റോ​ഡി​ലെ കു​ഴി​യി​ൽ വീ​ണ് വീട്ടമ്മക്കും മ​രു​മ​ക​ൾ​ക്കും പ​രി​ക്ക്

അ​ന്തി​ക്കാ​ട്: സ​ർ​ക്കാ​ർ ആ​ശു​പ​ത്രി റോ​ഡി​ൽ വെ​ള്ളം നി​റ​ഞ്ഞു കി​ട​ക്കു​ന്ന കു​ഴി​യി​ൽ വീ​ണ് മ​ധ്യ​വ​യ​സ്ക​ക്കും മ​രു​മ​ക​ൾ​ക്കും പ​രി​ക്കേ​റ്റു. താ​ന്ന്യം വാ​ള​മു​ക്ക് സ്വ​ദേ​ശി പു​തി​യ​വീ​ട്ടി​ൽ മു​ഹ​മ്മ​ദാ​ലി​യു​ടെ ഭാ​ര്യ റം​ല​ത്ത് (52), മ​രു​മ​ക​ൾ അം​ന നി​സാ​ർ (26) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ബു​ധ​നാ​ഴ്ച രാ​വി​ലെ 11ഓ​ടെ​യാ​യി​രു​ന്നു അ​പ​ക​ടം. റം​ല​ത്തി​നെ അ​ന്തി​ക്കാ​ട് സ​ർ​ക്കാ​ർ ആ​ശു​പ​ത്രി​യി​ൽ കാ​ണി​ക്കാ​ൻ ഇ​രു​ച​ക്ര വാ​ഹ​ന​ത്തി​ൽ അം​ന കൊ​ണ്ടു​പോ​കു​മ്പോ​ഴാ​യി​രു​ന്നു അ​പ​ക​ടം. എ​തി​രെ വാ​ഹ​നം വ​ന്ന​തോ​ടെ കാ​ലു കു​ത്തി​യ ഇ​വ​ർ ചെ​ളി​ക്കു​ണ്ടി​ലേ​ക്ക് വീ​ഴു​ക​യാ​യി​രു​ന്നു.

അ​ന്തി​ക്കാ​ട് ആ​ശു​പ​ത്രി​യി​ൽ എ​ത്തി​ച്ച റം​ല​ത്തി​നെ വി​ശ​ദ പ​രി​ശോ​ധ​ന​ക്ക് വി​ധേ​യ​മാ​ക്കി. റോ​ഡ് ത​ക​ർ​ന്നു ചെ​ളി​ക്കു​ണ്ടാ​യ​തോ​ടെ സ്കൂ​ൾ വി​ദ്യാ​ർ​ഥി​ക​ളും മ​റ്റും ഇ​ത്ത​ര​ത്തി​ൽ കു​ഴി​യി​ൽ വീ​ണ് പ​രി​ക്കേ​റ്റ​താ​യി സ​മീ​പ​വാ​സി​ക​ൾ പ​റ​യു​ന്നു.