ഏ​ഴ​ഴ​കാ​യി ഏ​ഴാ​റ്റു​മു​ഖം ഗ​ണ​പ​തി

അ​തി​ര​പ്പി​ള്ളി: അ​തി​ര​പ്പി​ള്ളി വി​നോ​ദ സ​ഞ്ചാ​ര മേ​ഖ​ല​യി​ൽ നാ​ട്ടു​കാ​ർ​ക്കും യാ​ത്ര​ക്കാ​ർ​ക്കും കൗ​തു​കം പ​ക​ർ​ന്ന് ഏ​ഴാ​റ്റു​മു​ഖം ഗ​ണ​പ​തി​യെ​ന്ന കാ​ട്ടാ​ന. ആ​ന​യെ കാ​ണാ​നും ചി​ത്ര​ങ്ങ​ൾ പ​ക​ർ​ത്താ​നും പേ​ര് ചൊ​ല്ലി വി​ളി​ക്കാ​നു​മെ​ല്ലാം വെ​റ്റി​ല​പ്പാ​റ ഭാ​ഗ​ത്ത് ആ​ളു​ക​ൾ ത​മ്പ​ടി​ക്കു​ന്ന കാ​ഴ്ച​യാ​ണ് ദി​നേ​ന ഇ​വി​ടെ. കാ​ട്ടാ​ന​യാ​ണെ​ങ്കി​ലും ച​ട്ടം പ​ഠി​ച്ച നാ​ട്ടാ​ന​യെ പോ​ലെ​യു​ള്ള പെ​രു​മാ​റ്റ​വും ആ​ർ​ക്കും ശ​ല്യ​മു​ണ്ടാ​ക്കാ​തെ ക​ളി​ച്ചും കു​ണു​ങ്ങി​യു​മു​ള്ള ന​ട​പ്പു​മാ​ണ് ഗ​ണ​പ​തി​യെ ജ​ന​പ്രി​യ​നാ​ക്കി​യ​ത്.

കാ​ട്ടാ​ന പ്രേ​മി​ക​ളാ​യ ഒ​രു സം​ഘം ആ​ളു​ക​ളാ​ണ് ഏ​ഴാ​റ്റു​മു​ഖം ഗ​ണ​പ​തി​യെ​ന്ന പേ​രി​ട്ട​ത്. തൊ​ട്ട​ടു​ത്ത് എ​ത്തി​യാ​ൽ പോ​ലും ആ​രെ​യും ഉ​പ​ദ്ര​വി​ക്കാ​റി​ല്ലെ​ന്ന​തും ഒ​ത്ത​ല​ക്ഷ​ണ​വും കാ​ര​ണ​മാ​ണ് ഗ​ണ​പ​തി എ​ന്ന പേ​ര് ചാ​ർ​ത്തി​ക്കി​ട്ടി​യ​ത്.വെ​റ്റി​ല​പ്പാ​റ​യി​ലെ പു​ഴ​യും പ​രി​സ​ര​വു​മെ​ല്ലാം ഗ​ണ​പ​തി​യു​ടെ ഇ​ഷ്ട​കേ​ന്ദ്ര​ങ്ങ​ളാ​യി​ട്ട് വ​ർ​ഷ​ങ്ങ​ൾ പി​ന്നി​ടു​ന്നു.

വേ​ന​ലി​ലും വ​ർ​ഷ​ക്കാ​ല​ത്തും ഗ​ണ​പ​തി​യു​ടെ സാ​ന്നി​ധ്യം വെ​റ്റി​ല​പ്പാ​റ​യി​ൽ ഉ​ണ്ട്. വേ​ന​ൽ​ക്കാ​ല​മെ​ത്തി​യാ​ൽ വെ​റ്റി​ല​പ്പാ​റ​യി​ൽ സ്ഥി​ര​സാ​ന്നി​ധ്യ​മാ​ണ്. പു​ഴ​യി​ലെ കു​ളി​യും ക​ളി​യു​മെ​ല്ലാം വെ​റ്റി​ല​പ്പാ​റ​ക്കാ​ർ​ക്ക് പ​തി​വ് കാ​ഴ്ച​യാ​ണ്.

ചൂ​ട് ക​ടു​ത്ത​തോ​ടെ മ​ണി​ക്കൂ​റു​ക​ളോ​ളം പൊ​ലീ​സ് സ്റ്റേ​ഷ​ൻ പ​രി​സ​ര​ത്തെ ക​ട​വി​ൽ ത​ന്നെ​യാ​ണ് ഈ ​ക​രി​വീ​ര​ൻ. പ​ക്ഷേ രാ​ത്രി വി​ശ​പ്പി​ന്റെ വി​ളി കേ​ട്ടാ​ൽ ഇ​വ​ൻ ന​ല്ല​ന​ട​പ്പ് മാ​റ്റി​വെ​ക്കും. രാ​ത്രി ജ​ന​വാ​സ കേ​ന്ദ്ര​ങ്ങ​ളി​ൽ എ​ത്തു​ന്ന ഗ​ണ​പ​തി കാ​ർ​ഷി​ക​വി​ള​ക​ൾ അ​പ്പാ​ടെ അ​ക​ത്താ​ക്കും.

വാ​ഴ​ക​ളോ​ടാ​ണ് ഏ​റെ പ്രി​യം. ഇ​നി പ്ലാ​ന്റേ​ഷ​ൻ തോ​ട്ട​ത്തി​ൽ എ​ത്തി​യാ​ൽ ഒ​​ന്നോ, ര​ണ്ടോ എ​ണ്ണ​പ്പ​ന​ക​ൾ കു​ത്തി മ​റി​ച്ചി​ടും. വ​ന​പാ​ല​ക​രു​ടെ​യും വാ​ച്ച​ർ​മാ​രു​ടെ​യും നി​ർ​ദേ​ശ​ങ്ങ​ൾ പാ​ലി​ച്ചാ​ൽ ഇ​നി​യും ഗ​ണ​പ​തി​യെ അ​ടു​ത്തു​കാ​ണാ​നാ​കും. ആ​വേ​ശം മൂ​ത്ത് സാ​ഹ​സി​ക​ത കാ​ണി​ച്ചാ​ൽ ഗ​ണ​പ​തി അ​പ​ക​ട​കാ​രി​യാ​ണെ​ന്നാ​ണ് വ​ന​പാ​ല​ക​രു​ടെ മു​ന്ന​റി​യി​പ്പ്.