ട്രെയിൻ തീവെപ്പ്​ കേസ്​: അന്വേഷണസംഘത്തിൽ തൃശൂർ പൊലീസും

തൃ​ശൂ​ർ: കോ​ഴി​ക്കോ​ട് എ​ല​ത്തൂ​രി​ൽ ട്രെ​യി​ൻ തീ​വെ​പ്പ്​ കേ​സി​ൽ പ്ര​തി ഷാ​രൂ​ഖ് സെ​യ്ഫി പി​ടി​യി​ലാ​വു​മ്പോ​ൾ അ​ഭി​മാ​ന​ത്തോ​ടെ തൃ​ശൂ​ർ പൊ​ലീ​സും. അ​ന്വേ​ഷ​ണ​ത്തി​ന്​ നി​യോ​ഗി​ച്ച ടീ​മി​ൽ തൃ​ശൂ​ർ സി​റ്റി പൊ​ലീ​സി​ലെ ‘നി​ഴ​ൽ പൊ​ലീ​സി’​ലെ മൂ​ന്ന് പേ​രു​മു​ണ്ട്. തൃ​ശൂ​ർ ഐ.​ജി ആ​യി​രു​ന്ന പ്ര​ത്യേ​ക അ​ന്വേ​ഷ​ണ​വി​ഭാ​ഗം മേ​ധാ​വി എ.​ഡി.​ജി.​പി എം.​ആ​ർ. അ​ജി​ത്കു​മാ​റി​ന്‍റെ നി​ർ​ദേ​ശ​പ്ര​കാ​ര​മാ​ണ് മൂ​ന്നു​പേ​രെ​യും സം​ഘ​ത്തി​ൽ നി​യോ​ഗി​ച്ച​ത്.

ആ​റു​പേ​രെ​യാ​ണ് ഇ​തി​നാ​യി നി​യോ​ഗി​ച്ചി​രു​ന്ന​ത്. അ​തി​ൽ മൂ​ന്നു​പേ​രും തൃ​ശൂ​രി​ൽ​നി​ന്നാ​ണ്. ചൊ​വ്വാ​ഴ്ച​യാ​ണ് ഇ​വ​ര​ട​ങ്ങു​ന്ന സം​ഘം പ്ര​തി​യെ അ​ന്വേ​ഷി​ച്ച് യാ​ത്ര തു​ട​ങ്ങി​യ​ത്. വി​വ​ര​ങ്ങ​ൾ കൈ​മാ​റി​യ​ത​നു​സ​രി​ച്ച് കേ​ന്ദ്ര ഇ​ന്‍റ​ലി​ജ​ന്‍സി​ന്‍റെ സ​ഹാ​യ​ത്തോ​ടെ മ​ഹാ​രാ​ഷ്ട്ര എ.​ടി.​എ​സും മ​ഹാ​രാ​ഷ്ട്ര പൊ​ലീ​സും സം​യു​ക്ത​മാ​യി ര​ത്ന​ഗി​രി റെ​യി​ൽ​വേ സ്റ്റേ​ഷ​നി​ൽ​നി​ന്ന് ഷാ​രൂ​ഖ് സെ​യ്‌​ഫി​യെ പി​ടി​കൂ​ടു​മ്പോ​ൾ കേ​ര​ള​ത്തി​ൽ​നി​ന്നു​ള്ള പ്ര​ത്യേ​ക സം​ഘം ഡ​ൽ​ഹി​യി​ൽ​നി​ന്ന് ര​ത്ന​ഗി​രി​യി​ൽ എ​ത്തി.

ഷാ​രൂ​ഖ് സെ​യ്‌​ഫി പി​ടി​യി​ലാ​യെ​ങ്കി​ലും ഇ​വ​രു​ടെ ദൗ​ത്യം അ​വ​സാ​നി​ച്ചി​ട്ടി​ല്ല. സം​ഘ​ത്തി​ലെ ഒ​രു​വി​ഭാ​ഗം കേ​സു​മാ​യി ബ​ന്ധ​പ്പെ​ട്ട മ​റ്റ് വി​വ​ര​ശേ​ഖ​ര​ണ​ത്തി​നാ​യി ഡ​ൽ​ഹി​യി​ലും മ​ഹാ​രാ​ഷ്ട്ര​യി​ലും ത​ങ്ങു​ക​യാ​ണ്. അ​ടു​ത്ത ദി​വ​സ​മേ ഇ​വ​ർ മ​ട​ങ്ങൂ. വ​ർ​ഷ​ങ്ങ​ളാ​യി തെ​ളി​യാ​തെ​യും തു​മ്പി​ല്ലാ​തെ​യും കി​ട​ന്ന നി​ര​വ​ധി കേ​സു​ക​ൾ തെ​ളി​യി​ച്ച ച​രി​ത്ര​മു​ണ്ട്​ തൃ​ശൂ​ർ നി​ഴ​ൽ പൊ​ലീ​സ്​ അം​ഗ​ങ്ങ​ൾ​ക്ക്.