ​ഴൂ​ട്ട് വി​ശ്വ​നാ​ഥ​നും കൂ​ട്ടാ​ന​ക​ളാ​യി. കി​ഴ​ക്കൂ​ട്ട് അ​നി​യ​ൻ മാ​രാ​രു​ടെ നേ​തൃ​ത്വ​ത്തി​ല്‍ ന​ട​പ്പാ​ണ്ടി​യോ​ടെ ഷൊ​ര്‍ണൂ​ര്‍ റോ​ഡ് വ​ഴി നാ​യ്ക്ക​നാ​ല്‍ പ​ന്ത​ലി​ലെ​ത്തി​യ​പ്പോ​ള്‍ ആ​ചാ​ര​വെ​ടി മു​ഴ​ങ്ങി. നാ​യ്ക്ക​നാ​ലി​ല്‍നി​ന്ന് വ​ല​ത്തോ​ട്ടു തി​രി​ഞ്ഞ് ന​ടു​വി​ലാ​ല്‍ വ​ഴി ബ്ര​ഹ്മ​സ്വം മ​ഠ​ത്തി​ലേ​ക്കെ​ത്തി​യ​പ്പോ​ൾ ച​രി​ത്ര​ത്തി​ന്റെ മു​ട​ക്ക​മി​ല്ലാ​ത്ത ആ​വ​ര്‍ത്ത​ന​മാ​യി അ​ത്.