ഗുരുവായൂരിലെ ലോഡ്ജിൽ രണ്ട് പെൺകുട്ടികൾ മരിച്ച നിലയിൽ; പിതാവ് ഗുരുതരാവസ്ഥയിൽ
text_fieldsഗുരുവായൂര്(തൃശൂർ): പടിഞ്ഞാറെ നടയിലെ സ്വകാര്യ ലോഡ്ജില് പിതാവിനൊപ്പം മുറിയെടുത്ത വയനാട് സ്വദേശികളായ രണ്ട് പെണ്കുട്ടികള് മരിച്ച നിലയില്. ഇവരോടൊപ്പമുണ്ടായിരുന്ന പിതാവ് ചന്ദ്രശേഖരന് (58) കൈഞരമ്പ് മുറിച്ച നിലയിലായിരുന്നു. തിങ്കളാഴ്ച രാത്രി പത്തരയോടെയാണ് ചന്ദ്രശേഖരനും രണ്ട് പെണ്മക്കളും കാറിലെത്തി ലോഡ്ജില് മുറിയെടുത്തത്.
ചൊവ്വാഴ്ച രാവിലെ ഏഴോടെ ലോഡ്ജ് ജീവനക്കാര് ഇവരെ മുറിയുടെ പുറത്ത് കണ്ടിരുന്നു. എന്നാല് ഉച്ചക്ക് രണ്ടിന് മുറി ഒഴിയേണ്ട സമയം കഴിഞ്ഞിട്ടും പുറത്ത് കാണാതിരുന്നതിനെ തുടര്ന്ന് പൊലീസില് വിവരം അറിയിച്ചു. സി.ഐ സി. പ്രേമാനന്ദകൃഷ്ണന്റെ നേതൃത്വത്തിലുള്ള പൊലീസ് സംഘം എത്തി മുറി തുറന്നപ്പോള് എട്ട് വയസുള്ള കുട്ടി തൂങ്ങി മരിച്ച നിലയിലും 14 വയസുള്ള കുട്ടി കിടക്കയില് വിഷം ഉള്ളില് ചെന്ന് മരിച്ച നിലയിലും ആയിരുന്നു. ഇവരുടെ പിതാവ് വയനാട് സ്വദേശി ചന്ദ്രശേഖരനെ കൈഞരമ്പ് മുറിച്ച് രക്തം വാര്ന്ന നിലയില് കുളിമുറിയില് കണ്ടെത്തി.
ഗുരുതരാവസ്ഥയിലായ ഇയാളെ തൃശൂരിലെ സ്വകാര്യ ആശുപത്രിയിലേക്ക് മാറ്റി. ഇവര് നല്കിയ വിലാസം ശരിയാണെങ്കിലും ഇവര് താമസ്ഥലം വിട്ടിട്ട് കുറച്ചു നാളുകളായതായാണ് പ്രാഥമിക അന്വേഷണത്തില് അറിഞ്ഞതെന്ന് പൊലീസ് പറഞ്ഞു. മുഴങ്ങില് വീട്, കാട്ടികൊള്ളി, സുല്ത്താന്ബത്തേരി എന്നതാണ് ലോഡ്ജില് നല്കിയിട്ടുള്ള വിലാസം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.